Янгиликлар
23
Hár bir insan huqiqlari - qorǵawda hám qádiriyatta
Hár bir insan huqiqlari - qorǵawda hám qádiriyatta
Insan huqıqları - bul hár bir shaxstıń qádir-qımbatı, erkinligi hám sociallıq teńligin támiyinleytuǵın tiykarǵı nızamshılıq principleri bolıp esaplanadı. Hár bir insan tuwılǵannan-aq belgili bir huqıq hám erkinlikke iye. Bul huqıqlar tek ǵana nızam menen qorǵalıp qalmastan, al mámlekettiń, jámiettiń hám hár bir puqaranıń juwapkershiligi esaplanadı.
Ózbekstan Respublikası Konstituciyası insan huqıqların qorǵawdı kepilleydi. Bularǵa ómir hám densawlıqtı qorǵaw, bilim alıw, miynet etiw, dem alıw hám sociallıq qorǵawǵa iye bolıw sıyaqlı tiykarǵı huqıqlar kiredi. Sonday-aq, insan huqıqları ulıwma insanıylıq qádiriyat sıpatında xalıqaralıq shártnamalarda da tán alınǵan. Máselen, BMShnıń "Insan huqıqları ulıwma deklaraciyası" hár bir mámleket tárepinen húrmet etiliwi lazım bolǵan tiykarǵı normalardı belgileydi.
Ádillik ministrligi insan huqıqların qorǵawda nızamlardıń nátiyjeli ámelge asırılıwına turaqlı itibar qaratpaqta. Bul tarawda nızambuzıwshılıqlardıń aldın alıw, puqaralardıń huqıqıy sawatlılıǵın arttırıw hám olardı óz huqıqları haqqında xabardar etiw sıyaqlı jumıslardı qamtıp aladı.
Hár bir shaxs óz huqıqları hám erkinliklerin biliwi hám qorǵawda belsendi bolıwı kerek. Insan huqıqların qorǵaw - tek ǵana mámlekettiń emes, al hár bir jámiyet aǵzasınıń wazıypası esaplanadı. Eger hár birimiz óz huqıqlarımızǵa itibarlı bolsaq hám basqalardıń huqıqların húrmet etsek, jámiyette tınıshlıq hám turaqlılıq jáne de bekkemlenedi.
Nókis rayonı Ádillik bólimi
Mámleketlik xızmetler orayı direktorı A.Nızamatdinov