Янгиликлар
18
Banklerde aktivler boyınsha itimallıq joǵaltıwlardı qaplaw ushın rezervlerdi qáliplestiriw tártibi belgilendi
Ádillik ministrligi banklerde aktivlerdiń sapasın klassifikaciyalaw hám aktivler boyınsha itimallıq joǵaltıwlardı qaplaw ushın rezervlerdi qáliplestiriw hám olardan paydalanıw tártibi haqqındaǵı uyımlıq hújjetti mámleketlik dizimnen ótkerdi (dizim sanı 3937, 2026-jıl 10-sentyabr).
Bul hújjet penen bankler, sonıń ishinde, mikroqarjı bankleri hám islam bankleri jumısın ámelge asırıwshı banklerde aktivlerdiń sapasın klassifikaciyalaw, itimallı joǵaltıwlar ushın rezervlerdi qáliplestiriw hám olardan paydalanıw tártibi tastıyıqlanbaqta.
Aktivler “standart”, “substandart”, “qanaatlandırarsız”, “gúmanlı” hám “úmitsiz” kategoriyalarǵa ajıratılıp, tiyislisinshe 1, 10, 25, 50 hám 100 payız rezerv normaları belgilenedi.
Klassifikaciyalawda obyektiv hám tólew itimalı tómenligi kriteriyaları qollanılıp, nátiyjeler parıq berse, jamanıraq kategoriya alınadı.
Bankler, bank emes kredit, qamsızlandırıw hám lizing shólkemlerine berilgen aktivler ushın ayrıqsha kriteriyalar belgilenedi.
Strukturalanǵan aktivler sapasın jaqsılaw ushin belgilengen shártler orınlanıwı hám keminde 6 yaki 12 aylıq sınaq dáwirin ótiwi talap etiledi.
Rezervler ayına keminde bir márte qayta kórip shıǵıladı.
2028-jıl 1-yanvardan mashqalalı aktivlerge “procentlerdi ósirmew” statusı berilip, esaplanǵan, biraq alınbaǵan procentli hám basqa da dáramatlar balansdan tısqarı esap betlerine ótkeriledi.
Aktivlerdi rezerv esabınan balanstan tısqarı esap betlerine ótkeriw hám esaptan shiǵariw qarız minnetlemesin biykar etpeydi.
Qaraqalpaqstan Respublikası Ádillik ministrligi
Intellektual múlk huqıqların qorǵaw
sektorı bas másláhátshisi A.A.Nurabullayev