Янгиликлар
30
Er jetpegen shaxslardıń huqıqları
18 jasqa tolmaǵan shaxs yaǵniy er jetpegen shaxslar bala esaplanadı. Balalar biziń keleshegimiz. Álbette hár bir balaǵa bólek mehr kórsetiwimiz, olarǵa tálim alıwları, ósip er jetiwi ushın biz ata-analar sharayat jaratıp beriwimiz kerek. Usınıń menen bir qatarda sport menen shuǵıllanıwları, shet tilin biliwleri ushın da qızıqtirib, haqıyqıy watan suyiwshi etip tárbiyalawımız biz ata-analar ushın haqılı esaplanadı. Álbette bala huqıqları nızam qorǵawında bolıwı kerek.
Bala huqıqların qorǵaw boyınsha mámleket siyasatınıń tiykarǵı baǵdarları tómendegilerden ibarat :
balanıń huqıqları, erkinlikleri hám nızamlı máplerin támiyinlew;
balanıń turmısı hám den sawliǵin qorǵaw ;
balanıń kemsitiliwine jol qoymaw ;
balanıń ar namısın qorǵaw ;
balalar huqıqları hám múmkinshilikleriniń teńligin támiyinlew;
bala huqıqları kepillikleriniń huqıqıy tiykarların jetilistiriw;
bala huqıqlarınıń kepillikleri haqqındaǵı nızamshılıqqa ámel etiliwin támiyinlew;
bala huqıqları, erkinlikleri hám nızamlı máplerin támiyinlew hám de qorǵaw boyınsha mámleket shólkemleri hám olardıń lawazımlı shaxsları iskerliginiń ashıqlıǵı hám de áshkaralıǵın támiyinlew;
balalardıń fizikalıq, intellektuallıq, ruwxıy hám etikalıq jetilisiwine kómeklesiw;
bala huqıqların qorǵaw salasında iskerlikti ámelge asırıwshı kadrlar tayarlaw, olardıń mamanlıǵın asırıw hám olardı qayta tayarlaw ;
balalarda watan suyiwshilik, puqaralıq, keń peyillik sezimlerin tárbiyalaw ;
balanı Ózbekstan xalqiniń tariyxıy hám milliy dástúrleri, ruwxıy qádiriyatları hám de jáhán mádeniyatı jetiskenlikleri menen tanıstırıw ;
balanıń shaxsın, onıń ilimiy, texnikalıq hám kórkem dóretiwshiligin rawajlandırıw ;
balalar baslamaların qollap-quwatlaw ;
balada huqıqıy ań hám huqıqıy mádeniyattı qáliplestiriw;
bala huqıqların támiyinlew maqsetinde mámleket shólkemleri hám mámleketlik emes kommerciyalıq bolmaǵan shólkemleri arasında sheriklik qılıw ;
bala huqıqların qorǵaw salasında iskerlikti ámelge asırıwshı xalıq aralıq shólkemler menen sheriklikti rawajlandırıw ;
balalardıń social kónlikpesine, er jetpegenler arasında nızam buzıwshılıqlardı kemeytiwge kómeklesiw.
Nókis qalası ádillik bólimi
Mámleketlik xızmetler orayı aǵa qánigesi S.Bauberikova