Янгиликлар
12
My.gov.uz portalınıń abzallıqları
Búgingi kúnde zamanagóy axborot kommunikaciyası texnologiyaları hár bir puqaraǵa mámleket basqarıwında qatnasıwdıń derlik barlıq basqıshlarında qatnasıw imkanın jaratıp beredi.
Mámleketimizde sońǵı jıllarda mámleket basqarıwın demokratiyalastırıw hám puqaralıq jámiyetti jánede rawajlandırıwda bir qatar isler ámelge asırılǵan bolıp, olar qatarında «Elektron Hukumat» sistemasın jaratıwǵa ayrıqsha itibar berildi. Atap aytqanda, xalıqtıń interaktiv xızmetlerden paydalanıw imkaniyatın jaratıw ushın Birden-bir mámleketlik interaktiv xızmetler portalı (www.my.gov.uz) iske túsirildi.
Xalıqtıń interaktiv mámleketlik xızmetlerden paydalanıw imkaniyatı Ózbekstan Respublikası Ministrler Kabinetiniń 2017-jıl 15-sentyabrdegi «Ózbekstan Respublikası birden-bir interaktiv mámleketlik xızmetler portalı arqalı elektron mámleketlik xızmetler kórsetiw tártibin jetilistiriw is-ilájları haqqında» ǵı 728-sanlı qararında keltirilgen Ózbekstan Respublikası Birden-bir interaktiv xızmetler portalı haqqındaǵı nızamǵa tiykar dizimnen ótiw hám avtorizaciya qılıw jarayanlarınan ótken paydalanıwshılar ushın ámelge asırıladı.
Elektron mámleketlik xızmetleri pullı yaki biypul kórsetiledi. Birden-bir interaktiv mámleketlik xızmetler portalı arqalı fizikalıq hám yuridikalıq shaxslar mámleketlik xızmetlerinen paydalansa mámleketlik xızmet kórsetiliwi ushın jıyım summasınıń 90 payızı óndiriledi hámde puqaralar, isbilermenlik subektleri ózleri úyinde otırıp xızmetten paydalanıp waqıtın tejeydi, artıqsha qárejetlerdiń aldın aladı.
Sonday-aq, puqaralar Mámleketlik xızmetler orayı arqalı kórsetilmeytuǵın mámleketlik xızmetlerden Birden-bir interaktiv mámleketlik xızmetler portalı arqalı paydalanıwları hám ózlerine zárúr bolǵan sistemaǵa kiritilgen maǵlıwmatlardıda alıwları múmkin boladı.
Kegeyli rayonı ádillik bólimi
Mámleketlik xızmetler orayı bólim baslıǵı S.Otegenov