Янгиликлар
15
Bir múrájat izinen
Nókis qalası ádillik bólimine puqara Kalimbetova Almagul Bazarbaevna múrájat etip, óz múrájatında miynet haqısın óndiriw hám tólemler keshigiwi sebepli pul kompensaciyaların óndiriw boyınsha ámeliy járdem beriwdi soraǵan.
Úyreniw dawamında toplanǵan hújjetlerden, puqara A.Kalimbetova Ózbekstan Máhálleleri awqamınıń Nókis qalası bóliminiń 2023-jıl 7-fevraldaǵı 2-13-195-MNQ/2023-sanlı buyrıǵına muwapıq "Qumbız awıl" MPJ baslıǵı lawazımına 2023-jıl fevralda tayınlanǵanı hám de 2025-jıl 20-may sánesindegi 72-k-sanlı buyrıǵına tiykar lawazımınan bosatılǵanı málim boldı.
Sonday-aq, Ózbekstan Máhálleleri awqamı Qaraqalpaqstan Respublikası basqarmasınıń 19.11.2025-jıldaǵı hámde 26.02.2026-jıldaǵı Ózbekstan Máhálleleri awqamına bergen xatlarında puqara A.Kalimbetovaǵa 2024-jıl yanvar ayına shekem bolǵan dáwir ushın paydalanılmaǵan barlıq tiykarǵı hám qosımsha dem alıslar ushın 4 084 740 swm muǵdarında qarızdarlıqlar bar ekenligi tastıyıqlanǵan hámde usı qarızdarlıqtı saplastırıw maqsetinde qarjı ajıratıwda ámeliy járdem soralǵanlıǵı málim etilgen.
Ózbekstan Respublikası Miynet kodeksiniń 25-statyasınıń 1-bántinde jumıs beriwshi miynet haqqındaǵı nızamshılıqqa hám miynet haqqındaǵı basqa huqıqıy hújjetlerge, miynet shártnamaları shártlerine ámel etiwi májbúriyligi belgilengen. Kodekstiń 172-statyasına kóre miynet shártnaması biykar etilgende xızmetker menen esap-kitap etiliwi kerekligi belgilengen.
Esap-kitap xızmetkerge aqırına shekem alınbaǵan miynet haqını, xızmetker tárepinen paydalanılmaǵan barlıq tiykarǵı hám qosımsha dem alıslar ushın kompensaciyalardı, eger miynet haqqındaǵı nızamshılıqta yaki miynet haqqındaǵı basqa huqıqıy hújjetlerde yaki miynet shártnamasında usı tólemlerdi tólew názerde tutılǵan bolsa, usı tólemlerdi tólewdi óz ishine aladı. Jumıs beriwshi tárepinen xızmetkerge tiyisli bolǵan barlıq summalardı tólew xızmetker menen miynet shártnaması biykar etilgen kúni ámelge asırıladı.
Kodekstiń 244-statyasına kóre jumıs beriwshiniń óz finanslıq jaǵdayına qaramastan, nızamshılıqta, miynet haqqındaǵı basqa huqıqıy hújjetlerde, miynet shártnamasında belgilengen miynetke haqı tólew shártlerine muwapıq xızmetkerler tárepinen orınlanǵan jumıs ushın haqı tólewdi ámelge asırıw minnetlemesi kórsetilgen.
Sonıń menen birge, Kodekstiń 333-statyasına muwapıq, jumıs beriwshi miynet haqını, dem alıs tólemlerin, miynet shártnaması biykar etilgendegi tólemlerdi hám (yamasa) xızmetkerge tóleniwi kerek bolǵan basqa tólemlerdi tólew múddetin buzǵan jaǵdayda, olardı tólew múddetinen keyingi kúnnen baslap haqıyqıy esap-sanaq etilgen kúndi óz ishine alǵan múddetke shekem hár bir keshiktirilgen kún ushın Ózbekstan Respublikası Oraylıq bankiniń sol waqıtta ámelde bolǵan qayta qarjılandırıw stavkasınan kelip shıqqan halda procentler (pullıq kompensaciya) menen birge tólewi shárt ekenligi belgilengen.
Xızmetkerge tóleniwi kerek bolǵan pullı kompensaciyanıń muǵdarı Ózbekstan Respublikası Oraylıq bankiniń qayta qarjılandırıw stavkasınıń on procenti muǵdarında belgilenedi.
Joqarıdaǵılarǵa tiykarlanıp, Nókis qalalıq ádillik bólimi tárepinen puqara Kalimbetova Almagul Bazarbaevnanıń mápin gózlep 2026-jıl 1-may kúni 2023-jıldıń 7-fevral kúninen 2023-jıldıń 31-dekabr kúnleri aralıǵındaǵı paydalanılmaǵan miynet dem alısı ushın esaplanǵan pul qárejetlerin óndiriw sonday-aq Miynet kodeksiniń 333-statyasına tiykar esaplanǵan qarızdarlıq ushın hár bir keshiktirilgen kúnge pullı kompensaciya óndiriw boyınsha puqaralıq isleri boyınsha Nókis rayonlar aralıq sudına arza kirgizildi hám arza sudtıń 2026-jıl 25-maydaǵı 2-2301-2607/11981-sanlı sheshiwshi qararına tiykar qanaatlandırıldı.
Nókis qalası ádillik bóliminiń baslıǵı O.Djumaniyazov