Янгиликлар
01
Qanlıkól rayonı ádillik bólimi tárepinen 2026-jıl dáslepki 6 ayı dawamında ámelge asırılǵan jumıslar haqqında maǵlıwmat berildi
Qanlıkól rayonı ádillik bólimi tárepinen 2026-jıl dáslepki 6 ayı dawamında bir qatar isler ámelge asırıldı.Tiykarınan, “E-Qaror” birden-bir elektron sisteması arqalı rayon hákimligi hám xalıq deputatları Keńesiniń normativ huqıqıy xarakterge iye qarar joybarları nızamshılıqqa, xalıq aralıq shártnama normalarına, mámleketimizde ámelge asırılıp atırǵan reformalardıń maqset hám wazıypalarına, nızamshılıq texnikası qaǵıydalarına muwapıqlıǵı, olarda korrupciyaǵa, basqa huqıqbuzarlıqlar sadır etiliwine sharayat jaratıp beretuǵın, sonday-aq fizikalıq hám yuridikalıq shaxslar ushın artıqsha hákimshilik hám basqa sheklewlerdi keltirip shıǵaratuǵın qaǵıyda hám normalardı anıqlaw hám de huqıqıy ekspertizadan ótkeriw boyınsha bólim tárepinen hákim sheshimlerine, xalıq deputatları Keńesleriniń sessiya qararlarına turaqlı túrde monitoring ótkizilip barılmaqta.
Huqıqıy úgit-násiyat tarawı boyınsha:
Bólim tárepinen 2026-jıl dáslepki 6 ayı dawamında jámi 1145 huqıqıy úgit-násiyat jumısları alıp barılǵan bolıp, sonnan awızeki úgit-násiyat ilájları sanı 476nı quraytuǵın bolsa, televideniede shıǵıwlar sanı 7, radioda shıǵıwlar sanı 9dı, gazetada shıǵıwlar sanı 11di, rásmiy dizimnen ótken elektron málimleme resurslarında úgit-násiyatlaw sanı 22ni, sociallıq tarmaqlar arqalı huqıqıy úgit-násiyatlaw sanı 301di hám de buklet, flayer hám basqa kórgizbeli huqıqıy úgit-násiyatlar sanı 319di quraydı.
Huqıqıy ekspertiza hám yuridikalıq xızmet tarawı boyınsha.
Búgingi kúnde rayon hákimliginde 1 yuridikalıq xızmet shtat birligi hám ádillik bólimine qaraslı 3 yuridikalıq oray xızmetkerleri shtat birlikleri bar bolıp, házirde bul shtat birlikleri tolıǵı menen yuridikalıq xızmet wákilleri menen qamtıp alınǵan.
2026-jıl dáslepki 6 ayı dawamında bólimge huqıqıy ekspertizadan ótkiziw ushın jámi 3 qarar joybarı kelip túsken bolıp, usı qarar joybarlarına bólim tárepinen nızam talaplarına muwapıq juwmaq berilgen.
Insan huqıqların qorǵaw tarawı boyınsha:
Bólimge 2026-jıl dáslepki 6 ayı dawamında jámi 63 múrájat kelip túsken bolıp, sonnan 55 puqaranıń múrájatı qanaatlandırılǵan, 8 puqaranıń múrájatına huqıqıy túsinik berilgen.
Sonday-aq, bólim tárepinen insan huqıqların qorǵawda sudlarǵa kirgizilgen dawa arzalar sanı jámi 25ti quraydı. Kirgizilgen dawa arzalarǵa muwapıq qabıllanǵan sud qararları tiykarında jámi 49 221 813 swm materialliq zıyan óndiriliwi belgilendi.
Sonıń menen bir qatarda bólim tárepinen orınlanıwı májbúriy túske iye bolǵan, jámi 16 dana usınıs shıǵarılǵan. Shıǵarılǵan usınıslarǵa muwapıq, 18 hújjet biykar etilgen (muwapıqlastırılǵan).
Rayon ádillik bólimine kelip túsken múrájatlar analizlengende eń kóp múrájatlar miynet nızamshılıǵı, yuridikalıq fakttı tastıyıqlaw hám de múrájatlar menen islesiw máselelerine baylanıslı ekenligi málim boldı.
Bunnan tısqarı qadaǵalaw ilájları boyınsha ótkizilgen jámi úyreniwler hám monitoringlar sanı 15ti quraǵan bolsa, rayon aymaǵında jaylasqan mákeme hám shólkemlerde jami 63 nızam buzılıw jaǵdayları anıqlandı. Anıqlanǵan nızam buzıwshılıqlardı saplastırıwǵa hám hákimshilik juwapkershilikke tartıw boyınsha 4 usınıs shıǵarıldı.
Norma dóretiwshiligi tarawında bólim tárepinen nızamshılıqqa ózgeris hám qosımshalar kirgiziw boyınsha jami 7 usınıs kirgizildi.
Yuridikalıq xızmet kórsetiw tarawı boyınsha:
Bólimniń Yuridikalıq xızmet kórsetiw orayı tárepinen 2026-jıldıń 6 ayı dawamında 15069 hújjet huqıqıy ekspertizadan ótkeriliw ushın (E-huquqshunos) elektron sistema arqalı kelip túsken bolıp, sonnan 14415 hújjetlerge nızamǵa muwapıqlılıǵı boyınsha juwmaqlar berilgen, 654 hújjet nızam talaplarına muwapıq kelmesligi sebepli qaytarılǵan.
