Янгиликлар
17
Tayınlanǵan pensiya qayta esaplandı
Moynaq rayonı ádillik bólimine puqara Dauletmuratova Rabiga Matekeevna arza menen múrájat etip, 1999-jıl aprel ayınan 2003-jıl noyabr ayına shekem Qanlıkól rayonı oraylasqan emlewxanası reanimaciya bóliminde sanitarka lawazımında jumıs islegeni biraq usı dáwirler miynet dáptershesine kiritilmegenligi sebepli pensiya tayınlawda esapqa alınbaǵanlıǵı bul boyınsha nızamlı járdem beriwdi soradı.
Ádillik bólimi tárepinen múrájat úyrenip shıǵılıp Dauletmuratova Rabiga Matekeevnanıń mápinde Puqaralıq isleri boyınsha Qońırat rayonlararalıq sudına Qanlıkól rayonı oraylasqan emlewxanası reanimaciya bóliminde sanitarka lawazımında 1999-jıl 14-aprel sánesinen baslap 2003-jıl 30-noyabrge shekem 4 jıl 7 ay 16 kún islegenlik faktın belgilep beriwdi sorap arza kiritilip sud qararına tiykar Dauletmuratova Rabiga Matekeevnanıń Qanlıkól rayonı oraylasqan emlewxanasında 4 jıl 7 ay 16 kún islegenlik faktı belgilenip pensiya bólimi tárepinen puqaranıń pensiyası qayta esaplanıwı táminlendi.
Moynaq rayonı ádillik bólimi baslıǵı R.Annarazov