Янгиликлар
01
Shımbay rayonı ádillik bólimi tárepinen 2026-jıl dáslepki 6 ayı dawamında ámelge asırılǵan jumıslar haqqında maǵlıwmat berildi
Bolimnin tiykarǵı wazıypalarınan biri birden-bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw bolıp tabıladı.
Bul baǵdarda ministrlik tárepinen 2026-jıldıń I yarım jıllıǵı dawamında bir qatar jumıslar ámelge asırıldı.
Atap aytqanda, fizikalıq hám yuridikalıq shaxslardan jámi 140 múrájatlar kelip tústi, usınnan 125 múrájat (89,2 payızı) qanaatlandırılıp, 11 múrájatka xukıkıy tusinikler berilip múrájatshılar huqıqları tiklendi.
Sonnan, arzalar – 114, shaǵımlar – 26 nı quraydı.
Bunnan tısqarı, ÓzR Prezidentiniń virtual qabıllawxanası hám Xalıq xabıllawxanaları arqalı jámi 2 dana múrájatlar kelip túsken bolıp, unamlı sheshilgen.
Sudlarǵa jámi summası 73,3 mln swmnan artıq 40 dana dawa arzaları kiritilip, puqaralardıń huqıqları sud tárepinen tikleniwine erisildi.
Bolimge kelip túsken múrájatlar analizlengende múrájatlardıӊ kópshiligin miynet, úy-jay, sociallıq qorǵaw, mámleketlik xızmetler kórsetiw hám puqaralıq halatı aktlerin jazıw tarawları menen baylanıslı ekenligi kórsetpekte.
Anıqlanǵan nızambuzılıwı jaǵdayları hám olardı saplastırıw tarawında bolim tárepinen mámleketlik uyımlar hám shólkemlerde nızamshılıqtıń durıs tártipke salınıwı ústinen turaqlı ráwishte monitoring alıp barılmaqta.
Usınıń nátiyjesinde, 2026-jıl I yarım jıllıǵı dawamında mámleketlik uyımlar hám shólkemler tárepinen 57 jaǵdayda nızam buzılıwına jol qoyılǵanlıǵı anıqlandı.
anıqlanǵan nızambuzılıwı jaǵdayların saplastırıw boyınsha
19 usınıslar kiritildi;
20 mámleketlik uyım hám shólkemlerde úyreniwler ótkerildi;
mámleketlik uyımlar hám shólkemlerdiń lawazımlı hám juwapker xızmetkerlerinen 7 shaxs hákimshilik juwapkershilikke tartıldı;
kiritilgen usınısnamalarǵa tiykar puqaralarımızdıń 48,9 mln swm qarjıları qaytarıldı hám tólep berildi.
Yuridikalıq xızmetler tarawında bólim quramında YUridikalıq xızmet kórsetiw orayları shólkemlestirildi.
Búgingi kúnde oraylar tárepinen 20 mámleketlik uyımlarına, 726 mámleketlik ulıwma bilim beriw mekteplerine, 436 mámleketlik mektepke shekemgi bilimlendiriw shólkemlerine hám de 97 kóp tarmaqlı oraylasqan hám shaӊaraqlıq poliklinikalarına eksterritorial tartipte yuridikalıq xızmetler kórsetilmekte.
2026-jıldıń I yarım jıllıǵı dawamında yuridikalıq xızmet kórstiw oraylarına huqıqıy ekspertizadan ótkeriw ushın 26 381 hújjet joybarları kelip túsken bolıp, usınnan 26 290 hújjetlerge nızamshılıq hújjetlerine muwapıqlıǵı boyınsha unamlı juwmaqlar berilgen bolsa, 63 hújjetlerge nızamshılıq hújjetlerine muwapıq bolmaǵanı ushın unamsız juwmaqlar berilgen hám de 28 hújjetlerde qáte-kemshilikler bolǵanlıǵı sebepli, nızamshılıqta belgilengen tártipte qaytarılǵan.
Huqıqıy úgit-násiyat hám aǵartıwshılıq tarawında bolim xızmetkerleri tárepinen 2026-jıldıń I yarım jıllıǵı dawamında 249 dan zıyat úgit-násiyat ilajları ótkerildi.
Usınnan, 77 ǵalaba xabar qurallarında hám de 200 den aslam awızeki huqıqıy úgit-násiyat ilajları ótkerildi.
Mámleketlik xızmetleri orayları hám PHAJ organları iskerligin muwapıqlastırıw tarawında rayonda mámleketlik xızmetleri orayı tárepinen xalıqımızǵa mámleketlik xızmetler kórsetilmekte.
Mámleketlik xızmetleri orayı zamanagóy hám barlıq qolay sharayatqa ie imarat penen támiyinlendi.
Mámleketlik xızmetler orayları tárepinen jámi 36 mıńan aslam mámleketlik xızmetler kórsetildi. 14 mıńnan aslam xızmetler onlayn tártipte kórsetildi.
616 isbilermenlik subyektleri mámleketlik dizimnen ótkerildi.
PHAJ uyımarınıń jumısların muwapıqlastırıw tarawında 2 mıń 14 akt jazıwları usınnan, tuwılǵanlıqtı dizimge alıw 818, nekeni dizimge alıw 244, nekeden ajırasqanlıq 73, ólimdi dizimge alıw jaǵdayı 376 ti quraydı. 800 den aslam xızmetler onlayn tártipte kórsetildi.
Juwmaqlap aytqanda, hár bir islengen jumıslar artında insan hám jámiet mápleri turǵanlıǵın tereń ańlaǵan halda, aldaǵı iskerligimizde xızmet wazıypamızdı ele de juwapkershilik penen dawam ettirip, jámiette nızamlılıqtı elede bekkemlewge hám de insan huqıqları nátiyjeli qorǵalıwın támiyinlewdiń barlıq ilajları kóriliwine ayrıqsha itibarımızdı qaratamız.
Shımbay rayonı ádillik bólimi baslıǵı A.Gulimbetov