Qaraqalpaqstan Respublikası

Ministrler Keńesiniń

2022-jıl ____ - iyuldegi

____ - sanlı qararına

1-qosımsha

Qaraqalpaqstan Respublikası Ádillik ministrligi haqqında

REJE

I. Ulıwma qaǵıydalar

1. Usı Reje Ózbekstan Respublikası Prezidentiniń 2018-jıl 13-apreldegi
PQ-3666-sanlı “Ózbekstan Respublikası Ádillik ministrliginiń jumısın ele de jetilistiriwge baylanıslı shólkemlestiriw is-ilajları haqqında”ǵı qararına muwapıq Qaraqalpaqstan Respublikası Ádillik ministrliginiń (bunnan bılay tekstte – “Ministrlik” dep júrgiziledi) huqıqıy statusın, tiykarǵı wazıypaların, funkciyaların, huqıqların, juwapkershiligin, jumısın shólkemlestiriw hám esabat beriw tártibin, sonday-aq onıń basshılarınıń funkcionallıq wazıypaları
hám juwapkershiligin belgileydi.

2. Ministrlik Ózbekstan Respublikası Ádillik ministrliginiń wákilligi sheńberine kiretuǵın wazıypalardı ózi jumıs júrgizip atırǵan aymaqta ámelge asırıwshı mámleketlik basqarıw uyımı bolıp esaplanadı.

Ministrlik sistemasına ministrlik quramlıq bólimleri, rayonlar (qala) ádillik bólimleri, mámleketlik notarial keńseleri hám notarial arxiv kiredi.

Ministrlik jergilikli mámleketlik hákimiyatı uyımlarınan ǵárezsiz
hám tikkeley Ózbekstan Respublikası Ádillik ministrligine, sonday-aq Qaraqalpaqstan Respublikası Joqarǵı Keńesi hám Qaraqalpaqstan Respublikası Ministrler Keńesine boysınadı.

Ministrlik, rayonlar (qala) ádillik bólimleri huqıq qorǵaw uyımları bolıp esaplanadı.

3. Ministrlik óz jumısında Ózbekstan hám Qaraqalpaqstan Respublikaları Konstituciyası hám nızamlarına, Ózbekstan Respublikası Oliy Majlisi palatalarınıń qararları, Ózbekstan Respublikası Prezidentiniń pármanları, qararları
hám biylikleri, Ózbekstan Respublikası Ministrler Kabinetiniń qararları
hám biylikleri, Qaraqalpaqstan Respublikası Joqarǵı Keńesi qararaları
hám biylikleri, Karaqalpakstan Respublikası Ministrler Keńesi qararaları
hám biylikleri, basqa normativ-huqıqıy hújjetlerge, Ózbekstan Respublikası Ádillik ministrligi haqqındaǵı reje, Ózbekstan Respublikası Ádillik ministrligi kollegiyasınıń qararları, Ózbekstan Respublikası Ádillik ministriniń buyrıqları
hám biylikleri, sonday-aq usı Rejege boysınadı.

4. Ministrlik yuridikalıq shaxs esaplanadı, Qaraqalpaqstan Respublikası mámleketlik gerbi súwretlengen mórge hám blankalarǵa, ǵárezsiz balansqa,
jeke ǵazna esap betlerine, bank esap betlerine, sol qatarı, sırt el valyutasındaǵı bank esap betlerine iye bolıwı múmkin.

5. Ministrliktiń rásmiy ataması:

a) qaraqalpaq tilinde:

tolıq ataması – “Ózbekstan Respublikası Ádillik ministrligi Qaraqalpaqstan Respublikası Ádillik ministrligi”, qısqartırılǵan ataması –  “Qaraqalpaqstan Respublikası Ádillik ministrligi” yaki “Ádillik ministrligi”;

b) ózbek tilinde:

tolıq ataması – “O'zbekiston Respublikasi Adliya vazirligi Qoraqalpog'iston Respublikasi Adliya vazirligi”, qısqartırılǵan ataması – “Qoraqalpog'iston Respublikasi Adliya vazirligi” yaki “Adliya vazirligi”;

v) rus tilinde:

tolıq ataması – “Министерство юстиции Республики Узбекистан Министерство юстиции Республики Каракалпакстан”, qısqartırılǵan ataması –  “Министерство юстиции Республики Каракалпакстан” yaki “Министерство юстиции”;

g) ingliz tilinde:

tolıq ataması – “Ministry of Justice of the Republic of Uzbekistan
Ministry of Justice of the Republic of Karakalpakstan”, qısqartırılǵan ataması – “Ministry of Justice of the Republic of Karakalpakstan” yaki “Ministry
of Justice”.

6. Ministrlik óz jumısın basqa mámleketlik basqarıw uyımlarınıń aymaqlıq bólimleri, jergilikli mámleketlik hákimiyatı uyımları, huqıq qorǵawshı
hám qadaǵalaw dúzilmeleri hám de basqa shólkemler menen óz-ara birge islesiwde ámelge asıradı.

II. Ministrliktiń wazıypaları hám funkciyaları

7. Tómendegiler ministrliktiń tiykarǵı wazıypaları esaplanadı:

huqıq dóretiwshiligi tarawında birden-bir mámleketlik siyasattıń júrgiziliwin támiyinlew;

normativ-huqıqıy hújjetler hám olardıń joybarlarınıń tártipke salıw tásirin bahalaw hám de korrupciyaǵa qarsı ekspertizadan ótkeriw;

huqıqıy málimlemeni tarqatıw hám onnan paydalanıwdı támiynlew;

huqıqıy úgit-násiyattı ámelge asırıw hám de mámleketlik uyımları
hám shólkemleriniń aymaqlıq bólimlerinde huqıqıy úgit-násiyat tarawındaǵı jumıslardı muwapıqlastırıw;

mámleketlik uyımları aymaqlıq bólimleri, xojalıq birlespeleri
hám de jergilikli mámleketlik hákimiyatı uyımları jumısında huqıqtı qollaw ámeliyatın izshil hám birdey támiyinlew boyınsha ilajlardı ámelge asırıw;

puqaralardıń huqıqları, erkinlikleri hám nızamlı máplerin huqıqıy qorǵaw boyınsha ilajlardı ámelge asırıw;

nızamshılıq hújjetleri hám tapsımalarınıń óz waqtında, tolıq hám sapalı ámelge asırılıwın támiyinlew boyınsha tarawlar, aymaqlar hám keńseler kesiminde mánzilli hám tematikalıq analitikalıq úyreniwlerdi alıp barıw hám orınlardaǵı jaǵday monitoringin júrgiziw;

mámleketlik uyımları hám shólkemleriniń aymaqlıq bólimleri yuridikalıq xızmetleri jumısın muwapıqlastırıw hám qadaǵalaw, olardıń jumısına metodikalıq kómeklesiw;

notariat, advokatura hám de fizikalıq hám yuridikalıq shaxslarǵa huqıqıy xızmet kórsetiwshi basqa dúzilmelerdiń nátiyjeli jumıs kórsetiwin támiyinlew;

mámleketlik emes kommerciyalıq emes shólkemleriniń jumısın rawajlandırıw barısındaǵı mámleketlik siyasattı ámelge asırıw, olardıń mámleketlik uyımları hám shólkemleriniń aymaqlıq bólimleri menen óz-ara birge islesiwin shólkemlestiriwge kómeklesiw;

hákimshilik tártip-qaǵıydalar tarawındaǵı birden-bir mámleketlik siyasatın ámelge asırılıwın támiyinlew;

fizikalıq hám yuridikalıq shaxslarǵa mámleketlik xızmetlerin kórsetiw tarawındaǵı birden-bir mámleketlik siyasatın ámelge asırılıwın támiyinlew;

mámleketlik xızmetlerin kórsetiw tarawında nızam hújjetlerine ámel etiliwi ústinen monitoring alıp barıw hám qadaǵalaw;

mámleketlik xızmetlerin kórsetiw tarawında, sonıń ishinde tiyisli málimleme sistemaları, resursları hám maǵlıwmatlar bazaların engiziw boyınsha mámleketlik uyımları hám basqa shólkemlerdiń aymaqlıq bólimleri jumısın qadaǵalaw
hám nátiyjeliligin bahalaw;

intellektual múlk tarawında birden-bir mámleketlik siyasatınıń ámelge asırılıwın támiyinlew hám de oylap tabılıwlar, tovar belgileri, avtorlıq huqıqı
hám basqa intellektual múlk obektlerine bolǵan huqıqların qorǵaw;

yuridikalıq kadarlardı tayarlaw, qayta tayarlaw hám mamanlıǵın asırıwın shólkemlestiriw, yurisprudenciya tarawındaǵı fundamental hám ámeliy izertlewlerdi ámelge asırılıwın támiyinlew.

8. Ministrlik ózine júklengen wazıypalarǵa muwapıq tómendegi funkciyalardı ámelge asıradı:

1) huqıq dóretiwshiligi tarawında birden-bir mámleketlik siyasatın júrgiziw:

konstituciyalıq normalardı ámelge asırıw, insan huqıqları hám erkinliklerin támiyinlew, jámiyette nızamǵa boysınıw hám húrmet sezimin bekkemlew maqsetinde wákilligi sheńberinde huqıqıy siyasattıń baslı baǵdarların
islep shıǵıwda qatnasadı;

mámleketlik uyımları hám shólkemleriniń aymaqlıq bólimleriniń huqıq dóretiwshiligi máseleleri boyınsha jumısın muwapıqlastıradı hám metodikalıq basshılıqtı ámelge asıradı;

mámleketlik uyımları hám shólkemleri aymaqlıq bólimleriniń huqıq dóretiwshiligi jumısınıń monitoringi hám tallawın ámelge asıradı;

jergilikli mámleketlik hákimiyatı uyımlarınıń normativ-huqıqıy hújjetleri joybarların nızamshılıqqa, xalıqaralıq shártnamalar normalarına, mámlekette ámelge asırılıp atırǵan reformalardıń maqset hám wazıypalarına, nızamshılıq texnikası qaǵıydalarına muwapıqlıǵın, olarda korrupciyaǵa, basqa huqıqbuzarlıqlardı islewge shárayat jaratıwshı, sonday-aq fizikalıq hám yuridikalıq shaxslar

ushın artıqsha hákimshilik hám basqa sheklewlerdi engiziwshi qaǵıydalar hám normalardı anıqlaw kóz-qarasınan huqıqıy ekspertizadan ótkeredi;

nızam hújjetlerindegi huqıqıy kemshiliklerdi, korrupciyaǵa, basqa huqıqbuzarlıqlardı islewge shárayat jaratıwshı, sonday-aq fizikalıq hám yuridikalıq shaxslar ushın artıqsha hákimshilik hám basqa sheklewlerdi engiziwshi qaǵıydalar hám normalardı anıqlaydı hám de olardı saplastırıw boyınsha usınıslar tayarlaydı;

jergilikli mámleketlik hákimiyatı uyımlarınıń jer qatnasıqları tarawındaǵı sheshimleri joybarların huqıqıy ekspertizadan ótkeredi;

