Янгиликлар
01
Qaraqalpaqstan Respublikası Ádillik ministrligi tárepinen 2026-jıldıń 9 ayı dawamında ámelge asırılǵan jumısları boyınsha
Ministrliktiń tiykarǵı wazıypalarınan biri birden-bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw bolıp tabıladı.
Atap aytqanda, fizikalıq hám yuridikalıq shaxslardan ministrlik hám rayon (qala) ádillik bólimlerine jámi 3 787 múrájatlar kelip tústi, usınnan 2 469 múrájat (65 payızı) qanaatlandırılıp, múrájatshılar huqıqları tiklendi.
Sonnan, arzalar – 2 263, shaǵımlar – 1 524ti quraydı.
Bunnan tısqarı, ÓzR Prezidentiniń virtual qabıllawxanası hám Xalıq xabıllawxanaları arqalı jámi 396 múrájatlar kelip túsken bolıp, sonnan 229 si (62%) unamlı sheshilgen.
Bunnan basqa ministrlik basshıları hám juwapker xızmetkerler tárepinen shaxsıy hám aymaqlarǵa barǵan halda kóshpeli qabıllawlar tastıyıqlanǵan rejege tiykar shólkemlestirilmekte.
Atap aytqanda, ótkerilgen qabıllawlar nátiyjesinde fizikalıq hám yuridikalıq shaxslardan 1641 múrajatlar qabıl etilip, 1249 múrajat unamlı sheshildi.
Sudlarǵa jámi summası 1 mlrd 983 mln sumnan artıq 647 dana dawa arzaları kiritilip, puqaralardıń huqıqları sud tárepinen tikleniwine erisildi.
Ministrlikke kelip túsken múrájatlar analizlengende múrájatlardıń kópshiligin miynet, úy-jay, sociallıq qorǵaw, mámleketlik xızmetler kórsetiw hám puqaralıq halatı aktlerin jazıw tarawları menen baylanıslı ekenligi kórsetpekte.
Bunnan tısqarı, “ijro.gov.uz” sisteması arqalı Qaraqalpaqstan Respublikası Ministrler Keńesi hám aymaqlardaǵı mámleketlik organlar hám shólkemlerine kelip túsken tapsırmalardıń orınlanıwı hár ayda tallawdan ótkerilip, nátiyjesi boyınsha tiyisli sharalar kóriw ushın Qaraqalpaqstan Respublikası Joqarǵı Keńesine kiritilmekte.
Usınıń nátiyjesinde, 2026-jıl 9 ayı dawamında mámleketlik uyımlar hám shólkemler tárepinen 15 329 jaǵdayda nızam buzılıwına jol qoyılǵanlıǵı anıqlandı.
Anıqlanǵan nızambuzılıwı jaǵdayların saplastırıw boyınsha 743 usınıs,
96 eskertiwler kiritildi;
Kiritilgen usınıslar nátiyjesinde puqaralar hám yuridikalıq shaxslardıń máplerin gózlep 1 mlrd swmnan aslam pul qarjıları tólep berildi.
577 mámleketlik uyım hám shólkemlerde úyreniwler ótkerildi;
Tásir sharaları nátiyjesinde mámleketlik uyımlar hám shólkemlerdiń lawazımlı hám juwapker xızmetkerlerinen 450 shaxs hákimshilik juwapkershilikke, 112 shaxs intizamıy juwapkershilikke tartıldı;
Ózbekstan Respublikası Prezidenti hújjetleri orınlanıwın qadaǵalaw tarawında 2026-jıl 9 ayı jıllıǵı dawamında mámleketlik uyımlar hám shólkemler tárepinen 258 jaǵdayda nızam buzılıwına jol qoyılǵanlıǵı anıqlandı.
Nızambuzıwshılıqtı saplastırıw boyınsha 6 usınıs, 54 eskertiwler kirgizildi; mámleketlik uyım hám shólkemlerde 412 monitoringlar ótkerildi; lawazımlı hám juwapker xızmetkerlerden 3 shaxs intizamiy juwapkershilikke tartıldı;
Huqıqıy xızmet kórsetiw tarawında házirde Qaraqalpaqstan Respublikasında 67 jeke ámeliyat penen shuǵıllanıwshı notariuslar,
237 advokatlıq dúzilmeleri dizimnen ótkerildi. Usınnan, byurolar — 217, firmalar — 18, kollegiya – 2di kuraydı.
2026-jıldıń dawamında jámi 32 advokatlar óz jumısların basladı.
Yuridikalıq xızmetler tarawında rayon (qala) ádillik bólimleri quramında 17 Yuridikalıq xızmet kórsetiw orayları shólkemlestirildi.
