Янгиликлар
01
Nókis rayon ádillik bólimi tárepinen 2026-jıl 6 ayı dawamında ámelge asırılǵan jumısları boyınsha
Búgingi kúnde mámleketimizde barlıq tarawlarda keń kólemli reformalar ámelge asırılmaqta.
Sol qatarda ádillik uyımları sistemasın tártipke salıw boyınsha da bir qatar huqıqıy hújjetler qabıl etildi.
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypası esaplanadı.
Bul baǵdarda 2026-jıl 6 ayı dawamında Nókis rayonı ádillik bólimi tárepinen bir qatar jumıslar ámelge asırıldı.
Atap aytqanda, fizikalıq hám yuridikalıq shaxslardan 142 arza hám shaǵımlar kelip tusip, sonnan 104 múrəjat (73,2%) qanaatlandırıldı, 38 murájatqa huqıqıy túsinik berildi.
Sudlarǵa puqaralardıń mápin kózlep 38 daӯa arzalar kirgizilip, puqaralardıń huqıqları tiklendi.
Ádillik bólimine kelip túsken múrájatlar analizlengende eń kóp múrájatlar insan huqıqların qorǵaw, sonıń ishinde, miynet qatnasıqları máselelerine baylanıslı ekenligi anıqlandı.
Bunnan tısqarı, Nızamlardıń durıs orınlanıwı boyınsha 11 úyreniwler hám 3 monitoringler ótkerilip, 209 nızam buzıwshılıq jaǵdayları anıqlandı.
Anıqlanǵan nızam buzıwshılıqlar boyınsha mekeme hám shólkemlerge jámi 30 usınıslar kirgizildi.
Nızambuzılıwlarǵa jol qoyǵan 2 shaxs intizamiy hám 3 shaxs hákimshilik juwapkershilikke tartıldı.
Sonday-aq, kirgizilgen dawa arzalar hám usınıslar nátiyjesi tiykarında 135 mln 901 mıń 232 sum pul qarjıları tólep berilip, puqaralardıń huqıqları qorǵalıwı támiyinlendi.
“Hár bir úyge biypul huqıqıy másláhát”, «shaxs - shańaraq - máhálle - bilimlendiriw mekemesi - shólkem - jámiyet» principi boyınsha bólim tárepinen 1284 úgit-násiyat jumısları alıp barıldı (sonnan, 89 sı ǵalaba xabar qurallarında, 242 ret sociallıq tarmaqlarda, 914 awızeki, 39 kórgizbeli huqıqıy úgit-násiyat).
Sonıń menen birge, jaӊadan qabıl etilgen 542 normativ-huqıqıy hújjetler rayonlıq 31 mákeme hám shólkemlerine elektron formada jetkerilip berildi.
Yuridikalıq xızmetler tarawında:
Nókis rayonı ádillik bólimi Yuridikalıq xızmet kórsetiw orayı búgingi kúnde 61 mámleketlik uyımlar hám shólkemlerine, sonnan 31 mámleketlik ulıwma bilim beriw mekteplerine, 17 mámleketlik mektepke shekemgi bilimlendiriw shólkemlerine hám rayon aymagında jaylasqan jámi 13 byudjet mekemege xızmet kórsetilmekte.
2026-jıl 6 ayı dawamında usı Orayǵa huquqıy ekspertizadan ótkeriw ushın
15 555 hújjet joybarları kelip túsken bolıp, sonnan 8 617 buyrıq hám 6 938 shártnamaga nızamshılıqqa muwapıqlıǵı boyınsha unamlı juwmaqlar berildi hámde 7 hújjette qáte-kemshilikler bolǵanlıǵı sebepli orınlawshılarına qayta kórip shıǵıw ushın qaytarıldı.
Mámleketlik xızmetlerin kórsetiw boyınsha:
Nókis rayonı Ádillik bólimi mámleketlik xızmetler orayı tárepinen 2026-jıl 6 ayı dawamında fizikalıq hám yuridikalıq shaxslarǵa jámi 16 853 mámleketlik xızmetler kórsetilgen bolıp, sonnan 15723 fizikalıq shaxslarǵa 1130 yuridikalıq shaxslarǵa mámleketlik xızmetler kórsetildi.
Sonday-aq, oray tarepinen MPJ, APJ aymaqlarına shıǵıp 1655 kóshpeli mámleketlik xızmetler hámde 18 isbilermenlik subyektleri kóshpeli tártipte mámleketlik dizimnen ótkerildi.
Kórsetilip atırılǵan mámleketlik xızmetlerdiń wákillikli organlar tárepinen óz múddetinde kórip shıǵılıwı boyınsha turaqlı ráwishte úyrenip barılmaqta.
Úyreniwler dawamında, 2026-jılda 6 ayı daӯamında 53 múrájat tiykarsız kórip shıǵılıwdan bas tartılǵanlıǵı, 20 múrájattıń kórip shıǵıw múddeti buzılǵanlıǵı boyınsha Ministrlikke arnawlı xabarnamalar beriliwi támiyinlendi.
PHAJ tarawında:
Nókis rayonı PHAJ bóliminde 2026-jıl 6 ayı dawamında puqaralarǵa bir qansha huqıqıy xızmet kórsetildi atap aytqanda, 522 tuwılıw dizimnen ótkerilip, sonnan jalǵız ana arzası tiykarında 13, atalıq belgilew tiykarında 45 dana tuwılǵanlıq haqqında gúwalıq berildi. 157 dana jas jubaylardıı nekesi dizimnen ótkerildi. 157 ólim haqqında akt jazıwı dizimnen ótkerildi. 150 dana takrarıy gúwalıqlar berildi.
Juwmaqlap aytqanda, hár bir islengen jumıslar artında insan hám jámiyet mápleri turǵanlıǵın tereń ańlaǵan halda, aldaǵı iskerligimizde xızmet wazıypamızdı ele de juwapkershilik penen dawam ettirip, jámiette nızamlılıqtı elede bekkemlewge hám de insan huqıqları nátiyjeli qorǵalıwın támiyinlewdiń barlıq ilajları kóriliwine ayrıqsha itibarımızdı qaratamız.
Nókis rayonı ádillik
bólimi baslıǵı A.Oteuliev