Yangiliklar
Билесизбе
Жол ҳәрекети қатнасыўшылары жол-патруль хызмети (ЖПХ) хызметкерлери менен мүнәсибетлерде төмендеги ҳуқықларға ийе:
- ЖПХ хызметкери тәрепинен тоқтатыў тийкарлары ҳәмде қағыйдалардың қайсы бәнти бузғанлығы ҳаққында түсиник бериўди талап етиў;
- транспорт қуралын тоқтатқан ЖПХ хызметкеринен өзин таныстырыўды, хызмет гүўалығын көрсетиўин ҳәм көкирек белгисин мәлим етиўин талап етиў;
- хызметти мобиль видеокамерасыз алып барып атырған ЖПХ хызметкерине ҳүжжетлерди усынбаў;
- ЖПХ хызметкери менен өз ара қатнасын өзине тийисли аудио, фото ҳәм видео қурылмаға түсириў (қадаған етилген белги бар болған аймақлардан басқа);
- нызам ҳүжжетлеринде нәзерде тутылған жағдайлардан басқа транспорт қуралы кабинасынан шықпастан, ЖПХ хызметкери менен өз-ара мүнәсибетке кирисиў;
- исленген нызамбузыўшылығы дизимге алынған арнаўлы маслама нәтийжелери менен танысыў;
- ҳуқықбузарлық жағдайын анықлаўда пайдаланылған арнаўлы қураллардың салыстырыў сертификатларын көрсетиўди талап етиў;
- ҳуқықбузарлық жағдайы бойынша түсиниклер бериў;
- тийкарсыз тоқтатып турылмаслығын талап етиў;
- ЖПХ хызметкери тәрепинен транспорт қуралын ямаса ондағы жүкти көзден өткериў процессинде қатнасыў;
- өзи тоқтатылған аймақта ЖПХ хызметкери хызмет алып барыўы мүмкинлиги ҳаққындағы дислокация көширмеси менен сол жердиң өзинде танысыў;
- ҳәкимшилик баянлама рәсмийлестирилгенинен соң ЖПХ хызметкериниң дислокациясы сақланып атырған отряд бөлими баслығынан дислокация ҳаққында жазба мағлыўмат бериўди талап етиў;
- өзине қарата рәсмийлестирилген ҳәкимшилик ҳуқықбузарлық ҳаққындағы баянлама ҳәм басқа ис ҳүжжетлери менен танысыў, олардан өз есабынан нусқа көшириў ямаса оларды фотосүўретке алыў;
- ЖПХ хызметкериниң ҳәрекетлери ямаса ҳәрекетсизлиги, рәсмийлестирилген ҳәкимшилик баянлама үстинен жоқары турыўшы органға ямаса судқа шағым етиў;
- өзи гуўасы болған ҳәдийсе ҳаққында ЖПХ хызметкерине ҳақыйқый мағлыўматты баян етиў.
Нызамшылықтағы_жаңалықлар
Ҳүкимет қарары менен Үзиликсиз руўхый тәрбия концепциясы тастыйықланды
Үзиликсиз руўхый тәрбия концепциясын әмелге асырыўдың үстин бағдарларынан бири халықтың перзент тәрбиясы бойынша билимлерин, педагогикалық мәдениятын асырыў пуқараларды үзиликсиз руўхый тәрбияның нәтийжели усыллары ҳәм әмелге асырыў формалары менен турақлы таныстырып барыў есапланады.
Концепцияның мақсети – жас әўладта ғәрезсиз өмир ушын зәрүр социаллық көнликпе ҳәм пазыйлетлерди жасына сай, басқышпа-басқыш қәлиплестириў тийкарында жоқары пазыйлетли, бәркамал әўладты тәрбиялаўдан ибарат.
Концепция төрт басқышты қамтып алады:
- биринши басқыш: шаңарақларда (ҳәмиле дәўири, бала туўылғаннан 3 жасқа шекем болған дәўир);
- екинши басқыш: мектепке шекемги билимлендириў 3-6 (7) жасқа шекем болған дәўир;
- үшинши басқыш: улыўма орта билимлендириў (7 (6)-10 жасқа шекем басланғыш класс, 11-17 (18) жас);
- төртинши басқыш: ислеп шығарыўда искерлик көрсетип атырған ҳәм бәнт болмаған, сондай-ақ, орта арнаўлы кәсип-өнер ҳәм жоқары билимлендириў мәкемеси системасындағы жаслар.
Прописка қылыў тәртиби әпиўайыласты
#Нызамшылықтағы_жаңалықлар
Коррупция – мәмлекет раўажланыўына кери тәсирин тийгизиўши иллет
МИЛЛАТЛАРАРО ТОТУВЛИК ВА ДИНИЙ БАҒРИКЕНГЛИК – БИРДАМЛИК ОМИЛИ