Янгиликлар
22
Jaslardıń biznes ideyaları qollap-quwatlanadı
Jaslardıń biznes ideyaları qollap-quwatlanadı
Prezidenttiń 01.06.2026-jıldaǵı PQ-210-sanlı qararı menen isbilermenlik joybarların qollap-quwatlaw arqalı jaslardıń bántligin támiyinlew boyınsha qosımsha ilajlar belgilendi.
2026-2028-jıllardaǵı maqsetli rejeler:
• 300 mıńnan aslam jaslar wákillerin qamtıp alıw, sonıń ishinde, 100 mıńǵa shamalas qosımsha jumıs orınların jaratıw;
Jaslardıń baslamaların qarjılandırıw hám xızmetkerleriniń kópshilik bólimin jaslar quraytuǵın biznes joybarlardı qollap-quwatlaw sistemasın rawajlandırıw.
"Jaslar biznesi" baǵdarlamalarınıń gezektegi basqıshı sheńberinde 2026-2028-jıllarda AK "Aloqabank" 31 jasqa shekemgi fizikalıq táreplerge qamsızlandırıw polisi támiynatı yamasa úshinshi shaxs kepilligi astında jeńilletilgen mikroqarızlar ajıratadı:
Jaslarǵa shet tili hám sanlı texnologiyalardı úyretiw, sonday-aq, zamanagóy kásip-óner ielew qárejetlerin qarjılandırıw ushın - 20 million sumǵa shekem;
• zamanagóy kásiplerdi ielew hám jumıstı úyge alıp islew joybarları ushın - 50 million sumǵa shekem;
• nan pisiriw, mazalı zatlar tayarlaw hám satıw joybarlarına - 100 million sumǵa shekem.
"Jaslar ushın jumıs orınları" joybarı sheńberinde jas jeke tártiptegi isbilermenlerge 2 milliard sumǵa shekem, yuridikalıq táreplerge bolsa jumıssız jaslardı jumısqa qabıl etiw shárti menen 10 milliard sumǵa shekem 7 jıl múddetke kreditler ajıratıladı.
Tap usınday, "Ózmilliybank" AJ da "Keleshekke qádem" baǵdarlaması sheńberinde "Keleshek isbilermenleri" joybarın ámelge asırıp, jaslarǵa túrli muǵdarda jeńilletilgen kreditler ajıratpaqta.
Joqarı bilimlendiriw mákemeleri pitkeriwshilerin kásipke tayarlaw processlerin shólkemlestiriw hám qarjılandırıw ushın "Ózmilliybank" tárepinen "Meniń birinshi kásibim" baǵdarlaması engiziledi.
Bankler 2026-2027-jıllarda baǵdarlamalardı ámelge asırıw ushın Tikleniw hám rawajlanıw qorı esabınan qarjı aladı.
Taxtakópir rayonı Yuridikalıq xızmet kórsetiw orayı bas yuristkonsultı J.S.Pirnazarov