Янгиликлар
15
Elektron sanli qol tańba aliw tartibi hám onıń abzalıqları
“Elektron húkimet” hám Birden-bir ınteraktiv mámleketlik xizmetler portalı arqalı puqaralarımız, isbilermenlik sub'ektleri, shólkemlestirilgen-huqıqıy formasından qaramastan barlıq yuridikalıq shaxslar ózleri ushın zárúr mámleket shólkemlerine hár qıylı formada murajaat etiwleri múmkin.
Álbette bul orında elektron sanlı qoltańba haqqında hár tárepleme toqtalıp ótiw zárúr. Sebebi joqarıda aytıp ótken kópshilik mámleketlik xizmetlerinen paydalanıw elektron sanli qol tanba járdeminde ámelge asıriladı.
Al, daslep “Elektron sanli qol tańba ózi ne?”, “Ózi ol ne ushın kerek?”, hám “Zárúrshilik payda bolsa qay jerden hám qanday alsa boladı?” - degen sorawlarǵa toqtalıp ótsek!!!
Ózbekstan Respublikasınıń 2022 jıl 12-oktyabde qabıl etilgen “Elektron sanli qol tańba haqqında”gi Nızamınıń 3-statyasında elektron sanlı qoltańba elektron sanlı qoltańba elektron sanlı qoltańba - elektron hújjetdegi usı elektron hújjet informaciyanı elektron sanlı qoltańbanıń jabıq giltinen paydalanǵan halda arnawlı ózgertiw nátiyjesinde payda etilgen hám de elektron sanlı qoltańbanıń ashıq gilti járdeminde elektron hújjetdegi informaciyada qátelik joq ekenligin anıqlaw hám elektron sanlı qoltańba jabıq giltiniń iyesin identifikaciya qılıw múmkinshiligin beretuǵın qoltańba ekenligi belgilengen.
Hújjetti tastıyıqlawdıń tiykarǵı elementlerinen biri bul qoltańba. Hújjetlerdi sanlastırıw menen birgelikte elektron sanlı qoltańba jaratıldı. Bul dástúriy qoltańbanıń alternativ variantı bolıp, elektron hújjetlerge qol qoyıw hám haqıyqıylıǵın tekseriwde shaxstı tastıyıqlaw ushın qollanıladı. Elektron sanlı qoltańba waqıt hám puldı sezilerli dárejede únemleydi hám eki jıl múddetke beriledi.
Elektron sanlı qoltańbanı dizimnen ótkeriw hám elektron sanlı qoltańba sertifikatların beriw Ózbekstan Respublikası Ministrler Kabinetiniń «Mámleketlik xızmetler orayları yamasa onlayn tárizde (aralıqtan turıp) rásmiy málimleme resursları arqalı elektron sanlı imza giltin dizimge alıw hám elektron sanlı qoltańba sertifikatın beriw boyınsha mámleketlik xızmetler kórsetiwdiń hákimshilik reglamentin tastıyıqlaw haqqında»ǵı 2018-jıl 10-maydaǵı 348-sanlı qararı tiykarında Ózbekstan Respublikası Mámleketlik salıq komiteti janındaǵı "Jańa texnologiyalar" ilimiy-málimleme orayı tárepinen Mámleketlik xızmetler orayları arqalı ámelge asırıladı.
Elektron sanli qol tańba mámleketlik xızmetlerdiń barlıq túrlerine aralıqtan paydalanıwdı támiyinleydi hám hújjetlerdiń haqıyqıylıǵına kepillik bolıp xızmet etedi hám qálbekilestiriwden qorǵaydı. Elektron sanli qol tańba qalay alınadı? Elektron sanlı qol tańbanı úsh usılda aliw múmkin:
• mámleketlik xizmetler orayında;
• aralıqtan (onlayn) birden-bir interaktiv mámleketlik xızmetler portalında;
• aralıqtan (onlayn) Elektron sanlı qol tańba dizimge alıw orayınıń rásmiy veb-saytında e-imzo.uz.
Elektron sanlı qol tańba beriw ushın jıyım fizikalıq shaxslar ushın bazalıq esaplaw muǵdarıniń 7 payızın hám yuridikalıq shaxslar ushın 10 payızın quraydı.
Fizikalıq shaxslarǵa Elektron sanli qol tańba sertifikatların beriwde "Sociallıq qorǵawdıń birden-bir reestri" málimleme sistemasında dizimge alınǵan yamasa "Kámbaǵal shańaraqlar reestri" málimleme moduliniń sarı kategoriyasına kirgizilgen shańaraqlardıń aǵzalarına, sonday-aq, I hám II topar mayıplıǵı bolǵan shaxslarǵa 50 payızı muǵdarında, "Kámbaǵal shańaraqlar reestri" málimleme moduliniń qızıl kategoriyasına kirgizilgen shańaraqlardıń aǵzalarına belgilengen jıyımnıń 75 payızı muǵdarında shegirme qollanıladı.
Elektron sanli qol tańba sertifikatın alıw ushın Birden-bir portal arqalı múrájat etilgende, Hákimshilik reglamenttiń 5-bántinde kórsetilgen jıyım summasınıń 90 payızı óndiriledi.
Kásip-óner kolledjleri hám akademiyalıq liceylerdiń oqıwshılarına, ulıwma orta bilim beriw shólkemleriniń pitkeriwshi klass oqıwshılarına, "Temir dápter," "Hayal-qızlar dápteri" hám "Jaslar dápteri"nde dizimde turǵan puqaralarǵa Elektron sanli qol tańba sertifikatları biypul beriledi.
Juwmaqlap aytqanda fizikalıq ham yuridik shaxs óz Elektron sanli qol tańbası járdeminde mámleketlik xizmetlerinen ǵárezsiz túrde Mámleketlik xizmetler oraylarına kelmasten turıp paydalanıwları múmkin. Sonıń menen birge, mámleket xızmetin kórsetiwshi wákillikli mámleket basqarıwı shólkemleriniń, jergilikli mámleket hákimiyatı shólkemleriniń lawazımlı shaxsları hám juwapker xızmetkerleri óz Elektron sanli qol tańba arqalı tiyisli litsenziyalardı, gúwalıqlardı, ruxsatnamalar hám sol sıyaqlı basqa ruxsat beretuǵın hújjetlerdi elektron formada artıqsha qaǵazbazliksiz rásmiylestiriw múmkinshiligine iye boladi.
Nokis qalası ádillik bólimi
Mámleketlik xızmetler orayı jetekshi qánigesi A.Alimbetova