óz baslamalarına kóre, normativ-huqıqıy hújjetler joybarların islep shıǵadı hám olardı kórip shıǵıw ushın belgilengen tártipte kirgizedi;

normativ-huqıqıy hújjetlerdi islep shıǵıw boyınsha usınıslardı jergilikli mámleketlik hákimiyatı uyımlarına kórip shıǵıw ushın kirgizedi;

Ózbekstan Respublikası ádillik ministriniń tapsırmalarına tiykar jergilikli mámleketlik hákimiyatı uyımlarınıń normativ-huqıqıy hújjetlerine rásmiy sholıwlarınıń joybarları boyınsha juwmaqlar beredi;

jergilikli mámleketlik hákimiyatı uyımları tárepinen qabıl qılınatuǵın normativ-huqıqıy hújjetlerdi qabıllaw, járiyalaw, mámleketlik esapqa alıw
hám mápdar shaxslar itibarına jetkeriwdiń belgilengen tártibine ámel qılınıwı ústinen qadaǵalawdı ámelge asıradı;

mámleketlik uyımları hám shólkemleriniń aymaqlıq bólimleri tárepinen normativ-huqıqıy hújjetlerdiń sistemalastırılǵan esabın júrgiziw tártibine
ámel qılınıwı ústinen qadaǵalawdı ámelge asıradı;

jergilikli mámleketlik hákimiyatı uyımları normativ-huqıqıy hújjetleriniń qadaǵalaw nusqaların júrgizedi, olardıń bankin (fondın) qáliplestiredi;

ministrlik jumısı tarawındaǵı nızam hújjetlerin qollaw boyınsha túsindiriwler beredi;

hár yarım jıl juwmaǵı boyınsha Qaraqalpaqstan Respublikası Joqarǵı Keńesine orınlarda norma dóretiwshiligi hám de huqıqtı qollaw ámeliyatı jaǵdayı boyınsha málimleme beredi;

2) normativ-huqıqıy hújjetler hám olardıń joybarlarınıń tártipke salıw tásirin bahalaw hám de korrupciyaǵa qarsı ekspertizadan ótkeriw jumısın muwapıqlastırıw tarawında:

normativ-huqıqıy hújjetler hám olardıń joybarlarınıń tártipke salıw tásirin bahalawda hám de korrupciyaǵa qarsı ekspertizadan ótkeriwde qatnasadı;

mámleketlik uyımları hám shólkemleri yuridikalıq xızmet xızmetkerleriniń normativ-huqıqıy hújjetler hám olardıń joybarların korrupciyaǵa qarsı ekspertizadan ótkeriw jumısın bahalawda qatnasadı;

normativ-huqıqıy hújjetler hám olardıń joybarların tártipke salıw tásirin bahalaw hám de korrupciyaǵa qarsı ekspertizadan ótkeriw tarawındaǵı qaǵıydabuzarlıqlardı saplastırıw boyınsha tásir sharaların kóredi;

3) huqıqıy málimlemeni tarqatıw hám onnan paydalanıwdı támiyinlew tarawında:

mámleketlik uyımları hám shólkemleri aymaqlıq bólimleriniń huqıqıy málimlemeni tarqatıw hám onnan paydalanıw imkániyatın jaratıw tarawındaǵı jumısın muwapıqlastıradı, metodikalıq basshılıqtı hám qadaǵalawdı ámelge asıradı;

normativ-huqıqıy hújjetler hám tiyisli málimleme-tallaw boyınsha materiallardıń mámleketlik uyımları hám shólkemleriniń aymaqlıq bólimlerine
óz waqtında jetkeriliwin támiyinleydi;

huqıqıy málimlemeni jıynaw, qayta islew hám tallaw ótkeriwdiń baǵdarlamalıq-texnikalıq quralları hám texnologiyaları engiziliwi boyınsha usınıslar islep shıǵadı;

mámleketlik uyımları hám shólkemleriniń aymaqlıq bólimlerin zárúr bolǵan normativ-huqıqıy hújjetler menen támiyinlew ilajların kóredi;

jergilikli mámleketlik hákimiyatı uyımlarınщ normativ-huqıqıy hújjetlerin rásmiy derek arqalı járiyalanıwın hám rásmiy baspadan shıǵarılıwın shólkemlestiredi;

4) huqıqıy úgit-násiyattı ámelge asırıw hám de mámleketlik uyımları hám shólkemleriniń aymaqlıq bólimleri jumısında huqıqıy úgit-násiyat tarawındaǵı jumıslardı muwapıqlastırıw:

huqıqıy úgit-násiyattı ámelge asırıw hám de xalıqqa nızamshılıq hújjetleriniń mazmun hám áhmiyetin jetkeriwdi shólkemlestiredi;

mámleketlik uyımları hám shólkemleri aymaqlıq bólimleri tárepinen huqıqıy úgit-násiyat boyınsha alıp barılǵan jumısların úyrenedi;

mámleketlik uyımları hám shólkemleri aymaqlıq bólimleriniń huqıqıy málimlemeden keń kólemde paydalanıwın támiyinleydi, olardıń puqaralıq jámiyeti institutları hám ǵalaba xabar quralları menen nátiyjeli birge islesiwi boyınsha jumısın muwapıqlastıradı;

nızamshlıqtıń mazmun hám áhmiyeti haqqında xabardar qılıwdıń sapasın
túp tiykarınan asırıw, usı jumıstı shólkemlestiriwde princpial jańa jandasıwlardı islep shıǵıw boyınsha usınıslar beredi;

nızamshılıqtıń mazmun hám áhmiyeti haqqında xabardar etiwdiń sapasın
túp tiykarınan jaqsılaw maqsetinde keń jámiyetshilik pikirin úyrenedi
hám tallawdan ótkeredi;

huqıqıy sawatsızlıqka shek qoyıwǵa, jámiyette insan huqıq
hám erkinliklerine húrmet penen bolıw qatnasın káliplestiriwge qaratılǵan halıqtıń huqıqıy sanası hám huqıqıy mádeniyatı dárejesin asırıw boyınsha ilajlardı ámelge asıradı;

eń aktual, xalıqtı kızıqtıratuǵın máselelerdi belgileydi hám olar boyınsha mánzilli hám predmetli huqıqıy úgit-násiyattı ámelge asıradı, xalıqka nızam hújjetleri mazmun-áhmiyetin jetkeriw boyınsha ilajlar kóredi;

jámiyette huqıqıy mádeniyattı jetilistiriw boyınsha is-ilajlar baǵdarlamalarında belgilengen ilajlardıń aymaqta ámelge asırılıwına ámeliy járdem kórsetedi hám de turaqlı monitoring etip baradı, monitoring nátiyjeleri boyınsha hár sherek juwmaǵı boyınsha Ózbekstan Respublikası Ádillik ministrligine málimleme kirgizedi;

5) mámleketlik uyımlarınıń aymaqlıq bólimleri, xojalıq birlespeleri hám de jergilikli mámleketlik xákimiyatı uyımları jumısında huqıqtı qollaw ámeliyatın izshil hám birdey támiyinlew boyınsha ilajlardı ámelge asırıw tarawında:

mámleketlik uyımları hám shólkemleriniń aymaqlıq bólimleri jumısında normativ-huqıqıy hújjetlerdi qollaw ámeliyatın tallaw ótkeredi hám úyrenedi;

nızam hújjetleri hám huqıqtı qollaw jumısı nátiyjeliligi máseleleri
boyınsha óz aymaǵında jámiyetshilik pikirin úyreniwdi shólkemlestiredi, nátiyjesi boyınsha olardı jetilistiriwge baylanıslı usınıslar islep shıǵadı;

nızam hújjetlerin qollaw ámeliyatın ulıwmalastıradı hám tiyisli taraw jumısında mámleketlik siyasatınıń ámelge asırılıwı jaǵdayı boyınsha tallaw ótkeredi, onıń tiykarında huqıqtı qollaw jumısın jetilistiriw boyınsha ilajlardı
islep shıǵadı;

anıqlanǵan nızam hújjetleri buzılıwların, olardıń isleniwine imkániyat beriwshi sebep hám shárayatlardı saplastırıw boyınsha ilajlar kóriw ushın huqıqtı qollaw ámeliyatınıń ulıwmalastırıw materialların mámleketlik uyımları
hám shólkemleriniń aymaqlıq bólimlerine jollaydı;

normativ-huqıqıy hújjetlerdi nadurıs yaki qarama-qarsı mániste qollaw ámeliyatın, sonday-aq huqıqtı qollaw ámeliyatında huqıqbuzarlıqlardıń isleniwine imkániyat beriwshi unamsız faktorlar, sebepler hám shárayatlardı saplastırıw boyınsha ámeliy ilajlar kóredi;

mámleketlik uyımları hám shólkemleri aymaqlıq bólimleriniń huqıqtı qollaw jumısın tallaw nátiyjeleri boyınsha nızam hújjetlerin jáne de jetilistiriwge
tiyisli usınıslar tayarlaydı;

jergilikli mámleketlik hákimiyatı uyımlarınıń jer qatnasıqları tarawındaǵı sheshimleri joybarların huqıqıy ekspertizadan ótkeredi hám de kóshpes múlk obektin buzıp taslaw haqqındaǵı sheshimleri joybarların kórip shıǵadı
hám juwmaq beredi;

mámleketlik uyımları hám basqa shólkemlerdiń aymaqlıq bólimleri tárepinen Isbilermenlik hám qalasazlıq jumısın ámelge asırıw ushın jer uchastkaların múlk huqıqı hám ijara huqıqı tiykarında elektron onlayn-aukcion arqalı beriw tártibi haqqındaǵı Reje talaplarına sózsiz ámel etiliwi  boyınsha sistemalı qadaǵalaw hám monitoringin ámelge asıradı;

