Янгиликлар
29
Atalíqtí belgilew tártibi
Shańaraqlıq turmısta kelispewshilikler ushırasıp turadı. Mine usınday turmıstıń aqıbetinen jas shańaraq iyeleriniń jolları ayra túsedi. Nátiyjede, bunday unamsız waqıyalardan endi dúnyaǵa keletuǵın náresteler kóbirek jábir kóredi. Ásirese, olardıń atalıǵın belgilewde joq jerden mashqalalar payda boladı. Búgingi kúnde, ayırım ata-analar usınday mashqalalarǵa duslasıp atırǵanı da sır emes.
Atalıqtı belgilew ata-ananıń birgeliktegi arzası yaki sudtıń atalıqtı belgilew haqqındaǵı sheshiwshi qararına tiykarlanıp tuwılǵanlıq haqqındaǵı akt jazıwın belgilep ótken PHAJ organı tárepinen iske asırıladı.
Atalıqtı belgilew arza berilgen kúni ata-ananıń tikkeley qatnasıwında ámelge asırıladı. Bul process payıtında ata-analardan biri qatnasa almaǵan jaǵdayda, onıń arzadaǵı imzası nızam menen belgilengen tártipte medicina mákemesi, PHAJ organı, áskeriy bѳlim yamasa jazanı ótew mákemesi baslıǵınıń imzası hám gerbli móri menen tastıyıqlanıwı lazım.
Eger tuwılǵanlıq haqqındaǵı akt jazıwı basqa PHAJ organında jazılǵan bolsa, ol jaǵdayda atalıqtı belgilew haqqındaǵı arzanı qabıllaǵan PHAJ organı arzadaǵı maǵlıwmatlardı arza iyeleriniń shaxsın tastıyıqlawshı hújjetleri menen salıstırıp imzaların tastıyıqlaydı hám tuӯılǵanlıǵı haqqındaǵı akt jazıwın belgilegen PHAJ organına orınlaw ushın jiberedi.
Sonday-aq, balanıń tuӯılǵanlıǵı haqqındaǵı akt jazıwı ǴMDA mámleketleriniń birinde belgilengen bolsa, atalıqtı belgilew haqqındaǵı arza yamasa usı másele boyınsha sud qararı tuwılǵanlıq haqqındaǵı gúӯahnaması menen birge tiyisli PHAJ organına jiberiledi. PHAJ organı tuӯılǵanlıq haqqındaǵı akt jazıwına berilgen arzaǵa muwapıq, kerekli ózgerttiriwlerdi kirgizedi hám de tuwılǵanlıq haqqındaǵı jańa gúwahnamanı jiberedi.
Al, 10 jasqa tolǵan balaǵa atalıq onıń razılıǵı menen belgilenedi. Bunday jaǵdayda, balanıń razılıǵı ata-anası tárepinen berilgen arzada onıń jeke imzası arqalı kórsetiledi.Atalıq balanıń ákesi basqa hayal menen nızamlı nekede turǵanlıǵına qaramastan belgilenedi. Sol sebepli atalıqtı belgilewde onıń hayalınıń razılıǵı talap etilmeydi.
Nókis qalası ádillik bólimi
PHAJ bóliminiń inspektorı A.Xodjelepesova