Búgingi kúnde oraylar tárepinen 20 mámleketlik uyımlarına, 726 mámleketlik ulıwma bilim beriw mekteplerine, 436 mámleketlik mektepke shekemgi bilimlendiriw shólkemlerine hám de 97 kóp tarmaqlı oraylasqan hám shaӊaraqlıq poliklinikalarına yuridikalıq xızmetler kórsetilmekte.
2026-jıldıń 9 ayı dawamında yuridikalıq xızmet kórsetiw oraylarına huqıqıy ekspertizadan ótkeriw ushın 530 897 hújjet joybarları kelip túsken bolıp, usınnan 522 191 hújjetlerge nızamshılıq hújjetlerine muwapıqlıǵı boyınsha unamlı juwmaqlar berilgen bolsa, 1105 hújjetlerge nızamshılıq hújjetlerine muwapıq bolmaǵanı ushın unamsız juwmaqlar berilgen hám de 7 610 hújjetlerde qáte-kemshilikler bolǵanlıǵı sebepli, nızamshılıqta belgilengen tártipte qaytarılǵan.
Mámleketlik emes kommerciyalıq emes shólkemleri jumısların muwapıqlastırıw tarawında Respublikada jámi 630 mámleketlik emes kommerciyalıq emes shólkemleri, sonday-aq, 67 diniy shólkemler, usınnan
65 islamiy, 2 naislamiy (tolıq Evangeliya xam pravoslav xristian shirkeuleri) hámde 16 tóreshilik sudları óz iskerligin kórsetip kelmekte.
Mámleketlik emes kommerciyalıq emes hám diniy shólkemler menen baylanıslı barlıq mámleketlik xızmetlerin kórsetiw e-ngo.uz saytı arqalı tolıq ámelge asırılmaqta.
Huqıqıy úgit-násiyat hám aǵartıwshılıq tarawında ministrlik xızmetkerleri tárepinen 2026-jıldıń 9 ayı dawamında
20 mıńan zıyat úgit-násiyat ilajları ótkerildi.
Usınnan, 1 355 ǵalaba xabar qurallarında hám de 5 mıńan aslam awızeki huqıqıy úgit-násiyat ilajları ótkerildi.
Mámleketlik xızmetlerin kórsetiwshi uyımlar tárepinen esabat dawirinde
5 011 nızambuzıwshılıq jaǵdaylarına jol qoyılǵan.
Tarawdaǵı kemshiliklerdi saplastırıw maqsetinde mámleketlik uyımlar iskerliginde 22 monitoring hám úyreniwler ótkerildi, anıqlanǵan nızambuzıwshılıqlardı saplastırıw hám aldın alıw maqsetinde 26 usınıs kiritildi, 253 lawazımlı shaxsları hám juwapker xızmetkerleri hákimshilik juwapkershilikke tartıldı.
Mámleketlik xızmetleri orayları hám PHAJ organları iskerligin muwapıqlastırıw tarawında Respublikamızda 17 mámleketlik xızmetleri orayları hám de olardıń alıs aymaqlarında jaylasqan 8 filialları tárepinen xalıqımızǵa mámleketlik xızmetler kórsetilmekte.
Mámleketlik xızmetleri orayları 17 rayon hám Nókis qalasında tazadan qurılǵan zamanagóy hám barlıq qolay sharayatqa iye imarat penen támiyinlendi.
Mámleketlik xızmetler orayları tárepinen jámi 780 mıńan aslam mámleketlik xızmetler kórsetildi.
1 mln 329 mıńnan aslam xızmetler onlayn tártipte kórsetildi.
12759 isbilermenlik subyektleri mámleketlik dizimnen ótkerildi.
PHAJ uyımarınıń jumısların muwapıqlastırıw tarawında 43 mıń 556 akt jazıwları usınnan, tuwılǵanlıqtı dizimge alıw 25 863, nekeni dizimge alıw 7 716, nekeden ajırasqanlıq 1 470, ólimdi dizimge alıw jaǵdayı 8 507 ti quraydı.
Juwmaqlap aytqanda, hár bir islengen jumıslar artında insan hám jámiyet mápleri turǵanlıǵın tereń ańlaǵan halda, aldaǵı iskerligimizde xızmet wazıypamızdı ele de juwapkershilik
penen dawam ettirip, jámiyette nızamlılıqtı elede bekkemlewge hám de insan huqıqları nátiyjeli qorǵalıwın támiyinlewdiń barlıq ilajları kóriliwine ayrıqsha itibarımızdı qaratamız.
Qaraqalpaqstan Respublikası Ádillik ministrliginiń
Rejelestiriw hám qadaǵalaw-tallaw sektorı baslıǵı A.Ernashov