Янгиликлар
28
Pedagoglardıń mámleketlik joqarı oqıw orınlarǵa oqıwǵa kirgen hám oqıp atırǵan perzentleriniń tólem-kontrakt summasına shegirme beriw tártibi belgilendi
2026-jıl 17-sentyabr kúni Ózbekstan Respublikası Ministrler Kabinetiniń «Pedagoglardıń mámleketlik joqarı oqıw orınlarǵa oqıwǵa kirgen hám oqıp atırǵan perzentleriniń tólem-kontrakt summasına shegirme beriw hám járdemge mútáj shanaraq perzentlerin zamanagoy kásipke oqıtıw is-ilájleri haqqında» ǵı 501-sanlı qararı qabıl etildi.2026/2027 oqıw jılınan baslap hár jılı mámleketlik joqarı oqıw orınlarǵa oqıwǵa kirgen hám oqıp atırǵan perzentleriniń tólem-kontrakt summasına 30% muǵdarında shegirme beriw tártibi tastıyıqlandı.
Oǵan kóre pedagog perzentleriniń tólem-kontrakt summasına 30% muǵdarında shegirme qollanıladı hámde usı shegirilgen summalar Ózbekstan Respublikası Mámleketlik byudjeti qarjıları esabınan qaplanadı.
Pedagog perzentlerine usı shegirme oqıw jılında bir márte pedagog atası yaki pedagog anası ushın qollanıladı.
Pedagogtıń bir neshe perzenti mámleketlik joqarı oqıw orınlarında tólem-kontrakt tiykarında bilim alıp atırǵan bolsa, olardın hár birine bólek-bólek shegirmeler qollanıladı.
Student (Abiturient) pedagogtıń perzenti ekenligi yaki onıń atası (anası) usı statustan shıǵarılǵanlıǵı Ózbekstan Respublikası Kámbaǵallıqtı qıskartıw xám bántlik ministrliginin tiyisli maǵlıwmat sisteması arqalı Pedagogik iskerlik penen baylanıslı lawazımlar dizimine kiritilgen lawazımda iskerlik alıp barıp atırǵanı tastıyıqlanǵan jaǵdayda tán alınadı.
Bunın ushın pedagog perzentleri ulıwma tártipte oqıw jılı ushın tólem-kontrakt shártnamasın alıw boyınsha arnawlı málimleme sisteması (kontrakt.edu.uz) arqalı arza jiberedi.
Arzanı kórip shıǵıw dawazımda arza beriwshiniń pedagog perzenti ekenligi belgilengen tártipte «Elektron xúkimet» sistemasınıń uyımlarara integraciyalasıw platformasınan alınǵan maǵlıwmatlar tiykarında tastıyıqlanǵanda, tólem-kontrakt shártnamasın káliplestiriw basqıshında okıw jılı ushın belgilengen tólem-kontrakt summasına 30 payızlıq shegirme avtomatik túrde qollanıladı.
Kegeyli rayonı Ádillik bólimi
Yuridikalıq xızmet kórsetiw orayı baslıǵı J.Joldasov