6) puqaralardıń huqıqları, erkinlikleri hám nızamlı máplerin huqqıy qorǵaw boyınsha ilajlardı ámelge asırıw tarawında:

mámleketlik uyımları hám shólkemleriniń aymaqlıq bólimleri tárepinen insan huqıqları tarawındaǵı nızam hújjetlerine ámel etiliwi ústinen qadaǵalawdı ámelge asıradı;

mámleketlik uyımları hám shólkemleriniń aymaqlıq bólimlerinde insan huqıqları tarawındaǵı nızam hújjetlerine ámel etiliwi jaǵdayı haqqındaǵı málimleme hám materiallardı tallawdan ótkeredi hám ulıwmalastıradı,
olardı jaqsılaw boyınsha usınıslar tayarlaydı;

mámleketlik uyımları hám shólkemleriniń aymaqlıq bólimleri tárepinen puqaralardıń óz huqıqları hám erkinlikleri buzılıwı haqqında qılǵan múrájatların qalıs hám hár tárepleme kórip shıǵılıwın támiyinleydi, olarǵa qarata nızam hújjetlerine muwapıq ilajlar kóredi;

puqaralardıń mámleketlik uyımları hám mámleket qatnasındaǵı shólkemlerde buzılǵan huqıqların tiklew boyınsha ilajlar kóredi;

7) nızamshılıq hújjetleri hám tapsırmalarınıń óz waqtında, tolıq
hám sapalı ámelge asırılıwın támiyinlew boyınsha tarawlar, aymaqlar
hám keńseler kesiminde mánzilli hám tematikalıq analitikalıq úyreniwlerdi alıp barıw hám orınlardaǵı jaǵday monitoringin júrgiziw tarawında:

“ljro.gov.uz” sistemasında nızamshılıq hújjetleri hám tapsırmaları
óz waqtında orınlanıwı ústinen qadaǵalaw alıp baradı;

málimleme kommunikaciya texnologiyaları, sociallıq tarmaqlar, messenjerler, “ljro.gov.uz” sistemasınıń mobil qosımshası hám basqa qayta baylanıs quralları arqalı orınlardaǵı nızamshılıq xújjetleri hám tapsırmalar orınlanıwı jaǵadayın sistemalı monitoring qıladı;

puqaralıq jámiyeti institutları, ǵalaba xabar quralları hám puqaralardı qatnastırǵan halda jámiyetshilik monitoringi hám esitiwlerin shólkemlestiredi;

nızamshılıq hújjetleri hám tapsırmalar orınlanıwı jaǵdayı boyınsha mánzilli hám tematikalıq úyreniwler ótkeredi hám olardıń nátiyjeleri boyınsha hár sherekte Ózbekstan Respublikası Ádillik ministrligine usınıslar kirgizedi;

mámleketlik uyımları hám shólkemleri aymaqlıq bólimleriniń ashıq-aydınlıq jaǵdayın mánzilli hám tematikalıq úyreniwler, jámiyetshilik monitoringi
hám de jámiyetshilik esitiwleri, sonday-aq, wákillik sheńberinde basqa qurallardan paydalanǵan halda tallawdan ótkeredi;

mámleketlik uyımları hám shólkemleri aymaqlıq bólimlerine nızamshılıq hújjetleri hám tapsırmaları orınlanıwı boyınsha huqıqıy-metodikalıq jaqtan kómeklesedi.

8) mámleketlik uyımları hám shólkemleri aymaqlıq bólimleriniń yuridikalıq xızmetleri jumısın muwapıqlastırıw, qadaǵalaw hám metodikalıq támiyinlew tarawında:

mámleketlik uyımları hám shólkemleri aymaqlıq bólimleriniń yuridikalıq xızmetleri jumısın muwapıqlastıradı hám qadaǵalawın ámelge asıradı;

mámleketlik uyımları hám shólkemleri aymaqlıq bólimleriniń yuridikalıq xızmetleri jumısın, olar tárepinen ámelge asırılıp atırǵan huqıqıy jumıslar jaǵdayın úyrenedi;

mámleketlik uyımları hám shólkemleri aymaqlıq bólimleriniń yuridikalıq xızmetleri jumısın tártipke salıwshı nızam hújjetleri talapları buzılıwların saplastırıw, sonday-aq ayıpker shaxslardı nızam hújjetlerinde belgilengen juwapkershilikke tartıw boyınsha ilajlar kóredi;

mámleketlik uyımları hám shólkemleri aymaqlıq bólimleriniń yuridikalıq xızmetleri xızmetkerlerin lawazımga tayınlaw hám azat etiwde qatnasadı;

mámleketlik uyımları hám shólkemleri aymaqlıq bólimleri yuridikalıq xızmetleri xızmetkerleriniń mamanlıǵın asırıwdı shólkemlestiredi;

mámleketlik uyımları hám shólkemleri aymaqlıq bólimleriniń yuridikalıq xızmetleri xızmetkerlerin attestaciyadan ótkeredi hám attestaciyadan ótkenligi haqqında gúwalıq beredi;

mámleketlik uyımları hám shólkemleri aymaqlıq bólimleriniń yuridikalıq xızmetleri xızmetkerleriniń esabın júrgizedi;

mámleketlik uyımları hám shólkemleri aymaqlıq bólimleri yuridikalıq xızmetleri xızmetkerleriniń ministrlik hám de rayonlar (qala) ádillik bólimlerinde stajirovka ótewin shólkemlestiredi;

mámleketlik uyımları hám shólkemleri aymaqlıq bólimleriniń yuridikalıq xızmetleri jumısın metodikalıq jaqtan támiyinlewdi ámelge asıradı;

mámleketlik uyımları hám shólkemleriniń aymaqlıq bólimleri yuridikalıq xızmetleriniń maǵlıwmatlar bazasın qáliplestiredi;

mámleketlik uyımları hám shólkemleri aymaqlıq bólimleriniń yuridikalıq xızmetleri xızmetkerleriniń jumıs ornın finanslıq-texnikalıq jaqtan támiyinlewge qoyılǵan minimal talaplar orınlanıwın úyrenedi, bul boyınsha tiyisli ilajlardı kóredi;

nızamshılıq hújjetlerinde kórsetilgen jaǵdaylarda mámleketlik byudjetinen qarjılandırılatuǵın rayon (qala) dárejesindegi mámleketlik uyımları
hám shólkemlerine zamanagóy málimleme texnologiyaları járdeminde oraylasqan jaǵdayda sapalı yuridikalıq xızmet kórsetiliwin shólkemlestiredi hám qadaǵalaydı;

nızamshılıq hújjetlerinde belgilengen tártipte basqa shólkemlerge pullıq tiykarda yuridikalıq xızmet kórsetiliwin shólkemlestiredi;

mámleketlik uyımları hám shólkemleri aymaqlıq bólimleriniń yuridikalıq xızmetlerine huqıqıy jumıslarına tiyisli kórsetpeler beredi.

9) notariat, advokatura hám de fizikalıq hám yuridikalıq shaxslarǵa huqıqıy xızmet kórsetiwshi basqa dúzilmelerdiń nátiyjeli jumıs kórsetiwin támiyinlew tarawında:

notariuslar tárepinen notariat haqqındaǵı nızam hújjetlerine ámel etiliwi ústinen qadaǵalawdı ámelge asıradı, olardıń jumısın tallawdan ótkeredi
hám ulıwmalastıradı hám de notarial háreketler boyınsha statistikanı júrgizedi;

“Notarius” birden-bir avtomatlastırılǵan málimleme sistemasınıń
óz aymaǵındaǵı mámleketlik uyımları hám shólkemleriniń rayonlar (qala) strukturalarınıń maǵlıwmatlar bazaları hám málimleme sistemaları menen integraciyalasqan halda islewin qadaǵalap baradı;

notarial keńselerde is júrgiziw qaǵıydalarına, notariuslar tárepinen notarial háreketlerdi ámelge asırıw tártibi haqqındaǵı qollanbalarǵa, notarial háreketlerdi ámelge asırıwda nızam hújjetlerine, tastıyıqlawshı jazıwlar hám gúwalıqlardı dizimge alıw reestrlerin durıs júrgiziwde nızam hújjetlerine ámel etiliwin qadaǵalaydı hám tallawdan ótkeredi, notarius stajyorı jumısın shólkemlestiredi;

notarial keńselerdi shólkemlestiriw hám saplastırıw, notarius lawazımın shólkemlestiriw hám saplastırıw boyınsha nızam hújjetlerinde belgilengen tártipte Ózbekstan Respublikası Ádillik ministrligine usınıslar kirgizedi;

jeke ámeliyat penen shuǵıllanıwshı notariuslar jumısın licenziyalaydı;

Notarial palatanıń aymaqlıq basqarmaları menen birgelikte jeke ámeliyat penen shuǵıllanıwshı notariuslar tárepinen licenziya talapları hám shártlerine
ámel etiwi ústinen qadagalawdı ámelge asıradı;

jeke ámeliyat penen shuǵıllanıwshı notariuslardı esapqa qoyıw hám esaptan shıgarıwdı ámelge asıradı;

notariuslar lawazımları ulıwma sanın tastıyıqlaw hám belgili aymaqtaǵı (notarial okrugindegi) notariuslar lawazımları sanın belgilew boyınsha Ózbekstan Respublikası Ádillik ministrligine usınıslar kirgizedi;

notariuslardıń mamanlıǵın asıradı, olardı attestaciyadan ótkeriw hám basqa orınǵa ótkeriw (rotaciya) boyınsha belgilengen tártipte Ózbekstan Respublikası Ádillik ministrligine usınıslar kirgizedi;

ministrlik janındaǵı mamanlıq komissiyaları jumısın nızam hújjetlerine muwapıq shólkemlestiredi;

notarial keńselerdi qatań esaptaǵı gerbli (arnawlı) blanklar, reestr kitapları hám kancelyariya zatları menen támiyinleydi;

notarial keńselerge beriletuǵın gerbli blanklardı esapqa aladı, saqlaydı, sarıplanıwınıń esabın júrgizedi hám olar boyınsha belgilengen tártipte Ózbekstan Respublikası Ádillik ministrligine esabat beredi;

pullıq xızmetler hám notariuslar tárepinen ámelge asırılatuǵın huqıqıy
hám texnikalıq tústegi qosımsha háreketlerdi ámelge asırılǵanlıǵı hám xızmetler kórsetilgenligi ushın, sonday-aq notarial arxivler tárepinen yuridikalıq
hám fizikalıq shaxslarǵa notarial tastıyıqlanǵan hújjetler dublikatları, dizimlerden kóshirmeler, maǵlıwmatnamalar hám arxiv hújjetleriniń nusqaları berilgenligi ushın tólemlerdi durıs óndiriliwin qadaǵalaydı;

notariuslar tárepinen notarial is júrgiziw qaǵıydalarınıń orınlanıwı boyınsha belgilengen tártipte qadaǵalawdı ámelge asıradı, olardıń jumısın tallawdan ótkeredi hám ulıwmalastıradı;

fizikalıq hám yuridikalıq shaxslardıń notarial keńseler xızmetkerleriniń
is-háreketlerinen narazı bolıp qılǵan múrájatların kórip shıǵadı;

advokatlıq dúzilmeleri hám Ózbekstan Respublikası Advokatlar palatasınıń aymaqlıq basqarması jumısınıń kepilliklerin támiyinlewde wákilligi sheńberinde kómeklesedi;

