Янгиликлар
07
Нызамшылықтағы жаңалықлар
Нызамшылықтағы_жаңалықлар
“Мәмлекетлик бажы ҳаққында”ғы Нызамға Президент тәрепинен қол қойылды
Нызамға муўапық, мәмлекетлик бажы юридикалық әҳмийетли ҳәрекетлерди әмелге асырғанлығы ҳәм (ямаса) бундай ҳәрекетлер ушын ўәкилликли шахслар тәрепинен ҳүжжетлер бергенлиги ушын өндирилетуғын мәжбүрий төлем.
Консуллық жыйымы ҳәм патент бажы да мәмлекетлик бажы есапланады.
Нызамға көре, ўәкилликли мәкемлерге ҳәм (ямаса) лаўазымлы шахсларға мүрәжат етип атырған ҳәм өзине қарата юридикалық әҳмийетке ийе ҳәрекет ҳәм (ямаса) ҳүжжетлер бериў әмелге асырылатуғын юридикалық ҳәм физикалық шахслар мәмлекетлик бажыны төлеўшилер есапланады.
Сондай-ақ, Нызамда мәмлекетлик бажыны өндириў объектлери ҳәмде мәмлекетлик бажы ставкаларының муғдарлары белгиленди.
Нызам менен мәмлекетлик бажыны төлеўден азат етилетуғын физикалық ҳәм юридикалық шахслардың қатаң дизими белгилеп берилди.
Атап айтқанда, пуқаралық ислери бойынша судларда даўагерлер ис ҳақысын өндириў ҳаққындағы даўалар, алиментлер өндириў ҳаққындағы даўалар бойынша мәмлекетлик бажыны төлеўден азат етиледи.
Мәмлекетлик бажының дурыс есаплап шығарылыўы, толық өндирилиўи ҳәм Мәмлекетлик бюджетине өз ўақтында өткерилиўи үстинен қадағалаў мәмлекетлик салық органлары тәрепинен әмелге асырылады.
Бул Нызам рәсмий жәрияланған күннен баслап күшке киреди.