Янгиликлар
01
Qárejetleriniń yarımı qaplap beriledi
Ózbekstanda miymanxana xojalıǵında ekologiyalıq turaqlılıqtı támiyinlew, energiya nátiyjeligin asırıw hám xalıqaralıq standartlardı keń engiziwge qaratılǵan jańa tártip belgilendi.
Jańa tártipten xalıqaralıq tán alınǵan “jasıl” sertifikat alǵan hám nızamshılıqta belgilengen talaplarǵa muwapıq sertifikat tiykarında iskerlik júrgizip atırǵan miymanxanalar bul sertifikatlaw qárejetleriniń yarımın qaplap beriw imkaniyatınan paydalanıwı múmkin.
Bunda miymanxana arza tapsırıw waqtında bir qatar talaplarǵa juwap beriwi kerek. Atap aytqanda, onıń salıq hám jıyımlar boyınsha qarızdarlıǵı bolmawı, qayta shólkemlestiriw yamasa saplastırıw procesinde bolmawı, iskerligi waqtınsha toqtatılmaǵan bolıwı hám sud qararı menen «tólewge qábiliyetsiz» dep járiya etilmegen bolıwı kerek.
Bir miymanxana ushın bul qarjılar tek bir márte qaplap beriledi. Onıń ushın Mámleketlik xızmetler orayı arqalı yamasa birden-bir interaktiv mámleketlik xızmetler portalı arqalı Ózbekstan Respublikası Turizm komitetine múrájat etiledi hám tiyisli hújjetler usınıladı.
Al, qárejetlerdi qaplaw haqqında unamlı qarar qabıl etilgen jaǵdayda, pul 10 jumıs kúni ishinde miymanxananıń xızmet kórsetiwshi kommerciyalıq banktegi esap betine ótkerip beriledi.
Sertifikatlaw qárejetleriniń yarımınıń mámleket tárepinen qaplap beriliwi isbilermenler ushın finanslıq júkti kemeytirip, ekologiyalıq hám energiya sarıplanıwın tejew sheshimlerin engiziwge imkaniyat jaratadı.
Nókis qalası ádillik bólimi
Mámleketlik xızmetler orayı jetekshi qánigesi S.Mnajov