Янгиликлар
29
Mayıplıģı bolģan shaxslardıń miynet huqıqları
Mayıplıģı bolģan shaxslar miynetke baylanıslı jeke tártiptegi huqıqıy qatnasıqlarda basqa xızmetkerler sıyaqlı huqıqlarģa iye, miynetti qorģaw tarawında, jumıs waqtı, dem alıslar hám basqada miynet sharayatları boyınsha bolsa olar ózi ushın nızamshılıqta, sonday-aq miynet haqqındaģı basqada huqıqıy hújjetlerde belgilengen qosımsha jeńilliklerden paydalanadı.
Jámáát shártnamasında yamasa miynet shártnamasında belgilenetuģın miynet sharayatları, sonıń ishinde miynet haqı, jumıs waqtı hám dem alıs waqtı rejimi, jıllıq miynet dem alısınıń dawamlılıģı nızamshılıqta belgilengeninen az bolıwı hámde basqa xızmetkerlerge salıstırģanda mayıplıģı bolģan shaxslardıń jaģdayın tómenletiwi yamasa olardıń huqıqların sheklewi múmkin emes.
I hám II topar mayıplıģı bolģan xızmetkerlerge dawamlılıģı keminde otız kalendar kún bolģan jıllıq miynet dem alısı beriledi hám olar bul dem alıstan jıldıń ózleri ushın qolaylı bolģan waqtında paydalanıwı múmkin.
Qaraózek rayonı ádillik bólimi
bas masláhátshisi Sh.Erlepesov