Янгиликлар
30
Basqa mámlekette jasaytuǵın balanı perzentlikke alıw
Shet el puqaraları hám puqaralıǵı bolmaǵan shaxs bolıp, basqa mámleket aymaǵında turaqlı jasaytuǵın balanı Ózbekstan Respublikası puqaraları tárepinen perzentlikke alıw sol bala jasaytuǵın mámlekettiń nızamshılıǵında belgilengen tártipte, perzentlikke alınıp atırǵan bala jetim hám perzentlikke alıwshılardıń jaqın aǵayini bolǵan yamasa óz watanında túrli sebeplerge kóre perzentlikke alınıwı múmkin bolmaǵan jaǵdaylarda ámelge asırıladı. Bunday jaǵdaylarda perzentlikke alınıp atırǵan balanıń Ózbekstan Respublikasına kiriwi hám mámleketimiz aymaǵında turaqlı jasawı ushın mámleketimizdiń wákilli organınıń ruxsatnaması talap etiledi.
Perzentlikke alıw haqqındaǵı birinshi qarar sud tártibinde biykar etilgennen keyin ǵana balanı qaytadan perzentlikke alıwǵa jol qoyıladı.
Sudtıń perzentlikke alıw haqqındaǵı qararı nızamlı kúshke kirgen kúnnen baslap on bes kún ishinde puqaralıq halatı aktlerin dizimge alıw organları perzentlikke alınıp atırǵan balanıń tuwılıwı dizimge alınǵan dápterge zárúr ózgerisler kiritiliwi lazım. Perzentlikke alıwshılar balanıń tuwılıwı dizimge alınǵan dápterge, eger bul haqqında sudtıń sheshiwshi qararında kórsetilgen bolsa, onıń ata-anası dep jazılıwı kerek.
Zárúr jaǵdaylarda balanıń familiyası, atı, atasınıń atı ǵana emes, bálkim tuwılǵan sáneside hám bir jıldan artıq bolmaǵan parıq penen ózgertiledi. Eger bala on jastan aspaǵan bolsa, tuwılǵan jeride Ózbekstan Respublikası ishinde ózgertiliwi múmkin.
Kegeyli rayonı ádillik bólimi PHAJ bólimi baslıǵı I.Erjanova