Янгиликлар
23
Shańaraq - mámleket hám jámiyettiń tiykarı
Shańaraq - mámleket hám jámiyettiń tiykarı
Shańaraqtı muqaddes mákan sıpatında qádirlew, shańaraqta tınıshlıq-tatıwlıq, abadanlıq ortalıǵın qáliplestiriw xalqımızǵa ázelden tán pazıyletler bolıp esaplanadı. Shańaraq hám shańaraqlıq qádiriyatlar hár qanday insan ómirinde qurılatuǵın eń áhmietli tırnaq bolıp esaplanadı. Shaxstıń qáliplesiwi shańaraqta baslanadı.Shańaraqlıq qádiriyatlar tutas tábiyattıń únles rawajlanıwı ushın zárúr kónlikpelerdi sińdiredi.
Shańaraq hám shańaraqlıq qádiriyatlar bárqulla tıǵız baylanıslı hám bir-birisiz bar bolmaydı. Eger shańaraq bolmasa, shańaraqlıq qádiriyatlar tábiyiy túrde óz mánisin joǵaltadı. Dástúriy shańaraqlıq qádiriyatlar ǵamxorlıq hám muhabbatqa tiykarlanadı. Shańaraqtıń bas sárdarı bolsa, ana shańaraqtıń tınıshlıǵın bekkemlewshi, onda ósip kiyatırǵan perzentlerdiń tárbiyası menen shuǵıllanıwshı, mehir-muhabbat úlestiriwshi muqaddes insan bolıp esaplanadı. Ázelden shańaraq-muqaddes dárgay, neke bolsa buzılmas baylanıs esaplanadı. Shańaraq bekkem, tınısh, hadal hám pák bolsa, jámiet te tınısh, bekkem, abadan boladı. Kerisinshe, shańaraqlarda pıtıranqılıq, buzıqshılıq bolsa, sol jámiyet buzıladı, tınıshlıq, qáterjamlıq joǵaladı, ol aqıbetinde tereń kriziske ushıraydı. Baxıtlı shańaraqlar sebepli baxıtlı jámiyet júzege keledi.
Ruwxıy jaqtan bir-birine sabırlı bolıw kerek bolǵanınday, materiallıq jaqtan da qanaatlı hám sabırlı bolıw júdá áhmietli. Shańaraqtıń tınısh, perzentlerdiń baxıtlı bolıwında erli-zayıplınıń ekewiniń de shańaraqtaǵı óz minnetlerin shın kewilden orınlawǵa umtılıwı áhmietli. Bekkem hám baxıtlı shańaraqta erli-zayıplılar óz ara tatıw jasawı, bir-biriniń jaqsı hám jaman táreplerin kóteriwi, ayıp hám kemshiliklerin keshiriwi, tınısh hám tatıw jasawı lazım.
Xojeli rayonı ádillik bólimi
PHAJ I-dárejeli inspektorı A.Seytova