Янгиликлар
23
Kishi biznes subyektleriniń rawajlanıwı ushın jáne de qolaylıqlar jaratıw haqqında
Kishi biznes subyektleriniń rawajlanıwı ushın jáne de qolaylıqlar jaratıw haqqında
2026-jıl 26-may kúni 100-sanlı «Kishi biznes subyektleriniń rawajlanıwı ushın jáne de qolaylı ekonomikalıq hám hákimshilik shárt-sharayatlar jaratıw haqqında»ǵı Prezident pármanı qabıl etildi.
Pármanǵa tiykar 2026-jıl 1-iyunnan salıq salıwdıń ulıwmalastırılǵan tártibine ótiw ushın belgilengen muǵdarı BEM nıń 12 mıń esesi etip belgilendi.
2026-jıl 1-iyun sánesinen
-miymanxana hám ulıwma awqatlanıw xızmetlerin kórsetiwshi isbilermenler tárepinen alkogol hám temeki ónimlerin satıwda naq pul tólemlerin qabıl etiwge ruhsat beriledi;
-alkogol ónimlerin satıp alıwda sanlı markirovka kodları sol subiektlerde juwmaqlawshı tutınıwǵa realizatsiyalanǵan dep tán alınadı;
Ulıwma awqatlanıw xızmetlerin kórsetiwshi isbilermenlik subiektleri ushın:
-ayırım kategoriyadaǵı xızmetkerlerdi miynet shólkemleriniń mobil qosımshası arqalı ápiwayılastırılǵan tárizde sol kúnniń ózinde hám arnawlı múddetke rásmiylestiriw hám miynet is haqın tólew tártibi engiziledi;
- tólengen qosılǵan baha salıǵınıń bir bólegin qaytarıw, túsimniń naq pulsız formada túsken úlesine qaramastan, tólengen salıq summasınıń 40 prosenti muǵdarında ámelge asıriladı;
-ulıwma awqatlanıw, sawda hám xızmet kórsetiw iskerligi menen shuǵıllanatuǵın isbilermenlik subiektlerine tiyisli imarat hám qurılıslarǵa hám de olardıń jer uchastkalarına tutas aymaqlardan paydalanıwda tólenetuǵın ijara tólemi muǵdarı Salıq kodeksinde belgilengen tártipte anıqlanatuǵın jer salıǵınıń bir esesi muǵdarında belgilenedi.
2027-jıl 1-yanvardan baslap:
-alkogol ónimlerin usaqlap satıw huqıqı ushın hám de ulıwma awqatlanıw kárxanaları tárepinen alkogol ónimlerin realizatsiya qılıw huqıqı ushın jıyımlar birlestirip hám de onıń stavkası bazalıq esaplaw muǵdarınıń 10 payızı muǵdarında belgileniwi;
- fizik hám yuridik shaxslar tárepinen isbilermenlik subiektlerine ulıwma maydanı 1 000 Metr kvadrattan kóp bolǵan mal-múlk ijaraǵa berilgende, salıq salıw maqsetinde ijara tóleminiń eń kem stavkaları qollanılmaydı,Tashkent qalasınan tısqarı;
kishi biznes subiektlerine buxgalteriya esabın jurgiziwshi shólkemler hám salıq máslahatshilerin tartıw qárejetlerin eki esege asırǵan halda shegiriwge ruhsat beriledi.
2026-jıl 1-iyunnan 2030-jıl 1-yanvarǵa shekem tiykarǵı iskerlik túri ulıwma awqatlanıw, sawda yamasa xızmet kórsetiw tarawı bolǵan isbilermenlik subiektlerine (bunda mámleket úlesi 50 payız hám odan joqarı bolǵan kárxanalar hám de iri salıq tólewshilerden tısqarı) ıqtiyarıy túrde qosılǵan baha salıǵın esaplap shıǵarıw hám tólewdiń ápiwayılastırılǵan rejimin tańlaw huqıqı beriledi.
Qosılǵan baha salıǵı tólewshisi gúwalıǵı tek bul salıq tólewshiler esabın júrgiziw maqsetinde beriledi hám tásir sharaların belgilewge tiykar bolıp esaplanbaydı;
Nókis rayonı Ádillik bólimi
Mámleketlik xızmetler orayı qaniygesi A.Tatlimuratova