Янгиликлар
26
Sud májilisi haqqında xabardar bolıw
Endigiden bılay Birden-bir interaktiv mámleketlik xızmetler portalı paydalanıwshıları xabarnama arqalı sud májilisi haqqında xabardar bolıw hámde puqaralıq, hákimshilik, ekonomikalıq hám hákimshilik huqıqbuzarlıq haqqındaǵı isler boyınsha dáslepki sud maǵlıwmatları menen tanısıw imkaniyatı jaratıldı.
Ózbekstan Respublikası Prezidentiniń 2025-jıl 21-avgusttaǵı "Sudlar iskerligine jasalma intellekt texnologiyaların engiziw arqalı ádil sudlawǵa erisiw dárejesin arttırıw hámde sud sistemasınıń materiallıq-texnikalıq támiynatın jaqsılawǵa baylanıslı qosımsha is-ilajlar haqqında"ǵı Pármanında belgilengen wazıypaǵa bola puqaralarǵa jáne de qolaylıqlar jaratıw, sud isleri boyınsha operativ maǵlıwmat jetkeriw maqsetinde Oliy sudtıń málimleme sistemaları Birden-bir interaktiv mámleketlik xızmetler portalı menen integraciya etildi.
Usınıń nátiyjesinde fizikalıq hám yuridikalıq táreplerge ózlerine tiyisli puqaralıq, hákimshilik, ekonomikalıq hám hákimshilik huqıqbuzarlıq haqqındaǵı isler boyınsha sud májilisi ótkeriletuǵın sáne, waqıt hám sud haqqında aldınnan xabardar boladı.
Usı xızmet engiziliwi nátiyjesinde puqaralar hám isbilermenlik subyektleriniń sudqa kelip ketiw menen baylanıslı artıqsha qárejetleri hám waqıt jumsalıwı qısqartıladı, sonday-aq sud májilisi qatnasıwshılarınıń sud májilisi tayınlanǵanlıǵı haqqında xabarsız qalıw jaǵdaylarına shek qoyıladı.
Nókis qalası ádillik bólimi
Mámleketlik xizmetler orayı jetekshi qániygesi R.Berdanov