Usınıń menen birge, qarızdarliqti óndiriw boyınsha sudqa shekem sheshiw ushın kirgizilgen jámi 37904000 swmlıq 1 talapnama, mákemeniń mápin kózlep, jámi 37904000 swmlıq 1 dawa arzalar joybarları tayarlap berilgen.
Sonday-aq, jeke táritiptegi hám dem alısqa baylanıslı buyrıqlar hámde xojalıq shártnamaları, jámi 654 hújjet joybarları qosımsha hújjetler qosa usınılmaǵanlıǵı sebepli qaytarılǵan.
Bunnan tısqarı oray xızmetkerleri tárepinen 2026-jıldıń 6 ayı dawamında jámi 146 úgit-násiyat ilájları ótkerilgen bolıp, sonnan 138 awızeki huqıqıy úgit-násiyat ilájları, ǵalaba xabar quralları arqalı (televidenie, radio, gazeta) 3 márte shıǵıwlar ámelge asırılǵan, veb sayt arqalı 5 maqalalar shıǵarılǵan.
Mámleketlik xızmetler kórsetiw tarawı boyınsha:
Bólimniń mámleketlik xızmetler orayı tárepinen 2026-jıl dáslepki 6 ay dawamında puqaralar hám isbilermenlik subyektlerine jámi 12675 mámleketlik xızmetler kórsetilgen.
Sonnan oray arqalı jeke 9474, internet arqalı 3201 xızmetler kórsetilip, bulardan alıs aymaqlarǵa shıqqan halda 1187 kóshpeli mámleketlik xızmetler kórsetilgen, sonıń ishinde 3 isbilermenlik subyektleri kóshpeli túrde mámleketlik dizimnen ótkerilgen.
Sonday-aq, oray tárepinen jámi 302 isbilermenlik subyektler mámleketlik dizimnen ótkerilip, sonnan 58 yuridikalıq shaxslardı, 244 jeke tártiptegi isbilermenlik subyektlerdi quraydı. Sonday-aq, 77 yuridikalıq shaxslar hám de 47 jeke tártiptegi isbilermenlik subyektleri qayta mámleketlik dizimnen ótkerilip, 53 yuridikalıq shaxslar, 48 jeke tártiptegi, jámi 101 isbilermenlik subyektleri mámleketlik dizimnen shıǵarılǵan.
Oray tárepinen fizikalıq shaxslarǵa 2262, yuridikalıq shaxslarǵa 230, jámi 2492 elektron sanlı imzalar alıp berilgen.
Oray tárepinen ǵalaba-xabar quralları arqalı huquqıy úgit-násiyat jumısların alıp barıw boyınsha:
Oray xızmetkerleri tárepinen 269 márte huquqıy úgit-násiyat jumısları ámelge asırılǵan. Atap aytqanda televideniede 1 márte, radioda 5 márte, gazeta hám jurnallarda 4 márte, VEB sayt hám basqada sociallıq tarmaqlarda 15 márte shıǵıwlardı ámelge asırǵan. Sonıń menen birge, 160 tan artıq awızeki úgit-násiyat jumısları alıp barılǵan.
Sonday-aq, oray tárepinen jıl dawamında 365 puqaralar Mobil-ID sisteması arqalı dizimnen ótkerilgen.
Puqaralıq halatların aktlestirip jazıw tarawı boyınsha:
PHAJ bólimi tárepinen 2026-jıl 6 ay dawamında puqaralarǵa 770 huqıqıy xızmetler kórsetilgen. Sonnan, bólim tárepinen tuwılıw haqqında akt jazıwların dizimge alıw boyınsha 371, neke haqqında akt jazıwı 109, nekeden ajırasqanlıq haqqında akt jazıwları sanı 28, ólimdi dizmge alıw boyınsha 166 akt jazıwlar bólim tárepinen dizimge alınıp, tákrar tártipte tuwılǵanlıq haqqında 33, neke haqqında 22, nekeden ajırasqanlıq haqqında 41, ólimdi dizimge alıw haqqında 40 guwalıqlar berilgen. Usılardan onlayn tártipte 212 xızmetler kórsetigen.
Sonday-aq, Minsk konvenciyasına tiykar kelip tusken jami 17 múrájatqa tolıq juwap berilip, tiyisli mánzilge jóneltilgen.
PHAJ uyımlarında dúzilgen jas shańaraqlardı oqıtıw boyınsha 3 oqıw seminarları ótkizilgen hám seminarlarda 75 jas shańaraqlar qatnasqan.
Ǵalaba-xabar quralları arqalı bólim xizmetkerleri tárepinen 7 márte huqıqıy úgit-nasiyat jumısları alıp barılǵan.
Atap aytqanda radioda 3 márte, gazeta hám jurnallarda 2 márte, VEB sayt hám basqa sociallıq tarmaqlarda 2 márte shıǵıwlardı ámelge asırǵan.
Qanlıkól rayonı ádillik bólimi bas másláhátshisi E.Yusupov