Янгиликлар
12
Puqaralardıń jasaw hám turǵan jeri boyınsha dizimge alıw jáne dizimnen shıǵarıw tártibi qanday?
"Ózbekstan Respublikası puqaraların, sırt el puqaraların hám de puqaralıǵı bolmaǵan shaxslardı jasaw hám turǵan ornı boyınsha dizimge alıw haqqında"ǵı Ózbekstan Respublikası Nızamınıń orınlanıwın támiyinlew maqsetinde Ministrler Kabinetiniń 2026-jıl 05-may kúni «Ózbekstan Respublikası puqaraların jasaw hám turǵan jeri boyınsha dizimge alıw jáne dizimnen shıǵarıw tártibi haqqındaǵı rejeni tastıyıqlaw haqqında»ǵı 224-sanlı qararı qabıl etildi.
Rejege kóre:
- Ózbekstan Respublikası puqaraların jasaw hám turǵan ornı boyınsha dizimge alıw tártibi;
- Ózbekstan Respublikası aymaǵında jasaw hám turǵan ornı boyınsha dizimnen ótiwdi biykarlaw tártibi;
- jasaw hám turǵan ornı boyınsha dizimnen ótkeriwdi biykar etiw tártibi tastıyıqlandı.
Usı Reje Ózbekstan Respublikasınıń "Ózbekstan Respublikası puqaraların, sırt el puqaraların hám de puqaralıǵı bolmaǵan shaxslardı jasaw hám turǵan ornı boyınsha dizimge alıw haqqında"ǵı Nızamına muwapıq Ózbekstan Respublikası puqaraların jasaw hám turǵan ornı boyınsha dizimge alıw hámde dizimnen ótkergenligin biykarlaw tártibin belgileydi.
Puqaranı jasaw ornı hám turǵan jeri boyınsha dizimge alıw, sonday-aq, jasaw ornı boyınsha dizimnen shıǵarıw xızmetleri usı Reje talapları tiykarında ámelge asırıladı hám huqıqbuzarlıqlardıń aldın alıw hám xalıqtıń migraciyasın esapqa alıw maqsetinde puqaranıń respublika aymaǵınıń belgili bir jerinde jasaw yamasa waqtınsha bolıw jaǵdayın anıqlawdı názerde tutadı.
Puqaranı jasaw hám turǵan ornı boyınsha dizimge alıw hár eki táreptiń (mulk iyesi hám puqara) qatnasıwında ámelge asırıladı hám olardıń razılıǵı "Face-ID" yamasa "Mobil-ID" sisteması arqalı tastıyıqlanadı.
Tuwılǵan bala puqaralıq halatı aktlerin jazıw (keyingi orınlarda - PHAJ) uyımları tárepinen oǵan tuwılǵanlıq haqqındaǵı akt jazıwın rásmiylestiriw waqtında ákesi yamasa anasınıń jasaw ornı boyınsha dizimge alınǵan mánziline maǵlıwmatlardı kirgiziw arqalı real waqıt rejiminde jasaw ornı boyınsha dizimge alınadı.
Tuwılǵan balaǵa PHAJ tárepinen tuwılǵanlıq haqqındaǵı akt jazıwın rásmiylestiriw waqtında onı jasaw ornı boyınsha dizimge alıw ushın turaq jay múlk iyesiniń (múlk iyeleriniń) kelisimi talap etilmeydi.
Puqara jańa jasaw ornına kelgen kúnnen baslap on jumıs kúni ishinde nızamshılıq hújjetlerine muwapıq jasaw ornı yamasa turǵan ornı boyınsha dizimnen ótiwi hám turaq jay múlk iyesi (múlk iyeleri) onı jasaw ornı yamasa turǵan ornı mánziline dizimge alıw ushın usı Rejede belgilengen tártipte wákillikli uyımǵa xabar beriwi shárt.
Puqaranıń jasaw ornı hám turǵan jeri boyınsha dizimge alınǵanlıǵı onda usı turaq jayǵa (turaq jay maydanına) bolǵan múlk huqıqınıń kelip shıǵıwına alıp kelmeydi.
Puqaralar yamasa turaq jay múlk iyesi (múlk iyeleri) jasaw ornı boyınsha dizimnen ótiw ushın ózlerine qolaylı bolǵan jerdegi wákillikli uyım yamasa mámleketlik xızmetler orayları, "Aqıllı" migraciya shaqapshaları arqalı jeke ózi yamasa JIMXP, "E-xabardar etiw" sisteması arqalı onlayn tárizde múrájat etiwi múmkin.
Nızamnıń 22-statyasına muwapıq jasaw hám turǵan ornı boyınsha dizimnen ótkeriwdi biykarlaw ushın tómendegiler tiykar boladı:
- usı Rejede kórsetilgen tiyisli hújjetlerdiń usınılmaǵanlıǵı;
- usınılǵan maǵlıwmatlardıń haqıyqatqa tuwra kelmewi;
- mámleketlik bajını tólemegenlik;
- turaq jaydı ótkeriw ushın qadaǵan etilgenligi hám (yamasa) xatlap qoyılǵanlıǵı;
- usı Rejeniń 49-bántinde názerde tutılǵan tiykarlar boyınsha Ózbekstan Respublikası boylap erkin háreketleniwge, jasaw hám jasaw ornın tańlaw huqıqına sheklewler engizilgenligi;
- usı Rejeniń 10-bántinde názerde tutılǵan talaptıń buzılǵanlıǵı.
Kegeyli rayonı ádillik bólimi
Yuridikalıq xızmet kórsetiw orayı bas yuriskonsultı S.Bazarbaev