Янгиликлар
30
Pedagoglardıń perzentleri ushın kontrakt tólemine 30 procent shegirme beriledi
Ózbekstan Respublikası Ministrler Kabinetiniń 2026-jıl 17-sentyabrdegi 501-sanlı qararı menen pedagoglardıń mámleketlik joqarı bilimlendiriw shólkemlerine oqıwǵa kirgen hám oqıp atırǵan perzentleriniń tólemli-kontrakt summasına shegirme beriw tártibi tastıyıqlandı.
- 2026/2027-oqıw jılınan baslap hár jılı mámleketlik joqarı bilimlendiriw shólkemlerine oqıwǵa kirgen hám oqıp atırǵan pedagoglardıń perzentleri ushın tólemli-kontrakt summasına 30 procent muǵdarında shegirme engiziledi.
- Shegirme mámleketlik joqarı bilimlendiriw shólkemleriniń bakalavriat basqıshında kúndizgi tálim formasında bilim alıp atırǵan pedagoglardıń perzentlerine qollanıladı.
Shegirme:
joqarı áskeriy, áskeriylestirilgen bilimlendiriw shólkemlerine, Ózbekstanda jumıs alıp barıp atırǵan sırt el joqarı bilimlendiriw shólkemleri hám olardıń filiallarına hám mámleketlik emes joqarı bilimlendiriw shólkemlerine qollanılmaydı.
Pedagogtıń bir neshe perzenti mámleketlik JOOlarında tólemli-kontrakt tiykarında oqıp atırǵan bolsa, shegirme hár bir perzent ushın óz aldına qollanıladı.
Pedagog perzentleri tólemli-kontrakt shártnamasın alıw ushın kontrakt.edu.uz sisteması arqalı arza jiberedi.
Arzanı kórip shıǵıw procesinde arza beriwshiniń pedagog perzenti ekenligi "Sanlı húkimet" sistemasınıń mekemeleraralıq integraciyalasıw platforması arqalı tastıyıqlanǵanda, shegirme avtomat tárizde qollanıladı.
Arzalar juwapker shólkem tárepinen 2 jumis kúni ishinde kórip shıǵıladı.
Pedagog perzentlerine bul shegirme oqıw jılı ushın bir márte qollanıladı.
Pedagog perzentleriniń ákesi yaki anası pedagog kategoriyasınan shıǵarılǵan jaǵdayda, keyingi oqıw jılınan baslap oǵan shegirme qollanıw toqtatıladı.
Taxtakópir rayonı ádillik bólimi
Mámleketlik xızmetler orayı bólim baslıǵı M.Allambergenov