Advokatlar palatası aymaqlıq basqarması menen birgelikte mamanlıq komissiyaları jumısın shólkemlestiredi;

Ózbekstan Respublikası Advokatlar palatası aymaqlıq basqarması
menen birgelikte Ózbekstan Respublikası Advokatlar palatası aymaqlıq basqarması janındaǵı mamanlıq komissiyası quramın tastıyıqlaydı;

advokatlarǵa licenziyalar beriwdi hám advokatlıq dúzilmelerin mámleketlik dizimnen ótkeriwdi, sonday-aq yuridikalıq másláhatxanaların esapqa qoyıwdı ámelge asıradı;

ministrlikte dizimnen ótken (esapqa qoyılǵan) advokatlıq dúzilmelerinde islep atırǵan advokatlardıń tiyisli mámleketlik reestrin júrgizedi;

advokatlar mamanlıǵın asırıwda kómeklesedi;

advokatlarǵa nızam hújjetlerine muwapıq gúwalıq beredi;

advokatlar tárepinen licenziya talapları hám shártlerine,
sonday-aq advokatlıq dúzilmeleri tárepinen shólkemlestiriw hújjetlerine, ustavlıq jumısına, qayta dizimnen ótkeriw hám saplastırıw tártibine ámel etiliwi ústinen qadaǵalawdı ámelge asıradı;

advokatura jumısı haqqındaǵı statistikalıq maǵlıwmatlardı úyrenedi;

ádillik uyımları hám mákemelerinen hám de puqaralıq halatı aktların
jazıw uyımlarınan shıǵatuǵın rásmiy hújjetler boyınsha apostil qoyadı;

yuridikalıq másláhat xızmetlerin kórsetiwshi kommerciyalıq shólkemleriniń reestrin júrgizedi;

professional mediatorlar reestrin júrgizedi;

10) mámleketlik emes kommerciyalıq emes shólkemleriniń jumısın rawajlandırıw tarawında mámleketlik siyasatın júrgiziw, olardıń mámleketlik uyımları hám shólkemleriniń aymaqlıq bólimleri menen óz-ara birge islesiwin shólkemlestiriwge kómeklesiw tarawında:

mámleketlik emes kommerciyalıq emes shólkemleri hám olardıń nıshanların mámleketlik dizimnen ótkeriliwin ámelge asıradı;

ózi tárepinen dizimnen ótkerilgen mámleketlik emes kommerciyalıq
emes shólkemlerdiń mámleketlik reestrin júrgizedi;

mámleketlik emes kommerciyalıq emes, sol qatarı diniy shólkemler tárepinen nızam hújjetlerine, ustavlıq jumısına, shólkemlestiriw hújjetlerine, qayta dizimnen ótkeriw hám saplastırıw tártibine ámel etiliwi ústinen qadaǵalawdı ámelge asıradı;

mámleketlik emes kommerciyalıq emes, sol qatarı diniy shólkemler tárepinen nızam hújjetleri, ustavlıq jumısı hám shólkemlestiriw hújjetleri buzılıwınıń aldın alıw hám saplastırıwǵa qaratılǵan ilajlar kóredi;

mámleketlik emes kommerciyalıq emes, sol qatarı diniy shólkemler tárepinen shólkemlestirilip atırǵan ilajlar haqqındaǵı kelip túsip atırǵan xabarlardı tallawdan ótkeredi;

mámleketlik emes kommerciyalıq emes, sol qatarı diniy shólkemlerdiń
shet mámleketlerden, halıq aralıq hám shet el shólkemlerinen, shet mámleketlerdiń puqaralarınan yaki olardıń tapsırmasına muwapıq basqa shaxslardan pul qarjıları hám mal-múlk alıwın kelisedi;

mámleketlik emes kommerciyalıq emes, sol qatarı diniy shólkemlerdiń jumısı haqqındaǵı esabatlardı qabıl etedi hám tallawdan ótkeredi;

mámleketlik emes kommerciyalıq emes shólkemleri tárepinen nızam hújjetleri buzılǵanda, olardıń jumısın toqtatıp qoyıw yaki olardı saplastırıw haqqında usınıslar tayarlaydı hám sudqa kórip shıǵıw ushın kirgizedi;

siyasiy partiyalardıń ustav jumısın qarjılandırıw ushın ajıratılǵan mámleket qarjıların olar arasında bólistiredi;

mámleketlik emes kommerciyalıq emes shólkemleri, sol qatarı diniy shólkemlerdiń jumısı ústinen monitoring alıp baradı;

mámleketlik emes kommerciyalıq emes, sol qatarı diniy shólkemlerge ajıratılǵan qarjılar, grantlar, basqa finanslıq hám materiallıq resurslardan aqılǵa muwapıq hám maqsetli paydalanılıwın támiyinlew boyınsha ilajlar kóredi;

mámleketlik emes kommerciyalıq emes, sol qatarı diniy shólkemler jumısınıń nızamlılıǵın támiyinlew máseleleri boyınsha mámleketlik uyımları
hám shólkemleriniń aymaqlıq bólimleri menen óz-ara birge islesedi;

turaqlı jumıs kórsetiwshi tóreshilik sudları esabın dizimnen
ótkeriw hám waqıtsha tóreshilik sudların esapqa alıwın ámelge asıradı;

11) hákimshilik tártip-qaǵıydalar tarawında birden-bir mámleketlik siyasatın ámelge asırıw:

hákimshilik tártip-qaǵıydaların ámelge asırıwshı barlıq hákimshilik uyımlar tárepinen “Hákimshilik tártip-qaǵıydalar haqqında”ǵı Nızamǵa hám de hákimshilik katnasıqlardı tártipke salıwshı basqa nızamshılıqqa ámel qılınıwın úyrenedi, qadaǵalaydı hám tallawdan ótkeredi;

hákimshilik tártip-qaǵıydaların ámelge asırıwshı uyımlardıń hákimshilik-huqıqıy jumısın tártipke salıwshı funkciyaların xatlawdan ótkerip, wazıypaları nızamshılıqka muwapıq ámelge asırılıwın monitoring qılıp baradı;

biznes processlerin qayta basqarıw usıllarınan paydalanǵan halda barlıq hákimshilik tártip-qaǵıydalardı, sol qatarı mámleketlik xızmetlerin optimallastırıw, unifikaciyalastırıw, tártipleri, múddetleri hám zárúr hújjetlerin maksimal qısqartırıw boyınsha usınıslar tayarlaydı;

hákimshilik tártip-qaǵıydaların ámelge asırıwdaǵı huqıqıy boslıqlardı saplastırıw, sonday-aq, tarawda innovacion hám málimleme-kommunikaciya texnologiyaların engiziw hám de vedomstvolar aralıq elektron birge islesiwdi rawajlandırıw boyınsha usınıslar tayarlaydı;

hákimshilik tártip-qaǵıydalar tarawında anıqlanǵan nızambuzılıwları, olarǵa imkan beriwshi sebepler hám shart-shárayatlardı saplastırıw boyınsha sistemalı ilajlardı kóredi.

12) fizikalıq hám yuridikalıq shaxslarga mámleketlik xızmetlerin kórsetiw tarawında birden-bir mámleketlik siyasatın ámelge asırıw:

mámleketlik xızmetleri orayları, olardıń filialları hám PHAJ uyımları jumısına ulıwma basshılıq etedi hám de mámleketlik xızmetleri orayları
hám PHAJ uyımlarınıń materiallıq-texnikalıq jaqtan támiyinleniwin shólkemlestiredi;

mámleketlik xızmetlerin kórsetiw máseleleri boyınsha mámleketlik basqarıw uyımları hám basqa shólkemler sol qatarı, PHAJ uyımları jumısın muwapıqlastıradı hám olarǵa metodikalıq basshılıq etedi;

mámleketlik xızmetlerin kórsetiwde byurokratiyalıq tosıqlarǵa jol qoymaw maqsetinde mámleketlik uyımları hám basqa shólkemlerdiń aymaqlıq bólimleri menen óz-ara jaqın birge islesiwdi ornatadı;

mámleketlik xızmetlerin kórsetiwde fizikalıq hám yuridikalıq shaxslarǵa málimleme hám másláhát járdemin beredi;

mámleketlik xızmetlerin kórsetiw sistemasın, sonday-aq PHAJ uyımları jumısın jetilistiriw máseleleri boyınsha yuridikalıq hám fizikalıq shaxslar
menen birge islesedi;

yuridikalıq hám fizikalıq shaxslardıń mámleketlik xızmetlerin kórsetiw tarawındaǵı múrájatların kórip shıǵıwdı shólkemlestiredi;

mámleketlik xızmetlerin kórsetiw tarawındaǵı jumıstı jetilistiriwdiń
baslı baǵdarları boyınsha usınıslar islep shıǵadı;

yuridikalıq shaxslardı, sonday-aq, fizikalıq shaxslardı isbilermenlik subekti sıpatında mámleketlik dizimge alıwdı shólklemlestiredi;

finans-xojalıq jumısın ámelge asırmay atırǵan shólkemlerdi saplastırıwda nızamshılıqka ámel qılınıwın támiyinleydi.

