Янгиликлар
11
Hayal hám jamiyet
Hayal hám jamiyet
Hayal hám jamiyet – bul hár qanday rawajlanǵan yamasa rawajlanıp baratırǵan jámiyettiń eń áhmıyetli hám aktual temalarınnan biri. Hayal-qızlardıń jámiyettegi ornı hám róli tek ǵana shańaraq penen sheklenbey, bálki mámlekettiń siyasiy, ekonomikalıq, sociallıq hám mádeniy turmısınıń barlıq tarawların qamtıp aladı. Jámiyetlik progress hám demokratiyalıq jańalanıwlar hayal-qızlar qatlamısız júzege keliwi múmkin emes.
Hayal – shańaraq dawamshısı, úrp-ádet hám qádriyatlardıń saqlawshısı. Ol keleshek áwladtı tárbiyalawshı hám jámiyetke jetik insanlardı jetkerip beriwshi baslı kúsh esaplanadı.
Salamat hám bilimli áwladtı jetkeriwde analardıń roli sheksiz. Ananıń tárbiyası — keleshek jámiyettiń tiykari esaplanadı.
Shańaraqtaǵı tınıshlıq hám awızbirshilik tuwrıdan-tuwrı hayal-qızlardıń aqıllılıǵı hám sabırlılıǵına baylanıslı.
Zamanagóy jámiyette hayallardıń bilim alıwı hám kásip-óner iyesi bolıwı mánisiz áhmiyetke ie. Hayal-qızlardı qollap-quwatlaw ekonomikalıq turaqlılıqtıń tiykarı bolıp xizmet etedi.
Bilimli hayal – bilimli jámiyet degendi bildiredi. Hayal-qızlardıń joqarı maǵlıwmat alıwı olardıń turmıs dárejesin hám jámiyettegi ornın bálentletedi.
Búgingi kúnde kishi hám orta biznes tarawında hayal-qızlardiń úlesi sezilerli dárejede artpaqta. Bul bolsa shańaraqlar butinligin hám mámleket ekonomikasın bekkemlewge xızmet etedi.
Hayallardıń mámleketti basqarıw hám qarar qabıl etiw proceslerindegi qatnasıwı demokratiyalıq jámiyettiń tiykarģı belgilerinen biri esaplanadı.
Hayallar hám er adamlar arasındaǵı teń huquqlılıq (gender teńligi) nızamshılıq penen qorǵaladı hám qollap-quwatlanadı.
Parlamentte, ministrliklerde hám basqa da mámleketlik shólkemlerde hayal-qızlar óz belsenliligin kórsetip, jámiyetlik máselelerdi sheshiwde qatnaspaqta. Bul bolsa óz nawbetinde mámleketimizde hayal-qızlarǵa degen ulken itabar ekenliginiń belgisi esaplanadı.
Taxtakópir rayonı ádillik bólimi
PHAJ bólimi baslıģı J.Tashimova