Янгиликлар
05
Jumıs waqtınan tısqarı jumıs
Miynet kodeksiniń 189-statyasına muwapıq, jumıs beriwshi tárepinen xızmetkerdi xızmetker ushın belgilengen jumıs waqtınıń dawamlılıǵınan tısqarı jumısqa shaqırıw jumıs waqtınan tısqarı jumıs dep esaplanadı.
Jumıstan tısqarı jumıstıń saatları muǵdarın anıqlaw tártibi jumıs waqtın esapqa alıw túrine baylanıslı.
Jumıs waqtı kúnlik esapqa alınǵanda xızmetker ushın belgilengen kúndelikli jumıs (smena) waqtınıń dawamlılıǵınan artatuǵın jumıs jumıs waqtınan tıs jumıs dep esaplanadı.
Jumıs waqtı háptelik esapqa alınǵanda xızmetker ushın belgilengen háptelik jumıs waqtınıń dawamlılıǵınan artatuǵın jumıs jumıs waqtınan tıs jumıs dep esaplanadı.
Jumıs waqtın jıynap esapqa alǵanda bir hápteden asatuǵın esaplaw dáwiri ushın xızmetkerge belgilengen jumıs waqtınıń dawamlılıǵınan tısqarı jumıs jumıs waqtınan tısqarı jumıs dep esaplanadı.
Jumıs beriwshi tárepinen xızmetkerdi onıń razılıǵısız jumıstan tısqarı jumısqa tartıwǵa tómendegi jaǵdaylarda jol qoyıladı:
1) tábiyiy yamasa texnogen xarakterdegi apatshılıqlardıń, óndiristegi avariyalardıń, óndiristegi baxıtsız hádiyselerdiń, sonday-aq órtlerdiń, tasqınlardıń, jer silkiniwlerdiń, epidemiyalardıń yamasa epizootiyalardıń aldın alıw yamasa aqıbetlerin saplastırıw hámde xalıqtıń yamasa onıń bir bóleginiń turmısına yamasa normal jasaw sharayatlarına qáwip tuwdıratuǵın basqa ayrıqsha jaǵdaylarda orınlanǵan jumıslar ámelge asırılǵanda;
2) oraylasqan ıssı suw támiynatı, suwıq suw támiynatı hám (yamasa) suw shıǵarıw sistemalarınıń, gaz támiynatı, ıssılıq támiynatı, jaqtılandırıw, transport, baylanıs sistemalarınıń normal islewin buzatuǵın kútilmegen jaǵdaylardı saplastırıwǵa baylanıslı sociallıq jaqtan zárúr jumıslar ámelge asırılǵanda;
3) jumista úziliske jol qoyılmasa, smena almasıp atırgan xizmetker kelmey qalganda jumıstı dawam ettiriw ushin. Bunday jaǵdayda jumıs beriwshi tezlik penen smenashını basqa xızmetker menen almastırıw ilajların kóriwi shárt.
Usı statya altınshı bóliminiń 2 hám 3-bántlerinde názerde tutılǵan jaǵdaylarda jumıs beriwshi tárepinen xızmetkerdi jumıstan tısqarı jumısqa tartıwǵa xızmetkerdiń miynet wazıypası sheńberinde jol qoyıladı.
Usı statyanıń altınshı bóliminde názerde tutılǵan jaǵdaylardan tısqarı jumıstan tısqarı jumısqa tartıwǵa xızmetkerdiń jazba razılıǵı menen jol qoyıladı.
Jumıs smenasınıń dawamlılıǵı on eki saat bolǵanda, sonday-aq, miynet sharayatları oǵada zıyanlı hám oǵada qáwipli jumıslarda jumıstan tısqarı jumıslarǵa jol qoyılmaydı.
Bozataw rayonı ádillik bólimi
YXKO bas yuriskonsultı N.R.Mamutova