Янгиликлар
30
Ózbekstanda xalıqtıń avtomobilleri sanı 5 millionǵa jaqınlastı!
Statistika agentliginiń maǵlıwmatlarına kóre, 2026-jıl 1-aprel jaǵdayına mámleketimizde fizikalıq shaxslarǵa tiyisli avtotransport qurallarınıń sanı 4,9 millionnan astı. Bir jıldıń ishinde mashinalar sanı 344,6 mıńǵa kóbeygen.
Kóshelerimizde mashinalar hám tıǵılıslar kóbeymekte, biraq bul siz hújjetlerdi rásmiylestiriw hám mákemelerdegı gezeklerde de waqtıńızdı joǵaltıwıńız kerek degendi ańlatpaydı! My.gov.uz portalı aydawshılar ushın eń kerekli hám qolaylı onlayn xızmetlerdi bir jerge topladı.
Úyden shıqpastan, waqtıńızdı hám pulıńızdı únemlegen halda tómendegi sanlı xızmetlerden paydalanıń:
- Avtomobil áynekleriniń reńin qaraytıw (tonirovka): Ruxsatnamanı bir neshe minut ishinde aralıqtan rásmiylestiriń.
Aydawshılıq gúwalıǵın rásmiylestiriw: Jańa aydawshılıq gúwalıǵın rásmiylestiriw, eskisin almastırıw, joǵaltılǵan aydawshılıq gúwalıǵın tiklew ushın onlayn buyırtpa beriń.
- Elektron isenimnama (Doverennost): Avtotransport basqarıw ushın isenimnamanı notariusqa barmastan, onlayn rásmiylestiriń.
- Járiyma balların tekseriw: Jol háreketi qaǵıydaların buzǵanıńız ushın esaplanǵan járiyma ballarıńızdan bárqulla xabardar bolıń.
- Juwapkershilikti basqa shaxsqa ótkeriw: JHQ buzǵanlıǵı ushın járiymanı haqıyqatında mashinanı basqarǵan shaxstıń atına ótkeriń.
- Ekologiyalıq stiker alıw: Avtotransport quralı ushın ekologiyalıq stiker alıwǵa onlayn arza tapsırıń.
- Avto qadaǵan etiwdi tekseriw: Satıp almaqshı bolǵan yamasa ózińizdiń mashinańızǵa qadaǵan (arest) bar-joqlıǵın anıqlań.
- Avtoraqam rezerv: Shıraylı yamasa kerekli avtoraqam rezerv haqqında maǵlıwmat alıń.
- AvtoXabar: Avtomashinańızǵa baylanıslı áhmietli xabarnamalardı óz waqtında qabıl etiń.
Waqıtıńızdı tıǵılıs hám gezeklerde emes, shańaraǵıńız hám jaqınlarıńızdıń qushaǵında ótkeriń. My.gov.uz portalınıń "Transport" bólimine kiriń hám barlıq xızmetlerden smartfonıńız arqalı qolaylı paydalanıń!
Nókis qalası ádillik bólimi
Mámleketlik xizmetler orayi jetekshi qánigesi S.Xojaniyazov