Янгиликлар
30
Medicina hám farmacevtika xızmetkerleriniń perzentleri ushın kontrakt tóleminiń 30 procentine shekem subsidiya ajıratıladı
Ózbekstan Respublikası Ministrler Kabinetiniń 2026-jıl 12-iyundaǵı 310-sanlı qararı menen mámleketlik medicina mákemelerinde uzaq jıllar pidákerlik penen miynet etip kiyatırǵan medicina hám farmacevtika xızmetkerleriniń perzentleri ushın áhmietli sociallıq imkaniyat jaratıldı.
Qararǵa muwapıq, Mámleketlik medicina mákemelerinde jumıs islep atırǵan, 15 jıllıq jumıs stajına ie medicina hám farmacevtika xızmetkerleriniń perzentleriniń respublikalıq joqarı oqıw orınlarınıń bakalavriatında oqıwı ushın jıllıq kontrakt tóleminiń bir bólegi, yaǵnıy bakalavr tálim baǵdarı boyınsha jıllıq tólemli-kontrakt summasınıń 30 procenti muǵdarındaǵı, biraq bazalıq esaplaw muǵdarınıń 15 esesinen aspaǵan bólegi Ózbekstan Respublikası Densawlıqtı saqlaw ministrligi janındaǵı Medicinanı rawajlandırıw mámleketlik maqsetli qorı esabınan qaplap beriledi. Bul qarjı xızmetker yamasa studenttiń bank kartasına ótkerilmeydi. Subsidiya tikkeley perzent oqıp atırǵan joqarı bilimlendiriw shólkeminiń tiyisli esap betine jiberiledi.
Arza beriw ushın qálegen rayon (qala) Mámleketlik xızmetler orayına barıp múrájat etiw yamasa Birden-bir interaktiv mámleketlik xızmetler portalı arqalı mámleketlik xızmetten elektron tárizde paydalanıw ushın dizimnen ótedi.
Nókis qalası ádillik bólimi
Mámleketlik xizmetler orayı bas qánigesi M.Turakbaev