13) mámleketlik xızmetlerin kórsetiw tarawında nızam hújjetlerine ámel etiliwi ústinen monitoring alıp barıw hám qadaǵalaw:

mámleketlik xızmetleri orayları hám PHAJ uyımları tárepinen Ózbekstan hám Qaraqalpaqstan Respublikasınıń nızamları, Ózbekstan Respublikası Prezidentiniń tiyisli pármanı hám qararı, Ministrler Kabinetiniń qararı hám basqa nızam hújjetleri, Qaraqalpaqstan Respublikası Joqarǵı Keńesi qararları
hám biylikleri, Qaraqalpakstan Respublikası Ministrler Keńesi qararaları
hám basqa nızam hújjetleri, sonday-aq Ózbekstan Respublikası Ádillik ministrligi hújjetleri boyınsha turaqlı qadaǵalawdı támiyinleydi;

kórsetilip atırǵan mámleketlik xızmetleri sapasın jaqsılaw maqsetinde xalıq hám isbilermenlik subektleri arasında sistemalı ráwishte sorawlar alıp baradı;

hákimshilik tártip-qaǵıydaların ámelge asırıw, sol qatarı mámleketlik xızmetlerin kórsetiw tarawında mámleketlik uyımları hám basqa shólkemlerdiń aymaqlıq bólimleri jumısın tallawdan ótkeredi;

mámleketlik xızmetleri haqqındaǵı málimlemeniń tolıq ashıq-aydınlıǵı
hám onnan paydalanıw imkaniyatı ústinen qadaǵalawdı ámelge asıradı;

mámleketlik xızmetlerin kórsetiw tarawındaǵı nızam hújjetleri buzılıwına
jol qoymaw haqqında lawazımlı shaxslardı jazba formada eskertedi, jol qoyılǵan kemshiliklerdi hám de olarǵa imkan beriwshi sebepler hám shárt-shárayatlardı saplastırıw haqqında usınıslar kirgizedi, ayıpker shaxslardı hákimshilik juwapkershilikke tartıw máselesin sheshedi;

14) mámleketlik xızmetlerin kórsetiw, sol qatarı tiyisli málimleme sistemaları, resurslar hám maǵlıwmatlar bazaların engiziw boyınsha mámleketlik uyımları hám basqa shólkemler jumısın qadaǵalaw
hám nátiyjeliligin bahalaw tarawında:

mámleketlik xızmetlerin kórsetiw tarawında, sol qatarı tiyisli málimleme sistemaları, resurslar hám maǵlıwmatlar bazaların engiziw boyınsha mámleketlik uyımları hám basqa shólkemlerdiń aymaqlıq bólimleri jumısın monitoring qıladı, kadaǵalaydı hám tallawdan ótkeredi;

mámleketlik xızmetlerin kórsetiwshi mámleketlik uyımları hám basqa shólkemler jumısında nızamshılıq hújjetleri hám hákimshilik reglamentler talaplarına ámel etiliwi kóz-qarasınan tekseriwlerdi ámelge asıradı;

mámleketlik xızmetlerin kórsetiw tarawındaǵı nızamshılıq hújjetlerin buzǵanlıq ushın mámleketlik uyımları hám basqa shólkemler, sol qatarı xojalıq birlespeleri, úy-jay kommunal hám paydalanıw xojalıǵı shólkemleri lawazılı shaxslarına qarata hákimshilik jaza qollaydı;

mámleketlik uyımları hám basqa shólkemlerdiń mámleketlik xızmetlerin kórsetiwge tiyisli jumısı, usı tarawındaǵı nızam buzılıwları hám olarǵa jol qoyǵan ayıpker shaxslar, bar bolǵan kemshilikler hám olardı saplastırıw
boyınsha usınıslardı

óz ishine alǵan maglıwmatlardı Ózbekstan Respublikası
Ádillik ministrligine usınıw ushın bir jılda eki mártebe tolıq málimleme tayarlaydı;

mámleketlik xızmetlerin kórsetiwde fizikalıq hám yuridikalıq shaxslarǵa málimleme hám másláhat járdemin beredi.

15) intellektual múlk tarawında birden-bir mámleketlik siyasattı alıp barıw hám de oylap tabılıwlar, tovar belgileri, avtorlıq huqıqı hám basqa intellektual múlk obektlerine bolǵan huqıqlardı qorǵaw:

intellektual múlk tarawın rawajlandırıw boyınsha tiykarǵı baǵdarlardı
islep shıǵıwda óz wákillikleri sheńberinde qatnasadı;

intellektual múlk obektleriniń huqıqıy qorǵalıwın támiyinlew boyınsha,
sol qatarı kontrafakt ónimlerin islep shıǵarıw, realizaciya qılıwǵa qarsı gúresiwde wákillikli mámleketlik uyımlarǵa kómeklesiw, tásirsheń sharalar kóriw boyınsha usınıs kirgizedi;

intellektual múlk tarawındaǵı huqıqtı qollaw ámeliyatın izshil hám birdey támiyinlew boyınsha is-ilajlardı ámelge asırıwda qatnasadı;

mámleketlik uyımları hám basqa shólkemler jumısında intellektual
múlk tarawındaǵı normativ-huqıqıy hújjetlerge ámel etiliwi hám qollanılıwı ámeliyatın úyrenedi hám tallawdan ótkeredi;

intellektual múlk obektlerine qarata islengen nızam buzılıwları
haqqında Ózbekstan Respublikası Ádillik ministrligine maǵlıwmatlar usınadı;

intellektual múlk tarawındaǵı normativ-huqıqıy hújjetlerdi nadurıs
hám qarama-qarsı kollaw ámeliyatın úyrenedi, usı tarawında huqıqbuzarlıqlardı saplastırıwǵa tiyisli ámeliy ilajlar kóredi, sonday-aq, usı máselelerdegi
fizikalıq hám yuridikalıq shaxslardıń múrájatların kórip shıǵadı;

nızamshılıqqa muwapıq intellektual múlk obektlerin huqıqıy qorǵaw
hám olarǵa bolǵan huqıqlardı qorǵaw máseleleri boyınsha fizikalıq
hám yuridikalıq shaxslardıń múrájatların kórip shıǵadı;

intellektual múlk obektleriniń huqıqıy korǵawı tarawında mápdar shaxslarǵa metodikalıq járdem kórsetedi;

16) yuridikalıq kadrlardı tayarlaw, qayta tayarlaw hám mamanlıǵın asırıwdı shólkemlestiriw, yurisprudenciya tarawındaǵı fundamental
hám ámeliy izertlewlerdi ámelge asırıwdı támiyinlew tarawında:

huqıqıy bilimlendiriwdiń jaǵdayın tallawdan ótkeredi, onı jaqsılaw boyınsha usınıslar islep shıǵadı;

mámleketlik uyımları hám shólkemleri aymaqlıq bólimleriniń yuridikalıq kadrlarǵa bolǵan mútájligin anıqlaydı, olardı aymaqtaǵı yuridikalıq texnikumlarda tayarlaw jumısların shólkemlestiredi;

yuridikalıq kadrlardı tayarlaw, qayta tayarlaw hám mamanlıǵın asırıwda qatnasadı;

kadrlar jumısın, yuristlerdi tayarlaw, qayta tayarlaw hám mamanlıǵın asırıw sistemasın jetilistiriw boyınsha usınıslar islep shıǵadı;

kadrlar rezervin jaratadı, olardı tayarlaw, qayta tayarlaw hám stajirovkadan ótiwin shólkemlestiredi, ministrlik hám rayonlar (qala) ádillik bólimlerine kadrlar tańlawın ámelge asıradı hám olardı orın-ornına qoyadı;

Ministrlik nızam hújjetlerinde belgilengen basqa funkciyalardı ámelge asırıwı múmkin.

III. Ministrliktiń huqıqları hám juwapkershiligi

9. Ministrlik ózine júkletilgen wazıypalar hám funkciyalardı ámelge asırıw ushın tómendegi huqıqlarǵa iye:

1) mámleketlik uyımları hám shólkemleriniń aymaqlıq bólimleri
kórip shıǵıwı ushın nızam hújjetlerin hám huqıqtı qollaw ámeliyatın jetilistiriw máseleleri boyınsha usınıslar kirgiziw;

2) mámleketlik uyımları hám shólkemleriniń aymaqlıq bólimlerinde:

norma dóretiwshiligi jumısı, huqıqıy isler, yuridikalıq xızmetler jumısı, normativ-huqıqıy hújjetlerdi járiyalaw hám mápdar shaxslar itibarına jetkeriw jaǵdayın;

huqıqtı qollaw ámeliyatı, puqaralar huqıqların támiyinlew boyınsha nızam hújjetleri orınlanıwın, sol qatarı orınlarǵa shıqqan halda tekseriw;

3) jergilikli mámleketlik hákimiyat uyımları, mámleketlik uyımları
hám shólkemleriniń aymaqlıq bólimleri, huqıqtı qorǵawshı hám qadaǵalaw uyımlarına orınlanıwı májbúriy bolǵan:

nızam hújjetlerine muwapıq bolmaǵan jergilikli mámleketlik hákimiyatı uyımlarınıń normativ-huqıqıy hújjetlerin biykar etiw, toqtatıp turıw
(tolıq yamasa belgili bir bólegin) yamasa olardı nızam hújjetlerine muwapıqlastırıw haqqında;

islep shıǵıw múddetin kórsetken halda jergilikli mámleketlik hákimiyatı uyımlarınıń normativ-huqıqıy hújjetlerin qabıl etiw, olar tárepinen qabıl etilgen normativ-huqıqıy hújjetlerge rásmiy túsinik beriw zárúrligi haqqında;

huqıqtı qollaw ámeliyatı, puqaralardıń huqıqlarına ámel etiw boyınsha nızam hújjetleriniń orınlanıw jaǵdayın tekseriw dawamında anıqlanǵan huqıqbuzarlıqlarǵa jol qoymaw, olardıń isleniwine kómeklesiwshi sebepler
hám shárayatlardı saplastırıw haqqında;

ádillik uyımlarınıń nızamlı talapların orınlamaǵanlıǵı haqqında;

mámleketlik uyımları hám shólkemleri aymaqlıq bólimleriniń yuridikalıq xızmeti jumısında anıqlanǵan huqıqbuzarlıqlarǵa jol qoymaw, olardıń isleniwine kómeklesiwshi sebepler hám shárayatlardı saplastırıw haqqında usınıslardı kirgiziw;

4) nızam hújjetleri buzılıwına jol qoymaw haqqında lawazımlı shaxslardı jazba túrde eskertiw;

5) puqaralardıń nızamlı huqıq hám erkinlikleri, yuridikalıq xızmetlerdiń jumısı tarawındaǵı nızam hújjetleri buzılıwı jaǵdayları anıqlaǵanda
hám de ministrlik hám rayonlar (qala) ádillik bólimleriniń nızamlı talapları orınlanbaǵanda, ayıpker lawazımlı shaxslardı juwapkershilikke tartıw haqqında tiyisli mámleketlik uyımlarına usınıslar kirgiziw;

