Янгиликлар
16
Nızamshılıqtaǵı jańalıqlar
“Awıl xojalıǵı islep shıǵarıwshılarınıń jerden paydalanıwdaǵı erkinligin támiyinlewge qaratılǵan gezektegi ilajlar haqqında”ǵı Prezident Pármanı
(PP-68-sanlı, 24.04.2026 j.) qabıl etildi.Pármanǵa bola, 2026-jıl 1-maydan respublikanıń barlıq aymaqlarındaǵı awıl xojalıǵına mólsherlengen jer uchastkaları Ózbekstan Respublikası Prezidentiniń 2025-jıl 3-fevraldaǵı PP-18-sanlı Pármanında belgilengen tártipte realizaciya etiledi, bunda:
- Qaraqalpaqstan Respublikası Ministrler Keńesi Baslıǵınıń hám wálayatlar hákimleriniń usınısına tiykarlanıp 50 gektardan - 500 gektarǵa shekemgi ólshemdegi jer uchastkaların tek ǵana sanaat usılındaǵı plantaciyalar shólkemlestiriw hám sharwashılıq ushın jer uchastkasınan ruxsat etilgen paydalanıw túrin belgilegen halda aukcion sawdalarına shıǵarıwǵa jol qoyıladı;
- aukcion sawdalarına shıǵarılatuǵın jer uchastkalarınıń baslanǵısh bahası jer uchastkasınıń normativ bahasınıń 50 procenti muǵdarında belgilenedi, hár bir qayta sawdada satılmaǵan lot bahası 10 procentten baslanǵısh bahanıń 10 procenti muǵdarına (jer uchastkasın aukcion sawdalarına shıǵarıw qárejetlerinen kem bolmaǵan muǵdarǵa) basqıshpa-basqısh tómenletiledi;
- birinshi aukcion sawdası tiyisli jer uchastkası haqqındaǵı xabarnama járiyalanǵan kúnnen baslap 15 kún múddette hám qayta sawdalar 1 kún múddette ótkeriledi.
Xojeli rayonı ádillik bólimi
MXO direktorı J.Sabirov