Янгиликлар
22
Jasaw ornına turaqlı dizimge turıw ushın arza jiberiw ápiwayılastırıldı
Jasaw ornına turaqlı dizimge turıw ushın arza jiberiw ápiwayılastırıldı
Jasaw ornına turaqlı dizimge turıw ushın arza jiberiw mámleketlik xızmeti Ózbekstan Respublikası Ministrler Kabinetiniń 2026-jıl 5-maydaǵı 224-sanlı Qararı menen tártipke salınǵan bolıp, puqaralar yaki turaq jay iyeleri ózlerine qolay bolǵan orındaǵı wákillikli organ yaki Mámleketlik xızmetler orayları, «Aqıllı» migraciya shaqabshalarına barıp yaki my.gov.uz birden-bir interaktiv mámleketlik xızmetler portalı, «E-xabar berish» sisteması arqalı onlayn tárizde múrájaat qılıwları múmkin.
Búgingi kúnde múlk iyesi yaki sol uyge turaqlı dizimge turıwshı shaxslardıń biri Mámleketlik xızmetler orayına barıw múmkinshiligi bolmasa, onıń mobil telefonına jiberilgen silteme arqalı arzanı tastıyıqlaw imkánı jaratılǵan bolıp, bunda paydalanıwshı oǵan kelgen siltemeniń ústine basıp MXO tárepinen berilgen bir mártelik koddı kiritken halda «Face-ID» arqalı tastıyıqlaw imkánı jaratılǵan.
Bul qolaylıq óz gezeginde qandayda bir sebeplerge kóre Mámleketlik xızmetler orayına barıw múmkinshiligi bolmaǵan puqaralarǵa, sonday-aq bir waqıttıń ózinde bir neshe shaxslardı dizimge qoyıwda olardıń barlıǵın orayǵa shaqırtıp artıqsha waqıtın sarıplap otırmastan arzanı aralıqtan turıp tastıyıqlaw imkánın beredi.
Bunnan tısqarı arza mobil qurılmaǵa ornatılǵan my.gov.uz mobil qosımshası arqalı jiberilgen bolsa múlk iyesi sol qurılmadan «Face-ID» arqalı tastıyıqlaydı hám dizimge qoyılıwshı onı óziniń mobil qosımshasınan «Face-ID» arqalı tastıyıqlaydı. Eger dizimge qoyılıwshı er jetpegen shaxs bolsa arzanı onıń ornına ata anasınıń biri tastıyıqlaydı.
Patshaxanov Absali Adilbaevich
Nókis rayonı Mámleketlik xızmetler orayı bólim baslıǵı