6) mámleket, yuridikalıq hám fizikalıq shaxslar máplerin gózlep sudlarǵa mámleketlik bajı tólemesten arzalar hám dawalardı kirgiziw;

7) ministrlik júklengen wazıypalar hám funkciyalardı orınlaw ushın zárúr bolǵan hújjetler hám málimlemelerdi, sol qatarı normativ-huqıqıy hújjetlerdi qollaw ámeliyatı haqqında zárúr statistikalıq maǵlıwmatlardı, tallaw materialların, hújjetlerin, basqa málimlemelerdi, qararlar hám basqa hújjetlerdi, maǵlıwmatlardı mámleketlik uyımları hám basqa shólkemlerden biypul formada soraw hám alıw;

8) tekseriw ótkeriw, fizikalıq hám yuridikalıq shaxslardıń múrájatların úyreniw, sonday-aq ministrlik wákilligine kiriwshi máseleler boyınsha
málimleme-analitikalıq materiallardı tayarlaw ushın mámleketlik uyımları
hám shólkemleriniń aymaqlıq bólimleri wákillerin shaqırıw hám tartıw;

9) tekseriw hám tallaw dawamında anıqlanǵan jaǵdaylarǵa anıqlıq kirgiziw maqsetinde mámleketlik uyımları hám shólkemleri aymaqlıq bólimleriniń lawazımlı shaxsları hám de xızmetkerlerin shaqırıw, nızam hújjetleriniń buzılıwı jaǵdayları boyınsha awızeki hám jazba túsindiriwler talap etiw;

10) fizikalıq hám yuridikalıq shaxslardıń óz huqıqları, erkinlikleri
hám nızamlı mápleri buzılǵanlıǵı haqqında múrájatlardı kórip shıǵıw;

11) mámleket sırı hám nızam menen qorǵalatuǵın basqa sırǵa ámel etiw shárti menen tekseriwdi ótkeriw ushın zárúr bolǵan hújjetler hám materiallar menen tanısıw, mámleketlik uyımları hám shólkemleri aymaqlıq bólimleriniń elektron bazalarınan (banklarınan) paydalanıw ushın xızmet gúwalıǵın kórsetken halda mámleketlik uyımları hám basqa shólkemlerdiń aymaqlıq bólimleri aymaqları hám imáratlarına kiriw;

12) óz wákilligi sheńberinde xákimshilik juwapkershilikti keltirip shıǵaratuǵın jaǵdaylar boyınsha xákimshilik huqıqbuzarlıqlar haqqında bayanlamalar dúziw yaki wákillikli shólkemlerge hákimshilik is qozǵatıw haqqında usınıs kirgiziw;

13) anıqlanǵan normativ-huqıqıy hújjetler talapları buzılıwların, olardıń isleniwine imkan beriwshi sebep hám shárt-shárayatlardı saplastırıw boyınsha ilajlar kóriw ushın ulıwmalastırıw materialların mámleketlik uyımları
hám shólkemleriniń aymaqlıq bólimlerine jiberiw;

14) óz wazıypa hám funkciyaları sheńberinde mámleketlik uyımları
hám basqa shólkemler menen birge islesiw;

15) tiyisli maǵlıwmatlar bazalarınan, mámleketlik málimleme sistemalırnan hám wákillikli uyımlar resurslarınan belgilengen tártipte paydalanıw;

16) Ózbekstan Respublikası Finans minisrligi menen kelisken pullıq xızmetler dizimi hám tariflerge muwapıq pullı xızmetler kórsetiw;

17) mámleketlik uyımları hám mámleket qatnasındaǵı shólkemlerdegi miynet dawların kóriw haqqındaǵı arza menen sudqa múrájat etiw;

18) mámleketlik uyımları hám shólkemleriniń aymaqlıq bólimlerine normativ-huqıqıy hújjetlerdi qollaw máseleleri boyınsha usınıslar
hám túsindiriwler beriw hám de kórsetpeler kirgiziw;

19) xojalıq birlespelerine, úy-jay kommunal hám paydalanıw xojalıǵı shólkemlerine mámleketlik xızmetleri kórsetiw tarawında anıqlanǵan nızambuzılıwları hám kemshiliklerdi, olardıń jol qoyılıwına alıp kelgen sebepler hám shárayatlardı saplastırıw boyınsha usınıslar kirgiziw.

20) tekseriw hám tallaw dawamında anıqlangan jaǵdaylarǵa anıklıq kirgiziw maqsetinde mámleketlik uyımları hám shólkemleri aymaqlıq bólimleriniń lawazımlı shaxsları hám de xızmetkerlerin, sonday-aq intellektual múlk máseleleri boyınsha fizikalıq shaxslardı shaqırıw, nızamshılıq hújjetleriniń buzılıwı jaǵdayları boyınsha awızeki hám jazba túsinidiriwler talap etiw;

21) normativ-huqıqıy hújjetlerdi qollaw máseleleri boyınsha óz juwmaqların beriw;

22) nızamlar, Ózbekstan Respublikası Prezidentiniń párman, qarar, biylik hám tapsırmaları orınlanıwn támiyinlew maqsetinde “ljro.gov.uz” sistemasına zárúr maǵlıwmatlardı óz waqtında hám tuwrı kirgiziw haqqında usınıslardı kirgiziw;

23) mámleketke tiyisli ministrliktiń hám onıń sistemasındaǵı uyımlardıń mal-mulkin óziniń shólkemleskenlik dúzilmesi sheńberinde biypul paydalanıw huqıqı menen bir quramlı dúzilmeden basqa dúzilmege belgilengen tártipte ótkeriw;

24) ministrlik hám onıń sistemasındaǵı uyımlar xızmetkerleri tárepinen
óz tarawında olar jumısınıń tiykarǵı kórsetkishleri boyınsha parametrler orınlanıwın esapqa alǵan halda olardı finanslıq xoshametlew tártibi, muǵdarları hám shártlerin belgilew;

25) byudjetten tısqarı qarjılardı hám de ministrliktiń depozit
esap-betlerinde jaylasqan qarjılardı Ózbekstan Respublikası kommercialıq bankleriniń depozit betlerinde milliy hám sırt el valyutasında jaylastırıw. Bunda, qarjılardı jaylastırıwdan alınǵan dáramat ádillik uyımları hám mákemeleriniń byudjetten tısqarı esap-betine finanslıq-texnikalıq bazanı, sociallıq rawajlandırıwǵa
hám xızmetkerlerdi finanslıq xoshametlew hám de nızam hújjetlerinde názerde tutılǵan basqa maqsetlerge baǵdarlaǵan halda ótkeriledi;

26) ministrlik wákilligine kiriwshi máselelerdi kórip shıǵıwda mámleketlik uyımları hám shólkemleriniń aymaqlıq bólimleri kollegiya májilislerinde qatnasıw;

27) Ózbekstan Respublikası Advokatlar palatası aymaqlıq basqarması janındaǵı mamanlıq komissiyasına advokatlardı intizamiy juwapkershilikke
tartıw máselesin kirgiziw;

28) advokatlar hám jeke ámeliyat penen shuǵıllanıwshı notariuslarǵa berilgen licenziyalardıń ámel etiwin toqtatıp turıw hám saplastırıw;

29) yuridikalıq xızmet xızmetkeriniń attestaciyadan ótkenligi haqqındaǵı gúwalıqtıń ámel etiwin toktatıw haqqında Ózbekstan Respublikası
Ádillik ministrligine usınıs kirgiziw;

30) mámleketlik emes kommerciyalıq emes shólkemleri tárepinen nızam hújjetleri hám shólkemlestiriw hújjetlerine ámel etiliwi, sonday-aq olarǵa ajıratılǵan qarjılardan maqsetli paydalanıwın tekseriw;

31) mámleketlik emes kommerciyalıq emes shólkemler jumısında anıqlanǵan nızam hújjetleri hám shólkemlestiriw hújjetleri buzılıwların saplastırıw haqqında mámleketlik emes kommerciyalıq emes, sonıń ishinde diniy shólkemlerge, advokatlıq dúzilmelerine orınlanıwı májbúriy bolǵan usınıslar kirgiziw;

32) mámleketlik emes kommerciyalıq emes, sol qatarı diniy shólkemlerden xabar, hújjetler hám maǵlıwmatlar, sonday-aq olardıń baslıqları hám juwapker shaxslarınan túsindiriwlerdi talap etiw hám alıw;

33) mámleketlik emes kommerciyalıq emes shólkemleri tárepinen ótkeriletuǵın ilajlarda (konferenciyalar, seminarlar, treningler, jıynalıslar, akciyalar hám sol sıyaklılarda) qatnasıw;

34) mámleketlik emes kommercialıq emes, sol qatarı diniy shólkemler tárepinen rejelestirilgen ilajlardıń ótkeriliwin qadaǵan etiw boyınsha qarar qabıl etiw;

35) siyasiy partiyalardıń ustavlarında názerde tutılǵan jumısın mámleket tárepinen qarjılandırıwdı toqtatıp turıw yamasa saplastırıw haqqında usınıs kirgiziw;

36) mámleketlik xızmetleri orayları arqalı olardıń imaratları hám tutas aymaqlarında reklama jumısın, sonday-aq, yuridikalıq shaxs statusına
iye bolmaǵan halda isbilermenlik subektleriniń mór hám shtampların tayarlaw jumısın ámelge asırıw;

37) intellektual múlk tarawındaǵı nızamshılıqtı buzǵanlıq ushın yuridikalıq shaxslarǵa járyima qollaw boyınsha usınıs kirgiziw;

Ministrlik nızam hújjetlerine muwapıq basqa huqıqlarǵa da iye bolıwı múmkin.

10. Ministrlik:

ózine júkletilgen wazıypalar hám funkciyalardıń nátiyjeli orınlanıwı, sonday-aq, tiyisli tarawdaǵı mámleketlik siyasatınıń nátiyjeli ámelge asırılıwı;

óz jumısı menen baylanıslı prognoz kórsetkishlerge sózsiz erisiliwin támiyinlew;

joqarǵı uyımlarǵa kirgizilip atırǵan hújjetler joybarları hám usınıslar, sonday-aq, ministrlik tárepinen qabıl etiletuǵın qararlar ámelge asırılıwınıń sapası, sońǵı nátiyjeleri hám aqıbetleri;

huqıqtı qollaw ámeliyatında anıqlanǵan mashqalalardı hár tárepleme
hám tereń tallaw tiykarında óz aymaǵında tiyisli tarawdı rawajlandırıwǵa baylanıslı usınıslardı tayarlaw;

óz jumısı tarawın rawajlandırıw boyınsha baǵdarlamalar, ilajlar rejeleri,
“jol kartaları” hám basqa dástúriy hújjetlerdiń nátiyjeli ámelge asırılıwı
ushın juwapker.

