Янгиликлар
08
Nızamshılıqtaǵı jańalıqlar
Ózbekstan Respublikasiniń 05.08.2024-jildagi ÓRN-937-sanlı ózbasımshalıq penen iyelep alinǵan jer uchastkalarina hám olarda qurılǵan imaratlar menen obyektlerge bolǵan huqiqlardi tán alıw haqqında nızam qabillandi.
Ózbekstanda kóplegen puqaralardı jıllar dawamında qıynap kiyatırǵan eń awır mashqalalardan biri - óz waqtında hújjetlestirilmegen jer uchastkaları hám olarda qurılǵan turaq jaylar máselesi bolıp esaplanadı. Bul mashqalaǵa shek qoyıw hám xalıqqa óz múlkine tolıq iyelik etiw imkaniyatın beriw maqsetinde mámleketimizde tariyxıy qádem taslandı.
Prezident tárepinen qol qoyılǵan "Ózbasımshalıq penen iyelep alınǵan jer uchastkalarına hám olarda qurılǵan imaratlar menen obyektlerge bolǵan huqıqlardı tán alıw haqqında"ǵı Nızam (ÓRN-937-sanlı) házirgi waqıtta respublika boylap keń kólemde turmısqa engizilmekte. Bul xalıqshıl nızam xalıq arasında "Jer amnistiyası" atı menen de atalmaqta.
Bul nızam menen Qanday obyektlerge baylanıslı huqıqlar tán alınadı?
Nızam boyınsha tómendegi 8 kategoriyadaǵı kóshpes múlklerge ijara yamasa múlk huqıqın rásmiylestiriw imkaniyatı jaratılǵan:
1.2018-jıl 1-mayǵa shekem puqaralar jeke tártipte turaq jay qurǵan halda ózbasımshalıq penen ielep alǵan jerler hám olardaǵı imarat-obektler;
2. 2018-jıl 1-mayǵa shekem puqaralar hám shólkemler tárepinen hújjette kórsetilgen maydannan artıqsha ielengen jerler;
3. Aldınǵı "bir mártelik akciya" (Prezidenttiń 2018-jıldaǵı 5491-sanlı Pármanı) sheńberinde huqıqlardı tán alıw múddeti pitip, hújjetlerin aqırına jetkere almaǵan puqaralardıń obektleri
4. Baǵshılıq hám júzimgershilik shirketleri aymaǵındaǵı jaylar hám olar ielep turǵan jerler;
5.Kishi sanaat zonaları aymaǵında 2020-jıl 9-martqa shekem qurılǵan turaq jay emes imaratlar hám obektler;
6. Menshiklestirilgen imaratlar hám kárxanalar quramındaǵı, biraq jer ajıratıw qararı joq obyektler;
Házirgi kúnde tastıyıqlanǵan reje-grafikke tiykar juwapker mákemeler tárepinen xatlaw jumısları ámelge asırılıp,ádillik bólimi tárepinen puqaralarımızǵa nızamnıń mánisin túsindiriw ilájları ámelge asırılmaqta.
Shımbay rayonı ádillik bólimi bas másláhatshısı A.Dastenov