Янгиликлар
30
Jer uchastkasınıń ijara shártnamasın jańa múddetke uzaytırıw tártibi
Ózbekstan Respublikası Ministrler Kabinetiniń 2026-jıl 18-maydaǵı «Jer uchastkasınıń ijara shártnamasın jańa múddetke uzaytırıw tártibin belgilew ilajları haqqında» ǵı qararı menen jer uchastkasınıń ijara shártnamasın jańa múddetke uzaytırıw boyınsha mámleket xızmetin kórsetiwdiń jańa reglamenti tastıyıqlandı.
Usı reglamentke kóre, arza beriwshiler xızmetten Mámleketlik xizmetler orayları yamasa birden-bir ınteraktiv mámleketlik xizmetler portalı (my.gov.uz) arqalı paydalanıwları múmkin. Arza ijara shártnaması múddeti tamamlanıwınan keminde 3 ay aldın elektron túrinde jiberiledi. Arzaǵa ámeldegi ijara shártnaması, wákili múrájat etkende isenim xatı qosımsha etiledi. Mámleketlik xızmeti ushın bazalıq esaplaw muǵdarınıń 1 procenti muǵdarında jıyım óndiriledi. BIMXP arqalı múrájat etkende jıyımnıń 90 procenti tólenedi. Wákillikli organlar jer uchastkasınıń huqıqıy jaǵdayı, salıq hám ijara tólewleri boyınsha qarızdarlıq, jerdiń maqsetli paydalanılıwı hám de basqa kerkeli maǵlıwmatlardı elektron informaciya sistemaları arqalı tekseredi. Rayon (qala) hákimiyatı 10 jumıs kúni ishinde arza boyınsha qarar qabıl etedi.
Mámleketlik xızmeti tómendegi jaǵdaylarda xızmet kórsetiwden bas tartılıwı múmkin:
Jer uchastkasınan maqsetsiz paydalanılǵan bolsa, salıq yamasa ijara tólewlerinen qarızdarlıq bar bolsa, usınıs etilgen maǵlıwmatlar nadurıs yamasa hújjetler tolıq bolmasa, jerge qarata qadaǵan yamasa sud dawı ámeldegi bolsa hám nızamshılıqta belgilengen basqa jaǵdaylar anıqlansa.
Eger hákimlik arza boyınsha bir ay ishinde juwap bermese, jer uchastkasınıń ijara shártnaması avtomatikalıq túrde jańa múddetke uzaytırılǵan esaplanadı hám elektron shártnama arza beriwshige jiberiledi.
Jańa reglament mámleketlik xizmetlerin ápiwayılastırıw, artıqsha byurokratiyalıq tosqınlıqlardı saplastırıw hám de jer qatnasıqları tarawında xızmetlerdi tez hám ashıq kórsetiwge xızmet etedi.
Nókis qalası ádillik bólimi
Mámleketlik xızmetler orayı jetekshi qánigesi S.Mnajov