Янгиликлар
09
Mámleketlik siyasattıń tiykarǵı baǵdarı
Sońǵı jılları Ózbekstanda insan huqıqların támiyinlew baǵdarında keń kólemli reformalar ámelge asırılmaqta. Atap aytqanda, hayal-qızlar hám balalardı qorǵaw, shańaraqta salamat ortalıqtı qáliplestiriw, zorlıq jaǵdaylarına qarata múnásibetti qarar taptırıwǵa ayrıqsha itibar qaratılmaqta.
Usı jıldıń 3-mart sánesinde Ѳzbekstan Respublikası Prezidentiniń «Hayal-qızlar hám balalar huqıqlarınıń qorǵalıӯın kúsheytiӯ hám de olarǵa qarata basım hám zorlıq jaǵdaylarınıń aldın alıӯ boyınsha qosımsha shѳlkemlestiriӯ-huqıqıy is-ilajlar haqqında»ǵı Pármanı imzalandı.
Párman hayal-qızlar hám balalarǵa bolǵan kúsh kórsetiw hám zorlıq jaǵdaylarınıń aldın alıw, olardıń huqıqları menen máplerin isenimli qorǵawǵa qaratılǵan áhmiyetli huqıqıy hújjet bolıp esaplanadı.
Párman sheńberinde bir qatar áhmiyetli wazıypalar belgilep berilgen.
Sonnan:
- zorlıq jaǵdayların erte anıqlaw hám aldın alıw;
- jábirleniwshilerdi qorǵaw mexanizmlerin kúsheytiw;
- qorǵaw orderleri sistemasın jetilistiriw;
- hayal-qızlar hám balalarǵa huqıqıy, psixologiyalıq hám sociallıq járdem kórsetiw xızmetlerin keńeytiw;
- juwapker shólkemler arasında birge islesiwdi jáne de bekkemlew.
Ásirese, zorlıqtan jábirlengen shaxslardı qollap-quwatlaw, olardı reabilitaciyalaw hám jámiyetke qaytarıw máselelerine ayrıqsha itibar qaratılmaqta. Bul bolsa insan qádiri hám abırayın qorǵawǵa xızmet etedi.
Bul pármannıń áhmiyeti sonda, ol tek ǵana huqıqıy mexanizmlerdi jetilistirip qoymastan, jámiyette zorlıqqa qarata múnásibetti qáliplestiriwge xızmet etedi hám onıń orınlanıwı arqalı jámiyette ádillik, qáwipsizlik hám turaqlılıq jánede bekkemlenedi.
Kegeyli rayonı ádillik bólimi
bas másláhátshisi B.Ikmetullaev