Янгиликлар
30
Ózbekstan maǵlıwmatlar bazası hám jasalma intellekt klasterin qurmaqta
Ózbekstan Málimleme texnologiyaları hám kommunikaciyaların rawajlandırıw ministriniń birinshi orınbasarı Oleg Pekostıń sózlerine bola, mámleket oraylasqan maǵlıwmatlar qoymaxanası (Data Warehouse) hám waqtınsha saqlaw ushın birden-bir arxitektura (Data Lakehouse) jaratpaqta, dep xabar berdi "Kursiv Media."
Ol bul haqqında Astana qalasında bolıp ótken Digital Bridge forumı sheńberindegi panel dodalawında aytıp ótti. Onıń atap ótiwinshe, bul sistemalarda saqlanatuǵın barlıq maǵlıwmatlar biypul hám jámietshilikke ashıq boladı.
Pekos, sonday-aq, jaqında Ózbekstanda iri jasalma intellekt klasterin qurıw boyınsha tender járiyalanǵanın aytıp, ilajda qatnasıp atırǵan kompaniyalardı onda qatnasıwǵa mirát etti. Oǵan shekem mámlekette kishi II klasteri iske qosılǵan edi.
Ol elektron húkimet boyınsha da pikir bildirdi. Onıń aytıwınsha, Ózbekstan super-qosımsha jaratıw jolın tańlamaǵan - barlıq mámleketlik xızmetlerden bankler hám tólem sistemalarınıń mobil qosımshaları arqalı paydalanıw múmkin. "Mámleketlik xızmetler hár bir adamnıń qolında bolıwı kerek," - dedi ol.
Nókis qalası ádillik bólimi
Mámleketlik xizmetler orayı qánigesi S.Bauberikova