IV. Qaraqalpaqstan Respublikası Ádillik ministriniń

tiykarǵı funkcionallıq minnetleri

11. Tómendegiler Qaraqalpaqstan Respublikası Ádillik ministriniń
(keyingi orınlarda “Ministr” dep júrgiziledi) tiykarǵı funkcionallıq minnetleri esaplanadı:

1) ministrlik jumısına ulıwma basshılıq etiw, Ózbekstan Respublikası Prezidentiniń tiyisli pármanı hám qararı, Ministrler Kabinetiniń qararı hám basqa nızam hújjetleri, Qaraqalpaqstan Respublikası Joqarǵı Keńesi qararları
hám biylikleri, Qaraqalpakstan Respublikası Ministrler Keńesi qararaları
hám basqa nızam hújjetleri, sonday-aq Ózbekstan Respublikası Ádillik ministrligi hújjetleri menen ministrlikke júklengen wazıypalar hám funkciyalar orınlanıwın shólkemlestiriw;

2) ministrlik jumısı menen baylanıslı prognoz kórsetkishlerge erisiwdi
sózsiz támiyinlew boyınsha ámeliy is-ilajlardı islep shıǵıw hám qabıl etiw;

3) ministrlik xızmetkerleri tárepinen Ózbekstan Respublikası Prezidenti
hám Ministrler Kabinetiniń qararları hám tapsırmaları, Qaraqalpaqstan Respublikası Joqarǵı Keńesi hám Qaraqalpaqstan Respublikası Ministrler Keńesi qararları hám tapsırmaları orınlanıwın támiyinlew, atqarıw intizamın bekkemlew boyınsha kompleks ámeliy is-ilajlardı ámelge asırıw, sonday-aq kelip túsken tapsırmalardıń óz waqtında hám sapalı orınlanıwı ushın xızmetkerlerdiń
jeke juwapkershiligin asırıw is-ilajların kóriw;

4) Ózbekstan Respublikası Ádillik ministrligi kollegiyası qararları, Ózbekstan Respublikası Ádillik ministri hám onıń orınbasarları buyrıqları
hám de tapsırmalarınıń óz waqtında hám sapalı orınlanıwın támiyinlew;

5) Ózbekstan Respublikası Ádillik ministrligi jumısı tarawına kiretuǵın máseleler boyınsha jergilikli mámleketlik hákimiyatı uyımları hám kompleks sociallıq-ekonomikalıq rawajlandırıw boyınsha sektorlar menen birge islesiw;

6) ministrlik sistemasına kiriwshi lawazımlı shaxslardıń wákilliklerin belgilew, ministrlik jumısınıń ayrıqsha tarmaqlarına basshılıq etiw ushın olardıń jeke juwapkershiligi dárejesin belgilew;

7) ministrlik jumısın rejelestiriwdi shólkemlestiriw, ministrliktiń
hár shereklik is-rejelerin tastıyıqlaw, olardıń orınlanıwı ústinen qadaǵalawdı támiyinlew;

8) ministrlikte kadrlardı tańlaw hám orın-ornına qoyıw, olardıń nátiyjeli jumıs kórsetiwi ushın zárúr shárayatlar jaratıw, kadrlar rezervin qáliplestiriw;

9) ministr nomenklaturasına kiretuǵın bos lawazımlarǵa usınıs etilgen kadrlardıń, sonday-aq ministrlikke jumısqa qabıl etilip atırǵan basqa kadrlardıń professionallıǵı, óz jumısın biliwi, ámeliy tájiriybege, joqarı dárejede issheńlik hám ruwxıy-ádep-ikramlılıq pazıyletlerge iye ekenligi kepilligin támiyinlew;

10) ministrlik xızmetkerlerin xoshametlew hám intizamiy juwapkershilikke tartıw máselelerin sheshiw, óz orınbasarların xoshametlew hám intizamıy juwapkershilikke tartıw haqqında usınıslar kirgiziw, sol qatarı, olar iyelep turǵan lawazımda qalıwınıń maqsetke muwapıqlıǵına tiyisli máselelerdi kórip shıǵıw, olardıń jeke juwapkershiligin asırıw boyınsha turaqlı is-ilajlar kóriw;

11) ministrlik xızmetkerleri tárepinen Ózbekstan Respublikası Ádillik ministrligi xızmetkerleriniń Ádep-ikramlılıq qaǵıydaları talaplarına ámel etiwin támiyinlew;

12) “Korrupciyaǵa qarsı gúresiw haqqında”ǵı Ózbekstan Respublikası Nızamı talaplarına muwapıq ministrlikte korrupciya hám basqa huqıqbuzarlıqlardıń aldın alıw ilajların kóriw, sonday-aq huqıqtı kollaw ámeliyatın hám nızam hújjetlerin jetilistiriwge tiyisli is-ilajlardı islep shıǵıw hám ámelge asırıw arqalı olardıń isleniwine kómeklesiwshi sebepler hám shárayatlardı anıqlaw, tallaw, saplastırıw;

13) ministrlik xızmetkerleri jumısınıń nátiyjeliligin sistemalı túrde
sın kóz-qarastan tallaw, jıynalıslarda olardıń jeke esabatların esitiw, olardıń juwmaqları boyınsha zárúr is-ilajlar kóriw;

14) ministrlik jumısına tiyisli máseleler boyınsha nızam hújjetlerin jetilistiriw, sonday-aq mámleketlik xızmetleri nátiyjeliligi, sapası hám olardan erkin paydalanıwdı asırıw boyınsha usınıslardı islep shıǵıw hám de olardı kórip shıǵıw ushın Ózbekstan Respublikası Ádillik ministrligi basshılarına kirgiziw;

15) fizikalıq hám yuridikalıq shaxslardıń múrájatların kórip shıǵıw,
xalıq penen tuwrıdan-tuwrı hám ashıq sóylesiwdi jolǵa qoyıw, turaqlı túrde jeke, sol qatarı kóshpeli qabıllawlar ótkeriw;

16) Ózbekstan Respublikası Prezidentiniń Xalıq qabıllawxanaları
menen nátiyjeli birge islesiw, fizikalıq hám yuridikalıq shaxslardıń Ózbekstan Respublikası Prezidentiniń Virtual qabıllawxanasınan túsken múrájatların
óz waqtında hám tolıq kórip shıǵıw;

17) xızmetkerler lawazım aylıǵına sıylıqlar, ústemeler tólew, olarǵa materiallıq járdem beriw, olardı sıylıqlaw, xoshametlew hám olarǵa intizamiy shara qollaw haqqında qarar qabıl etiw, olardı mámleketlik sıylıqlar
hám vedomstvolıq sıylıqlar menen sıylıqlaw haqqında Ózbekstan Respublikası Ádillik ministrligine usınıslar kirgiziw;

18) mámleket sırın yamasa nızam menen qorǵalatuǵın basqa sırdı qurawshı maǵlıwmatlardıń qorǵalıwın támiyinlew.

V. Qaraqalpaqstan Respublikası Ádillik ministriniń juwapkershiligi

12. Qaraqalpaqstan Respublikası Ádillik ministri:

Ministrlikke júklengen wazıypalar hám funkciyalardıń orınlanıwı;

usı Rejede kórsetilgen óz funkcionallıq wazıypalarınıń sapalı orınlanıwı ushın jeke juwap beredi.

VI. Ministrlik jumısın shólkemlestiriw

13. Ministrlikke Qaraqalpaqstan Respublikası ádillik ministri basshılıq etedi.

Qaraqalpaqstan Respublikası ádillik ministri hám onıń orınbasarları nızamshılıqta belgilengen tártipte lawazımǵa tayınlanadı hám lawazımnan
azat etiledi.

14. Ministr bolmaǵan waqıtta onıń wákillikleri ministrdiń birinshi orınbasarı tárepinen, ol bolmaǵan waqıtta bolsa nızamshılıqqa kóre, basqa orınbasar tárepinen ámelge asırıladı.

15. Ministrliktiń oraylıq apparatı bólimleri baslıqları ministr tárepinen lawazımǵa tayınlanadı hám lawazımnan azat etiledi, nızam hújjetleri
menen belgilengen jaǵdaylar bunnan tısqarı.

16. Ministrlik Ózbekstan Respublikası Ádillik ministrligi oraylıq apparatınıń quramlı dúzilmeleri menen óz-ara birge islesedi, sonıń ishinde:

Ózbekstan Respublikası Ádillik ministrligi basshıları tapsırmaları orınlanıwı haqqında xabar beredi;

belgilengen jumıs tarawında nızam hújjetlerin ámelge asırıw boyınsha jumıs nátiyjeleri haqqında xabar usınadı;

ministrlik jumısın tekseriw hám úyreniw nátiyjesinde jumısta anıqlanǵan kemshilikler hám qaǵıydabuzarlıqlardı saplastırıw nátiyjeleri haqqında xabar beredi;

óz jumısı nátiyjeleri haqqındaǵı esabatlardı belgilengen tártipte
hám múddetlerde Ózbekstan Respublikası Ádillik ministrliginiń oraylıq apparatına usınadı;

Ózbekstan Respublikası Ádillik ministrligi wákilligine tiyisli tarawlardaǵı mashqalalardı sheshiwge qaratılǵan usınıslardı Ózbekstan Respublikası
Ádillik ministrliginiń oraylıq apparatına jiberedi;

mámleketlik uyımları hám shólkemleriniń aymaqlıq bólimleri, kompleks sociallıq-ekonomikalıq rawajlandırıw boyınsha sektorlar menen óz-ara birge islesiw nátiyjeleri haqqında xabar beredi;

wákillikli uyımlar tárepinen ótkerilgen óz jumısın tekseriw nátiyjeleri haqqında maǵlıwmat beredi.

