Янгиликлар
30
Kóshpes múlkte jasaw ornı boyınsha dizimnen ótken shaxslar haqqındaǵı maǵlıwmattı ózgertiw tártibi belgilendi
Ózbekstan Respublikası Ministrler Kabinetiniń 2026-jıl 30-yanvar kúngi 38-sanlı qararı menen "Ózbekstan Respublikası puqaralarınıń jasaw ornı mánzilin hám olarǵa tiyisli kóshpes múlkte jasaw ornı boyınsha dizimnen ótken shaxslar haqqındaǵı maǵlıwmattı ózgertiw boyınsha mámleketlik xızmetti kórsetiw"diń hákimshilik reglamenti tastıyıqlandı.
Reglamentke bola, mámleketlik xızmet tómendegiler boyınsha kórsetiledi:
- puqaranıń jasaw ornı haqqındaǵı nadurıs maǵlıwmattı ózgertiw boyınsha múrájatı tiykarında sistemada ózgertilgen maǵlıwmatın beriw;
- múlk iesiniń kóshpes múlkinde jasaw ornı boyınsha dizimge alınǵan shaxs (shaxslar) haqqındaǵı nadurıs maǵlıwmattı ózgertiw boyınsha múrájatı tiykarında sistemada mánzil boyınsha dizimge alınǵanlar haqqında ózgertilgen maǵlıwmatnama beriw.
Ishki isler ministrligi janındaǵı Migraciya hám personallastırıw departamenti hám onıń aymaqlıq bólimleri usı tarawda wákillikli uyım esaplanadı. Arza beriwshi sorawnama beriw ushın wákillikli uyım yamasa mámleketlik xızmetler orayına jeke kelip múrájat etedi yamasa YIDXP (my.gov.uz) mámleketlik xızmetten elektron tárizde paydalanıw ushın dizimnen ótedi. Wákillikli uyımǵa kelip túsken sorawnama 3 jumıs kúni ishinde kórip shıǵıladı.
Wákillikli uyım tárepinen sorawnamada kórsetilgen maǵlıwmatlardı úyreniw nátiyjelerine bola, ózgertilgen maǵlıwmat sistema arqalı QR-kod qoyǵan halda tastıyıqlanadı hám sol kúnniń ózinde arza iyesine xabarnama jiberiledi.
Shimbay rayonı ádillik bólimi
Mámleketlik xızmetler orayını qánigesi E.Rzaev