Янгиликлар
05
Turaq jay buzılıwınıń aldı alındı
Puqara J.Xudaybergenovqa Jergilikli hákimliktiń 1991-jıl 24-iyun kúngi 119/2 sanlı qararı menen turaq jay qurılıw ushın jer maydanı ajıratılǵan.
J.Xudaybergenov materyallıq imkaniyatı tuwrı kelmegenligi ushın bul jer maydanına turaq jay qurılısın baslay almaydı.
Aradan waqıt ótip, perzentleri er jetti hám bir neshe jıllar dawamında Rossiya mámleketinde kóplegen qıyınshılıq menen jumıs islep biraz daramat toplaydı hám qurılıs jumısların baslaydı.
Qutılıstı baslar eken, J.Xudaybergenov turaq jaydı hújjetlestiriw jumısların ámelge asırıw maqsetinde kadastr palatasına múrájat etkeninde, qurılıstı juwmaqlaw kerekligin bildirgen.
Qurılıs jumısların derlik juwmaqlaw qarsańına kelgende bolsa, kadastr palatası, bul turaq jayǵa hújjet rásmiylestirip bolmaslıǵın bildirip, isti Puqaralıq isleri boyınsha Shımbay rayonlar aralıq sudına ótkeredi hám sud tárepinen turaq jaydı nızamsız qurılıs dep tawıp, onı buzıp taslaw boyınsha sheshim qabıl etedi.
Buǵan sebep sıpatında bolsa,turaq jay qurılısı ushın ajıratılǵan jer maydanınıń jaylasıw sızılma kartası joq ekenligi kórsetilgen, negizinde bolsa bul katra o`z múddetinde tiyisli mámleketlik shólkemler tárepinen tayarlao berilmegen yaki ol tiyisli tártipte saqlanbaǵan. Yaǵnıy, tiyisli juwapker shaxslardıń óz wazıypaların waqtında orınlamaǵanlıǵı nátiyjesinde puqara jábir shekken.
Bıraq, ádillik bóliminiń aralasıwı menen joqarǵı instansıya sudında puqaranıń huqıqı qorǵaldı. Atap aytqanda, Ózbasımshalıq penen iyelep alınǵan jer uchastkalarına hám olarda qurılǵan imaratlarǵa múlik huqıqın beriw haqqındaǵı 2024-jıl 5-avgusttegi 937 sanlı Nızam boyınsha búgingi kúnde xatlaw jumısları barmaqta hám usı nızamnıń 28-statyasında «usı nızamǵa muwapıq múlk huqıqı berilmegen jer maydanların qaytarıw» nızamshılıqta belgilengen tártipte ámelge asırılıwı belgilengen. Lekin, usıǵan qaramastan xatlaw jumısları ele mádeniyat APJ aymaǵına kelmesten-aq, turaq jayǵa nızamsız qurılǵan degen baxa berildi. Yaǵnıy nızam menen belgilengen xatlaw komissiyası juwmaq bermey turıp turaq jaydıń nızamsız ekenligine baxa berilmeydi dep kórsetip ótilgen edi.
Máseleniń sheshimi nızamshılıqta anıq kórsetip berilgen. Usılarǵa tiykar sud sheshimi biykar etilip, turaq jaydı bızıw máselesi toqtatılıwı lazım. Egerde bular tartıslı jaǵday dep esaplanatuǵın bolsa, Ózbekstan Respublikası Normativ hújjetler haqqındaǵı 682 sanlı nızamnıń 18-statyasında hám úlken úmitler menen jańadan qabıl etilgen Bas Nızamımız bolǵan Konstitutsiyamızdıń 20-statyasında, insan hám mámleket ortasında tartıslı hám anıq bolmaǵan jaǵdaylar júzege kelgen másele insan paydasına sheshiliwi belgilengenligin esapqa alıw lazım.
Usı normalarǵa tiykar, puqaranıń huqıqı sudta qorǵaldı ha`m turaq jaydı buzıp taslaw boyınsha birinshi instantsiya sudınıń sheshimi biykar etilip, turaq jayǵa kadastr hújjetleri rásmiylestirilip berildi.
Qaraózek rayonı ádillik bólimi baslıǵı A.Iskenderov