Янгиликлар
28
Mámleketlik xızmetlerdiń sapası QR-kod arqalı bahalanadı
Húkimet qararı menen "Mámleketlik xızmetlerdi kórsetiw sapasın xalıq tárepinen bahalaw tártibi haqqında"ǵı reje tastıyıqlandı. Jańa tártipke bola, puqaralar mámleketlik xızmetten paydalanǵannan soń arnawlı QR-kod arqalı xızmet sapasına 1 den 5 ke shekem baha qoyıwı múmkin.
Hújjette mámleketlik xızmetlerdi kórsetiwdiń sapasın hám nátiyjeliligin bahalawdıń tiykarǵı normaları belgilengen. Olar tómendegilerden ibarat:
xızmet kórsetiw sapası;
xızmettiń óz waqtında kórsetilgenligi;
xızmetten paydalanıw imkaniyatı.
Rejege bola, bahalawshı (puqara) mámleketlik xızmetten paydalanǵannan keyin arnawlı QR-kodtı skanerlep, belgilengen normalar tiykarında 1-5 arasında baha hám pikirlerin qaldıradı.
Atap ótiliwinshe, 3 yamasa onnan tómen baha, sonday-aq, unamsız pikirler mámleketlik xızmetlerdiń sapasın jaqsılaw maqsetinde wákillikli uyımlar hám Ádillik ministrligine avtomatikalıq túrde jiberiledi. Bunnan soń, unamsız bahaǵa sebep bolǵan sharayatlar wákillikli uyımlar tárepinen úyrenilip, olardı saplastırıw ilajları kóriledi.
Bahalaw nátiyjeleri jaqsılanbasa, Ádillik ministrligi juwapker xızmetkerlerdi mámleketlik xızmetler kórsetiwden shetletiw máselesin kórip shıǵıw boyınsha wákillikli uyımǵa usınıs kirgiziwi múmkin.
Nókis qalası ádillik bólimi
Mámleketlik xizmetler orayı qánigesi N.Jalǵasbayev