Янгиликлар
30
Zamanagóy imkaniyatlar – bekkem shańaraq tiykarı
Búgingi kúnde mámleketimizde shańaraq institutın bekkemlew, jas juplıqlardı qollap-quwatlaw hám olarǵa qolaylıqlar jaratıw máselesine joqarı dárejede itibar qaratılmaqta. Ásirese, neke dúziwshiler, yaǵnıy shańaraq qurıw bosaǵasında turǵan jaslar hám bul tarawda xızmet kórsetiwshi qániygeler ushın jaratılǵan jańa imkaniyatlar tarawdıń sapasın jańa basqıshqa alıp shıqtı.
Aldınları nekedan ótiw ushın mámleketlik organlarǵa barıw, náwbetlerde turıw hám hújjetlerdi jıynaw talap etiletuǵın edi. Házirgi waqıtta bolsa sanlastırıw reformaları nátiyjesinde tómendegi qolaylıqlar jaratıldı:
• Onlayn arza tapsırıw: Jaslar birden-bir interaktiv mámleketlik xızmetleri portalı (my.gov.uz) arqalı úyden shıqpay-aq nekeden ótiw ushın arza jollaw imkaniyatına iye boldı.
• Hújjetlerdiń qısqarıwı: Integratsiyalanǵan elektron sistemalar sebepli artıqsha qaǵazpazlıqqa shek qoyıldı.
• Medicinalıq kórık: Nekeden aldınǵı medicinalıq kórikten ótiw sisteması da jetilistirilip, elektron náwbetler hám tezlestirilgen analiz nátiyjeleri engizildi.
Neke dúziwshi jaslardı qollap-quvvatlaw maqsetinde tek ǵana rásmiylestiriw emes, bálkim sociallıq-ekonomikalıq jeńillikler de jaratılmaqtaá;. Atap aytqanda, mámleketimiz tárepinen jas shańaraqlardıń óz úy-jayına iye bolıwı ushın dáslepki bádeldin hám kredit procentiniń bir bólegin qaplap beriwshi subisidiyalar ajıratılmaqta. Bul imkániyat jaslarǵa finanslıq qıyınshılıqlarsız óz turmısların baslawǵa kómeklesedi.Jańa shańaraq qurǵan jaslar ushın úy-jay satıp alıw yaki basqada kerekli buyımlardı alıw ushın arnawlı mikrokreditler engizilgen, sociallıq qorǵawǵa mútaj jaslarǵa toy hám máresim shıǵınlarınıń bir bólegin qaplawda mámleketlik járdemler kórsetilmekte.
Juwmaqlap aytqanda, búgingi kúngi imkaniyatlar jaslardıń óz aldına qoyǵan maqsetlerine erisiwinde, hesh qanday áwre-sarsıńlarsız jańa turmısqa qádem qoyıwında úlken tayanısh bolıp xızmet etpekte. Ziyalı hám bekkem shańaraq – mámlekettiń eń úlken baylıǵı bolıp qala beredi.
Taxtakópir rayonı ádillik bólimi
PHAJ bólimi baslıǵı J.Tashimova