Янгиликлар
22
Neke jası haqqında nızam hújjetlerin buzǵanlıq ushın juwapkershilik bar
Neke jası haqqında nızam hújjetlerin buzǵanlıq ushın juwapkershilik bar
Nızamshılıq mazmunına kóre, neke degende, neke jasına jetken, nızamǵa muwapıq shańaraq qurıwdı qálegen er hám hayaldıń ıqtıyarıy razılıǵı hám teń huqıqlıǵına tiykarlanǵan, nızamlı rásmiylestirilgen, óz-ara jeke hám múlkiy huqıq hám májbúriyatların keltirip shıǵatuǵın bir ómirge dúzilgen awqam túsiniledi.
Ózbekstan Respublikası Shańaraq kodeksiniń 15 statyasına muwapıq, neke jası erkekler hám hayallar ushın 18 jas etip belgilengen. Keshirimli jaǵdaylar bolǵanda, ayırım jaǵdaylarda (hámledarlıq, bala tuwılıwı, er jetpegen shaxstıń tolıq háreket uqıplılıǵına iye dep tabılıwı), nekege kiriwge qálewshilerdiń iltimasına kóre, tiyislı rayon, qala hákimi neke jasın kóbi menen 1(bir) jılǵa kemeytiriw múmkin.
Ózbekstan Respublikası Hákimshilik kodeksiniń 47-3 statyasında neke jası haqqındaǵı nızam hújjetlerin buzıw yaki neke dúziw tártibin buzǵanlıq ushın hákimshilik juwapkershilik belgilengen, yaǵnıy, neke jasına jetpegen shaxs penen haqıyqatındada neke múnásiybetlerine kirisiw-BEMnıń 5 esesinen 10 esesine shekem;
-ata-ana yaki olardıń ornın basıwshı shaxslar tárepinen neke jasına jetpegen shaxstı turmısqa beriw yaki úylentiriw-BEMnıń 7 esesinen 15 esesine shekem;
-neke jasına jetpegen shaxs penen neke dúziwge shekem diniy máresimdi ámelge asırıw- BEMnıń 10 esesinen 20 esesine shekem muǵdarda járiyma salıwǵa sebep boladı.
Usı huqıqbuzarlıqlardı hákimshilik jaza sharası qollanılǵannan keyin jáne tákirarlansa jınayı juwapkershilikke tartılıwına sebep boladı.
Kegeyli rayonı ádillik bólimi
PHAJ bólimi baslıǵı I.Erjanova