Янгиликлар
04
Puqaralıq halatı aktlerin jazıw xızmetleri: puqaralarǵa kórsetiletuǵın xızmetler
Puqaralardıń huqıq hám máplerin támiyinlew, olardıń turmısındaǵı áhmiyetli waqıyalardı nızamlı túrde rásmiylestiriw — puqaralıq halatı aktlerin jazıw xızmetleriniń tiykarǵı wazıypalarınıń biri.
Puqaralıq halatı aktlerin jazıw xızmetleri arqalı puqaralardıń tuwılıwı, neke duziwi, nekeden ajırasıwı, ólimi hám basqa da áhmiyetli waqıyalar belgilengen tártiptе mámleketlik dizimnen ótkeriledi.
Puqaralıq halatı aktlerin jazıw xızmetleri qanday xızmetlerdi kórsetedi?
Puqara halatı aktlerin jazıw xızmetleri tárepinen tiykarınan tómendegi xızmetler kórsetiledi:
• tuwılıwdı mámleketlik dizimnen ótkeriw;
• neke qıyıwdı mámleketlik dizimnen ótkeriw;
• nekeden ajırasıwdı mámleketlik dizimnen ótkeriw;
• ólimdi mámleketlik dizimnen ótkeriw;
• atalıqtı belgilew;
• perzentlikke alıwdı rásmiylestiriw;
• puqaralıq halatı aktleri jazıwlarına ózgeris, dúzetiw hám qosımshalar kirgiziw;
• puqaralıq halatı aktleri jazıwların tiklew hám biykar etiw;
• tuwılıw, neke, nekeden ajırasıw hám ólim haqqında guwalıqlar beriw;
• tiyisli maǵlıwmatnamalar hám qaytadan beriletuǵın guwalıqlardı rásmiylestiriw.
Xızmetlerdi alıwdıń zamanagóy múmkinshilikleri
Búgingi kúnde mámleketlik xızmetlerdi sanlı texnologiyalar arqalı alıw múmkinshilikleri keńeyip barmaqta. Elektron xızmetler puqaralarǵa waqıttı únemlewge, artıqsha hújjetlerdi jıynawdı azaytıwǵa hám arızalardı qolay túrde jiberiwge múmkinshilik beredi.
Puqaralıq halatı aktleri haqqındaǵı maǵlıwmatlardıń elektron sistemalarda saqlanıwı da xızmet kórsetiw sapasın arttırıwǵa járdem beredi.
Puqaralardıń huqıqları
Puqaralıq halatı aktlerin jazıw xızmetlerinen paydalanıw barısında hár bir puqaraǵa nızamda belgilengen tártiptе sapalı hám qoljetimli xızmet kórsetiliwi tiyis.
Puqaralardıń jeke maǵlıwmatları nızam talaplarına muwapıq qorǵaladı. Xızmet kórsetiw barısında puqaralardıń huqıqları hám nızamlı mápleri támiyinlenedi.
Puqaralıq halatı aktlerin jazıw xızmetleri — puqaralardıń turmısındaǵı eń áhmiyetli waqıyalardı nızamlı túrde rásmiylestiriwge baǵdarlanǵan mámleketlik xızmetlerdiń biri.
Tuwılıw, neke, nekeden ajırasıw, ólim hám basqa da puqara halatı aktlerin óz waqtında hám belgilengen tártiptе mámleketlik dizimnen ótkeriw puqaralardıń huqıqıy máplerin támiyinlewge xızmet etedi.
Qaraózek rayonı ádillik bólimi
PHAJ bólimi 1-dárejeli inspektorı E.Sultamuratova