Янгиликлар
01
Moynaq rayonı ádillik bólimi tárepinen 2026-jıl dáslepki 6 ayı dawamında ámelge asırılǵan jumıslar haqqında maǵlıwmat berildi
Moynaq rayonı ádillik bólimi tárepinen 2026-jıldıń 6 ayı dawamında bir qatar jumıslar ámelge asırıldı:
Atap aytqanda, bólimge usı jıldıń altı ayı dawamında jámi 40 múrájat kelip túsken bolıp, sonnan 36 múrájat qanaatlandırılıp, 3 múrájatqa huqıqıy túsinik berilgen bolsa 1 múrájat tiyisliligi boyınsha kórip shıǵıw ushın basqa shólkemge jiberildi. Bunan basqa “Sanlı máhalle” elektron platforması arqalı 16 huqıqıy mashqala kelip túsken bolıp, sonan 15 huqıqıy mashqala sheshilgen bolsa 1 huqıqıy mashqala kórmesten qaldırıldı.
Múrájatlar boyınsha sudlarǵa 25 dawa arzalar kirgizilip, puqaralarǵa 2 707 000 swm ústeme pulları óndirip berilgen bolsa, 26 158 767 swm is haqı hám oǵan teńlestirilgen tólemler is beriwshiler tárepinen sud processi dawamında dawa tán alıp ıxtiyariy ráwishte tólep beriliwine erisildi.
Nızamshılıq hújjetleriniń orınlanıwı boyınsha 16 úyreniwler ótkerilip, 122 nızam buzıwshılıq jaǵdayları anıqlandı. Usı anıqlanǵan nızam buzıwshılıqlar boyınsha bólim tárepinen 15 dana nızam hújjetleriniń buzılıwı, olardıń sebepleri hám oǵan alıp keliwshi shárt-sharayatlardı saplastırıw haqqında usınıslar kiritilip, 3 xızmetker intizamıy juwapkershilikge tartıldı, 25 mákeme hám shólkem basshıları hám de xızmetkerlerine hákimshilik járiymalar qollanıldı. Mámleketlik uyımlardıń 4 qararı biykar etilip, 28 yuridikalıq ahmiyetke iye hújjetlerine ózgerisler kirgizilip nızam hújjetlerine muwapıqlastırıldı.
Sonday-aq, kiritilgen usınıslarǵa tiykar 3 586 000 swm puqaralardıń is haqıları hám olarǵa tóleniwi lazım bolǵan basqada tólemler tólep berildi. Ádillik bólimi tárepinen Xalıq deputatları Moynaq rayonlıq Keńesiniń 4 sheshim joybarları huqıqıy ekspertizadan ótkerildi. Bólimde jańadan qabıl etilgen nızamlar hám qararlardıń mazmun-mánisin hám áhmiyetin xalıqqa túsindiriw, xalıqtı huqıqıy málimleme menen támiyinlew, puqaralardıń huqıqıy sanası hám mádeniyatın asırıwǵa ayrıqsha itibar qaratılǵan.
Bul baǵdar boyınsha usı jıldıń altı ayı dawamında bólim tárepinen 398 márte, sonnan televidenie arqalı 2 márte, radio arqalı 6 márte, gazeta hám jurnallar arqalı 10 márte, veb-saytlar arqalı 13 márte, sociallıq tarmaqlar arqalı 83 márte, awızeki túrde 204 márte, jazba hám kórgizbeli formada 80 márte úgit-násiyat ilajları ámelge asırıldı.
Yuridikalıq xızmet kórsetiw orayı tárepinen 2026-jıldıń 6 ayı dawamında tómendegi jumıslar ámelge asırıldı:
Moynaq rayonı ádillik bólimi yuridikalıq xızmet kórsetiw orayı óz iskerligin Ózbeksan Respublikası Prezidentiniń 29.06.2021 jıldaǵı PQ-5168-sanlı qararı tiykarında alıp barmaqta.
2026 jıldıń 5 ayı dawamında yuridikalıq xızmet kórsetiletuǵın mákemelerden 13 275 yuridikalıq túske iye bolǵan hújjet joybarları kelip túsken bolsa, solardan 78 kemishiligi bolǵanlıǵı sebepli qaytarıldı hám 18 hújjet joybarları nızamǵa muwapıq emes bolǵanlıǵı sebepli unamsız juwmaqlar berildi. Oray xızmetkerleri tárepinen xızmet kórsetiletuǵın mákemelerdiń xızmetkerleriniń huqıqıy mádeniyatın hám huqıqıy sanasın kóteriw maqsetinde 286 úgit-násiyat ilájları alıp barıldı. Puqaralarǵa sudqa hám sudqa shekemgi kerekli bolǵan 83 hújjet tayarlanıp berildi. 2026 jıl 6 ayı dawamında jámi 387 puqaraǵa huqıqıy maslahatlar berildi.Shártnamalıq huqıqıy máseleler boyınsha jámi 16 talapnamalardan 6 talapnama qanaatlandı, al sud tártibinde kórip shıǵıw tayarlanǵan 1 dawa arza qanaatlantırıldı.
PHAJ bólimi tárepinen 2026-jıldıń 6 ayı dawamında tómendegi jumıslar ámelge asırıldı:
Moynaq rayonı ádillik bólimi PHAJ bólimi tárepinen 2026-jıldıń 6 ayı dawamında 341 akt jazıwları dizimge alındı, sodan 155 tuwlǵanlıqtı dizimge alıw, 57 neke dizimnen ótkeriw, 15 nekeden ajrasqanlıǵı, 114 ólgenligi haqqındaǵı akt jazıwları dizimge alındı.
MXO tárepinen 2026-jıldıń 6 ayı dawamında tómendegi jumıslar ámelge asırıldı:
Búgingi kúnde mámleketimiz tárepinen mámleketlik xızmetler kórsetiw tarawın jetilistiriw, xalqımız tárepinen bul xızmetlerden paydalanıw imkaniyatların keńeytiw, olarǵa hár tárepleme qolaylıqlar jaratılıwı, oraylar arqalı kórsetiletuǵın jańadan mámleketlik xızmetlerdiń engiziliwi puqarlardıń oraylarǵa bolǵan talabın jánede asırıp barmaqta.
Nátiyjede, 2026-jıldıń 6 ayı dawamında fizikalıq hám yuridikalıq shaxslarǵa jámi 10 729 mámleketlik xızmetler kórsetilip, bul kórsetkish 2025-jıldıń 6 ayına salıstırǵanda 1,01 esege kóbeydi. Sonnan, oraylar tárepinen kóshpeli tártipte 985 xızmet kórsetilip, bul kórsetkish jámi kórsetilgen xızmetlerdiń 0,91 payızın quraydı. 2026-jıl 6 ayı dawamında jámi 224 isbilermenlik subyektleri mámleketlik dizimnen ótkerildi, sonnan 69 yuridikalıq shaxslar, 155 jeke isbilermenler. Jámi 112 isbilermenlik subyektleri qayta dizimnen ótkerildi.
Moynaq rayonı ádillik bólimi baslıǵı R.Annarazov