Янгиликлар
29
Ózbekstanda reklama qońıraw hám SMS xabarlarǵa jańa sheklewler kirgiziledi
Ózbekstanda marketing qońırawları hám reklama SMS xabarları boyınsha jańa tártip engiziledi. Qabıl etilgen qararǵa bola, ózgerisler puqaralardıń jeke maǵlıwmatların qorǵaw hám mámleketlik xızmetlerde hújjet aylanısın avtomatlastırıwǵa qaratılǵan.2026-jıl 1-noyabrden baslap abonentke reklama qońıraw etiw yamasa SMS jiberiw ushın onıń jazba yamasa elektron razılıǵı bolıwı shárt. Kelisimsiz reklama tarqatıwǵa jol qoyılmaydı.Sonday-aq, baylanıs tarmaqları arqalı reklama tarqatıw ushın waqıt shekleniwi belgilenbekte. Reklamalı qońırawlar hám xabarlardı saat 18:00 den 09:00 ge shekem jiberiw qadaǵan etiledi.Mobil operatorlar qarıydardıń birinshi talabı menen reklama xabar hám qońırawlardı bloklawı kerek boladı. Reklama tarqatıwshı kompaniyalar bolsa óz maǵlıwmatlar bazaların Jeke maǵlıwmatlar mámleketlik reestrinde dizimnen ótkeriwi shárt.2026-jıl 1-oktyabrden baslap puqaranıń F.I.Sh. yamasa tuwılǵan sánesi ózgerse, mámleketlik uyımlardıń málimleme sistemalarındaǵı maǵlıwmatlar avtomatikalıq túrde jańalanadı.Qararda jas óspirimlerdiń huqıqın qorǵawǵa baylanıslı ózgeris de bar. Olar óz huqıqların qorǵaw ushın sudqa dawa arza kirgizgende mámleketlik bajıdan azat etiledi.Reklama hám jeke maǵlıwmatlar menen islesiw qaǵıydaların buzǵan shaxslarǵa nızamshılıqqa muwapıq juwapkershilik belgilenedi.
Nókis qalası ádillik bólimi
Mámleketlik xizmetler orayı qánigesi D.Genjebaeva