Янгиликлар
08
Tuwilǵanlıq haqqındaǵi guwaliqti tákirariy aliw xizmetinen paydalaniw tártibi
Búgingi kúnde puqaralarǵa mámleketlik xızmetlerden onlayn tárizde paydalanıw ushın keń múmkinshilikler jaratılmaqta. Sonıń ishinde, tuwılǵanlıq haqqındaǵı guwalıqtı tákirariy alıw ushın mámleketlik mekemelerge barmastan turıp múrájaat etiw múmkin.
Ózbekstan Respublikası Ministrler Kabinetiniń 2020-jıl 20-oktyabrdegi 550-sanlı qararı menen tastıyıqlanǵan ákimshilik reglamentke muwapıq, tuwılǵanlıq haqqındaǵı guwalıqtı taqirariy beriw boyınsha mámleketlik xızmet Mámleketlik xızmetler orayları hám Yagona interaktiv mámleketlik xızmetler portalı (my.gov.uz) arqalı kórsetiledi. Bunıń ushın puqara my.gov.uz portalına kirip, jeke kabineti arqalı avtorizaciyadan ótiwi kerek.
Soń xızmetler diziminen PHAJ organlarınıń “Tuwılǵanlıq haqqındaǵı guwalıqtı taqirariy beriw” xızmeti tańlanadı. Arıza beriwshi tárepinen zárúr maǵlıwmatlar elektron formada kiritiledi hám belgilenǵen mámleketlik baj tólenedi. Múrájaat wákillikli organ tárepinen kórip shıǵıladı hám onıń nátiyjeleri haqqında arıza beriwshige xabarnama jiberiledi.
Tayyar bolǵan hújjetti tiyisli PHAJ bóliminen alıw yamasa xızmet shártlerine muwapıq elektron formada qabıl qılıw múmkin. Bul xızmet puqaralardıń waqıtın hám qarjısın tejewge, sonday-aq mámleketlik xızmetlerden qolay hám nátiyjeli paydalanıw múmkinshiliklerin keńeytiwge xızmet etedi.
Nokis rayon ádillik bólimi
PHAJ bolimi baslıǵı G.Otepova