Янгиликлар
28
Ayrıqsha bilimlendiriwge mútájligi bolǵan balalardı bilimlendiriw sisteması jáne de jetilistirilmekte
Ayrıqsha bilimlendiriwge mútájligi bolǵan balalardıń bilim alıw huqıqın ámelge asırıw, olardıń shańaraqlıq ortalıqta bilim alıwı hám sociallıq xızmetlerden paydalanıwı hámde jámiyetlik ómirde belsendi hám tolıq qatnasıwı ushın kerekli shárt-sharayatlardı jaratıw maqsetinde Prezident qararı qabıllandı.
2026-jıl 4-avgust kúni qabıllanǵan PQ-292-sanlı Prezident qararı menen 2026-jıl 1-sentyabrden baslap ayrıqsha bilimlendiriwge mútájligi bolǵan balalardı bilimlendiriw, sociallıq járdem hám xızmetlerge tartıw boyınsha “shańaraq kesiminde” islew sisteması engizildi.
Bunda ata-anaǵa balanı bilimlendiriw hám sociallıq xızmetlerge tartıw boyınsha ámeliy járdem kórsetip barıladı.
Balanıń bilimlendiriw hám sociallıq xızmetlerden paydalanıp atırǵanı turaqlı túrde monitoring etip barıladı hám zárúrlikke qarap basqa da sociallıq járdem hám xızmetlerge tartıw ilajları kóriledi.
3 - 18 jastagı balalardıń ayrıqsha bilimlendiriwge mútájligin anıqlaw hám mámleketlik bilimlendiriw mákemelerine baǵdarlaw “Insan” oraylarınıń Balanı kompleks bahalaw toparı tárepinen ámelge asırıladı.
Bahalaw toparı tárepinen balanıń bilim alıwǵa bolǵan talabın bahalaw psixologiyalıq-pedagogikalıq diagnostika ólshemleri tiykarında ámelge asırıladı.
Al funkcional múmkishiligi, kúndelikli turmıstaǵı belsendiligi hám qatnasıwın bahalaw bolsa mayıplıqtı bahalaw shkalasınıń jergilikli sharayatlarǵa beyimlestirilgen normaları tiykarında ámelge asırıladı.
Qararǵa kóre bahalaw toparlarınıń jumısı 2026-jıl 1-oktyabrden baslap Nawayı hám Xorezm wálayatlarında jolǵa qoyılıp basqa aymaqlarda 2027-jıldıń oktyabr ayınan keyin engiziliwi kútilmekte.
Nókis qalası ádillik bólimi
YuXKO bas yuriskonsultı G.Dauletova