Янгиликлар
14
Medicina hám farmacevtika xızmetkerlerin mámleketlik diziminen ótkeriw sisteması engiziledi
“Medicina hám farmacevtika xızmetkerlerin mámleketlik diziminen ótkeriw sistemasın engiziw haqqında”ǵı PF-192-sanlı Prezident Pármanı qabıllandı.
Pármanǵa kóre, 2027-yil 1-iyuldan basqıshpa-basqısh medicina hám farmacevtika xızmetkerlerin mámleketlik diziminen ótkeriw arqalı kásiplik iskerlik menen shuǵıllanıw sisteması engiziledi.
Bunda:
mámleketlik diziminen ótkeriw medicina hám farmacevtika iskerligi ámelge asırilatuǵın qánigelikler nomenklaturasına kiritilgen qánigeliklerge qollanıladı;
usı nomenklatura tiykarında arnawlı imtixan menen yamasa arnawlı imtixansız mámleketlik diziminen ótkeriletuǵın qánigelikler dizimi medicina hám farmacevtika xızmetkerlerdiń nawqasqa medicinalıq tásir kórsetiw dárejesinen kelip shıqqan halda Den sawlıqtı saqlaw ministrligi tárepinen tastıyıqlanadı.
Mámleketlik diziminen ótkeriw hám kásiplik iskerlik alıp barıwdı monitoring qılıw hám de maǵlıwmatlardan erkin paydalanıw imkaniyatın beriwshi Medicina hám farmacevtika tarawı qánigeleriniń birden-bir elektron reestri júritiledi.
2030-jılga shekem medicina hám farmacevtika xızmetkerleri qánigeligi boyınsha qálegen tártipte arnawlı imtixan nátiyjelerine kóre yamasa ilmiy tájriybe kategoriyaların beriw processinde avtomat túrde 5 jıl múddetke mámleketlik diziminen ótkeriledi.
Pármanǵa kóre, 2030-jıldan:
medicina hám farmacevtika iskerligi menen shuǵıllanıw huqıqı tek mámleketlik diziminen ótkerilgen shaxslarǵa 5 jıl múddetke beriledi;
medicina hám farmacevtika xızmetkerleriniń mámleketlik diziminen o’tpesten kásiplik iskerlik kórsetiwi qadaǵan etiledi;
medicina hám farmacevtika xızmetkerlerine qánigelik taypasın beriw ámeliyatı biykar etiledi;
2030-jılǵa shekem berilgen qánigelik taypaları olardıń ámel qılıw múddeti tamam bolǵanǵa shekem ámel etedi hám de ústemeler hám basqa huqıqlar tiyisli múddet dawamında saqlanadı;
arnawlı imtixan tiykarında mámleketlik diziminen ótkeriletuǵın ámeldegi medicina hám farmacevtika xızmetkerleri imtixannan óte almaǵan jaǵdayda, 1 jıl dawamında imtixannan qayta ótiw shárti menen waqtınsha mámleket diziminen ótkeriledi hám de sol dáwir dawamında jumıs iskerligin dawam ettiredi;
mámleket diziminen ótkennen keyin óz qánigeligi boyınsha 3 jıl yamasa odan artıq úzliksiz islemegen medicina hám farmacevtika xızmetkerleriniń kásiplik iskerlik menen shuǵıllanıwına qánigelik kursların tabıslı tamamlaǵannan hám de óz qánigeligi boyınsha qayta mámleket diziminen ótkerilgennen keyin ruxsat beriledi;
mámleket diziminen ótkerilip atırǵan qánigeligi boyınsha keminde 20 jıl jumıs stajı hám ilimiy dárejege iye medicina hám farmacevtika xızmetkerleri arnawlı imtixansız mámleketlik diziminen ótkeriledi.
Nókis qalası ádillik bólimi YXKO baslıǵı T.Utemiratov