Янгиликлар
02
Zorlıqtan jábir kórgen balalar hám hayallardı qorǵaw kúsheytilmekte
Ózbekstan Respublikasınıń 01.07.2026-jıldaǵı ÓRN-1156-sanlı Nızamına muwapıq ayırım nızam hújjetlerine balalar huqıqlarınıń kepilliklerin jáne de kúsheytiwge jáne kúsh kórsetiw hám zorlıq jábirleniwshisi bolǵan hayal-qızlardı qorǵaw sistemasın bunnan bılay da jetilistiriwge qaratılǵan ózgerisler hám qosımshalar kirgizildi.
Atap aytqanda, Shańaraq, Puqaralıq processual kodekslerine ózgerisler kirgizilip, "Bala huqıqlarınıń kepillikleri haqqında"ǵı hám "Qáwenderlik hám ámengerlik haqqında"ǵı nızamlarǵa "balanıń eń jaqsı mápleri" túsinigi kirgizildi.
Balanıń eń jaqsı mápleri hám olardı támiyinlew kepillikleri balanıń abadanlıǵı, qáwipsizligi, densawlıǵı hám tolıq rawajlanıwı ústinligin tańlawdı ańlatadı.
Solay etip, shańaraqta ósiw, bilim alıw, sonday-aq, abırayı, qádir-qımbatı hám jeke qol qatılmaslıǵın támiyinlew huqıqı nızam menen bekkemlengen. Qarar qabıl etiwde endi balanıń pikiri hám onıń individual ózgeshelikleri álbette esapqa alınadı.
Bunnan tısqarı, kúsh kórsetiw hám zorlıqtan jábirlengenlerdiń huqıqıy qorǵalıwı bekkemlenbekte. "Hayal-qızlardı kúsh kórsetiw hám zorlıqtan qorǵaw haqqında"ǵı nızamǵa kirgizilgen ózgerislerge bola, Sociallıq qorǵaw milliy agentligi sistemasındaǵı shólkemler, sonıń ishinde, hayal-qızlardı reabilitaciyalaw hám beyimlestiriw oraylarına jábirleniwshilerdiń máplerin gózlep mámleketlik bajı tólemesten sudlarǵa múrájat etiw hám sud májilislerinde olardıń atınan wákillik etiw huqıqı berildi.Sonday-aq, Nızamda jábirlengen hayal qánigelestirilgen orayǵa jaylastırılǵanda onıń jumıs ornı (lawazımı) saqlanip qalınıwı, sonday-aq, oǵan bir ayǵa shekemgi múddetke waqtınsha miynetke jaramsızlıq haqqında maǵlıwmatnama beriliwi belgilengen.
Taqıyatas rayonı ádillik bólimi
YXKO bas yuriskonsulti R.Kurbanov