Янгиликлар
06
Korrupciyaǵa qarsı úzliksiz gúresiw – dáwir talabı
Korrupciya — házirgi kúnde pútkil dúnya júzi mámleketlerin tolǵandırıp júrgen awırmashqalaǵa aylanǵan másele. Jasıratuǵını joq, haqıyqatında da xızmet wazıypasınan paydalanıw arqalı mámleket múlkine kóz alayttırıw, jámiyetke zıyanın tiygizbey qalmaydı. Óz mápin mámleket mápinen ústin qoyıp, nızam buzıwshılıq jolı menen baylıq toplaw kóplegen mámleketlerdiń rawajlanıwına keri tásirin tiygiziwshi qáwipli illet sanaladı.
Al, onıń aldın alıwda, eń áwele adamlar, ásirese, ayrıqsha wákilliklerge iye basshılar arasında úgit-násiyat, túsindiriw jumısların alıp barıw, dáramat tabıwda nızamsız háreketlerdiń izi jaqsılıqqa alıp barmaytuǵınlıǵın eskertiw zıyan etpeydi. Ózbekstan Respublikasınıń «Korrupciyaǵa qarsı gúresiw haqqında»ǵı Nızamı mámleketimizde zıyanlı illettiń aldın alıwda áhmiyetli huqıqıy hújjet bolıp tabıladı.
Elimizde korrupciyalıq huqıqbuzıwshılıqtıń aldın alıw, byurokratlıq jaǵdaylardı saplastırıw, paraxorlıq hám dámegóylikke jol qoymaw maqsetinde mámleketlik hákimiyatlar hám basqarıw organları, tiyisli uyımlarǵa ámelge asıratuǵın wazıypaları belgilep berildi. Házirgi waqıtta bul baǵdarda bir qatar unamlı jumıslar alıp barılmaqta.
Jámiyet hám de mámleket turmısınıń barlıq tarawlarınıń rawajlanıwına unamsız tásirin tiygizetuǵın korrupciyaǵa qarsı gúresiwde, keń jámiyetshilikte ózin shetke almawı tiyis. Sebebi, xalqımız awızbirshilikli túrde korrupciyaǵa qarsı gúresse, unamlı nátiyjege erisiwine isenim oyanadı.
Bozataw rayonı ádillik bólimi
PXAJ bólimi baslıǵı T.Mambetmuratova