17. Ózbekstan Respublikası Ádillik ministrligi oraylıq apparatı
hám ministrliktiń óz-ara birge islesiwi processinde júzege keletuǵın kelispewshilikler Ózbekstan Respublikası ádillik ministriniń tapsırmasına kóre onıń tiyisli orınbasarı tárepinen kórip shıǵıladı. Eger Ózbekstan Respublikası ádillik ministri orınbasarı tárepinen kelispewshiliklerdi tártipke salıwdıń imkániyatı bolmasa, sońǵı qarar tikkeley Ózbekstan Respublikası ádillik ministri tárepinen qabıl etiledi.

18. Ministrlik óz wákillikleri sheńberinde mámleketlik uyımları
hám shólkemleriniń aymaqlıq bólimleri, jergilikli mámleketlik hákimiyatı uyımları hám basqa shólkemler menen óz-ara birge islesedi.

Ministrlik tiyisli aymaqlardı sociallıq-ekonomikalıq rawajlandırıw boyınsha “Jol kartaları”n islep shıǵıwda hám ámelge asırıwda kompleks
sociallıq-ekonomikalıq rawajlandırıw boyınsha sektorlar menen óz-ara jaqın birge islesedi.

Ministrlik óz wákillikleri sheńberinde intellektual múlk tarawında huqıqbuzarlıqlardı anıqlaw hám aldın alıw boyınsha huqıqtı qorǵawshı, salıq
hám basqa aymaqlıq mámleketlik uyımları menen birge islesedi.

VII. Ministrliktiń kollegiyası, basqa keńes, másláhát, ekspert uyımları

19. Ministrlikte ministr (kollegiya baslıǵı), onıń orınbasarları
(lawazımı boyınsha), sonday-aq onıń jumısınıń tiykarǵı baǵdarların muwapıqlastırıwshı quramlı dúzilmeler baslıqlarınan ibarat quramda kollegiya dúziledi.

Kollegiya quramınıń sanı hám jeke quramı ministrdiń usınısına
kóre Qaraqalpakstan Respublikası Ministrler Keńesi tárepinen tastıyıqlanadı.

Kollegiya aǵzası (onıń quramına lawazımı boyınsha kiretuǵın aǵzalardan tısqarı) lawazımınan azat etilgen jaǵdaylarda usı lawazımǵa jańadan tayınlanǵan shaxs kollegiya aǵzası esaplanadı.

20. Kollegiyaǵa tómendegi wazıypalar júklenedi:

ministrlik jumısınıń usı Rejede belgilengen tiykarǵı baǵdarların islep shıǵıw hám ámelge asırıw;

nızam hújjetlerinde, Ózbekstan Respublikası Prezidenti hújjetleri
hám Ózbekstan Respublikası Húkimeti qararlarında belgilengen wazıypalardı
óz waqtında hám sapalı ámelge asırılıwın támiyinlew ushın Ádillik ministrligi sistemasındaǵı uyımlar xızmetkerleri hám baslıqlarınıń jeke juwapkershiligin asırıw boyınsha ilajlar kórgen halda sistemadaǵı uyımlar baslıqları esabatlarınıń turaqlı túrde esitiliwin shólkemlestiriw;

ministrlik jumısı tarawındaǵı aymaqlıq hám tarmaq baǵdarlamaları ámelge asırılıwınıń nátiyjeliligin hár sherekte hám turaqlı kórip shıǵıw;

orınlarda ministrlik jumısı tarawındaǵı aktual máseleler dodalanıwın támiyinlegen halda kollegiyanıń keńeyttirilgen kóshpeli májilisleri ótkeriliwin shólkemlestiriw, sonday-aq júzege kelgen mashqalalardı saplastırıw boyınsha tiyisli qararlardı islep shıǵıw hám qabıl etiw;

ministrlik oraylıq apparatı hám onıń sistemasına kiretuǵın lawazımlar nomenklaturasın kórip shıǵıw hám tastıyıqlaw;

Ózbekstan Respublikası Prezidenti hám Ministrler Kabinetiniń qararları
hám tapsırmaları, Ózbekstan Respublikası Ádillik ministrligi kollegiyası
hám Ózbekstan Respublikası Ádillik ministriniń qararları hám tapsırmaları menen belgilengen wazıypalardıń óz waqtında hám sapalı orınlanıwın támiyinlew
ushın Ádillik ministrligi baslıqları hám xızmetkerleriniń atqarıw intizamın bekkemlew hám jeke juwapkershiligin asırıw.

Kollegiya ministrlik wákilligine kiritilgen basqa máselelerdi de kórip shıǵıwga haqılı.

21. Kollegiya májilisine mámleketlik uyımları hám shólkemleriniń aymaqlıq bólimleri baslıqları, olardıń wákilligine kiretuǵın máseleler boyınsha usınıs etiliwi múmkin.

22. Kollegiya, eger onıń májilisinde kollegiya quramınıń yarımınan
kóbi qatnassa, wákillikli esaplanadı. Kórip shıǵılıp atırǵan máseleler boyınsha qararlar ápiwayı kópshilik dawıs penen qabıl etiledi.

23. Kollegiya qararları ministrdiń buyrıqları menen ámelge asırıladı.

24. Ministr hám kollegiya aǵzaları arasında kelispewshilikler júzege kelgen jaǵdayda, ministr júzege kelgen kelispewshilikler haqqında Ózbekstan Respublikası ádillik ministrine xabar bergen halda gárezsiz ráwishte qarar qabıl qıladı. Kollegiya aǵzaları da Ózbekstan Respublikası ádillik ministrine óz pikirin xabar etiwi múmkin.

25. Kollegiya jumısı tártibi kollegiya tárepinen tastıyıqlanatuǵın
onıń reglamenti menen belgilenedi.

26. Ministrlikte basqa keńes, másláhát hám ekspertlik uyımları dúziliwi múmkin.

27. Ministrlik janında dúziletuǵın keńes, másláhát hám ekspertlik uyımları quramı hám olar haqqındaǵı rejeler ministr tárepinen tastıyıqlanadı, olardıń quramı hám rejeleri Ózbekstan Respublikası ádillik ministri buyrıqları
menen tastıyıqlanatuǵın jaǵdaylar bunnan tısqarı.

VIII. Ministrlik jumısı nátiyjeliligin

bahalaw ólshemleri hám jumıs indikatorları

28. Ministrlik jumısınıń nátiyjeliligi turaqlı bahalanadı.

29. Ministrlik jumısı nátiyjeliligine berilgen baha Ózbekstan Respublikası Ádillik ministrligi tárepinen tastıyıqlanatuǵın ministrlik jumısı nátiyjeliligin bahalaw ólshemleri hám jumıs indikatorlarına tiykarlanadı.

30. Ministrlik jumısı nátiyjeliligin bahalaw juwmaqları boyınsha:

ministr hám xızmetkerlerdi xoshametlew (sıylıqlaw) yaki intizamiy juwapkershilikke tartıw;

ministrlik jumısında anıqlanǵan kemshiliklerdi saplastırıw hám onıń jumısın jáne de jetilistiriw boyınsha is-ilajları kóriledi.

IX. Ministrlikti qarjılandırıw hám materiallıq-texnikalıq támiyinlew,
onıń xızmetkerleri miynetine haqı tólew hám materiallıq xoshametlew

31. Ministrlikti materiallıq-texnikalıq támiyinlew qárejetlerin qarjılandırıw, sonday-aq xızmetkerler miynetine haqı tólew hám materiallıq xoshametlew Ózbekstan Respublikası Mámleketlik byudjeti, byudjetten tısqarı qorlardıń derekleri hám nızam hújjetlerinde qadaǵan etilmegen basqa derekler esabınan ámelge asırıladı.

32. Ministrlik xızmetkerleriniń is-haqı lawazım aylıǵı, sıylıqlar, qosımsha haqılar, ústemelerden hám nızam hújjetlerinde názerde tutılǵan basqa tólemlerden ibarat.

Xızmet wazıypasın shın júrekten hám nátiyjeli orınlap kiyatırǵan ministrliktiń joqarı mamanlı, belsendi xızmetkerlerine joqarı mamanlıq
ushın Ózbekstan Respublikası ádillik ministri tárepinen byudjetten tısqarı
ádillik uyımları hám mákemelerin rawajlandırıw qorı qarjıları esabınan
jeke ústemeler belgileniwi múmkin.

Ministr byudjet shólkemleri xızmetkerleri miynetin xoshametlew,
olar jumısı nátiyjeliligin asırıw hám kadrlardıń jaylasıp qalıwı ushın
shárt-shárayatlar jaratıw maqsetinde sherek juwmaqları menen ministrliktiń rawajlandırıw qorı qarjıları esabınan belgilengen tártipte xızmetkerlerdi turaqlı ráwishte xoshametlep barıw;

Xızmetkerler lawazım aylıqlarına hár ayda qosılatuǵın xoshametlew ózgesheligine iye bolǵan qosımsha haqılar hám ústemeler Ózbekstan Respublikası ádillik ministri tárepinen tastıyıqlanatuǵın qaǵıydalarǵa muwapıq tólenedi.

33. Ózbekstan Respublikası Prezidenti hám Ózbekstan Respublikası Ministrler Kabineti qararları menen basqa lawazımlarǵa tayınlanǵan
yamasa Ózbekstan Respublikası Oliy Majilisi Senatı, Nızamshılıq palatasına saylanǵan (tayınlanǵan) ministrlik xızmetkerlerinde ministrlikte berilgen kóp jıllıq xızmetleri ushın qosımsha haqı hám ústemeler hám de mártebe dárejeleri saqlanadı.

X. Ministrliktiń esabatı

34. Ministr óz jumısı haqqında joqarı turıwshı uyımǵa turaqlı ráwishte esabat beredi.

35. Ózbekstan Respublikası Ádillik ministrligi oraylıq apparatınıń baslıqları ministrlik baslıqlarına júklengen wazıypalardıń nátiyjeli orınlanıwı
boyınsha olar jumısı ústinen turaqlı monitoring alıp baradı, ministrlik jumısı nátiyjeliligine qalıs baha beredi.

36. Monitoring hám bahalaw juwmaqları boyınsha ministrliktiń ayrıqsha órnek kórsetken baslıqları, lawazımlı shaxsları hám xızmetkerleri xoshametlenedi yamasa jol qoyılǵan qopal kemshilikleri ushın iyelep turǵan lawazımınan
azat etiwge shekem bolǵan juwapkershilikke tartıladı.

XI. Juwmaqlawshı qaǵıyda

37. Ministrlikti qayta shólkemlestiriw hám saplastırıw nızam hújjetlerinde belgilengen tártipte ámelge asırıladı.