Янгиликлар
08
Kishi biznes joybarları finanslıq qollap-quwatlanadı
Kishi biznes joybarları finanslıq qollap-quwatlanadı
“Finanslıq xızmetlerdiń ǵalabalıǵın arttırıw, kishi hám orta biznesti qollap-quwatlawdı keńeytiwge baylanıslı gezektegi ilajlar haqqında”ǵı Prezident qararı qabıl etildi.
Qararǵa bola, 2026-jıl 1-iyulge shekem kredit alıw ushın arza beriw hám arza boyınsha bir neshe banklerdiń usınısların alıw imkaniyatın beretuǵın sanlı finanslıq platforma (Platforma) iske túsiriledi.
Kommerciyalıq bankler tárepinen máhállelerdiń qánigelesiwi hám “ósiw noqatları”n esapqa alǵan halda biznes ideyalardı islep shıǵıw arqalı isbilermenlikti qollap-quwatlawǵa qaratılǵan “AI másláhátshi” baǵdarlaması iske túsiriledi.
2026-jıl 1-iyulden “Kishi biznesti úzliksiz qollap-quwatlaw” kompleksli baǵdarlaması (Baǵdarlama) sheńberinde:
aldın Baǵdarlama sheńberinde mikrokreditten paydalanǵan hám unamlı kredit tariyxına iye bolǵan isbilermenlerge mikrokredittiń girewsiz bólegi 100 mln swmdan 200 mln sumǵa shekem arttırıladı;
“Isbilermenlikti rawajlandırıw kompaniyası” AJ tárepinen tómendegiler usınıladı:
kishi isbilermenlik subektlerine kredit muǵdarına qaramastan, onıń 5 mlrd sumǵa shekem bólimi ushın procent qárejetlerin qaplaw ushın kompensaciya;
hár jılı Baǵdarlama tiykarında qollap-quwatlanǵan hám joqarı kórsetkishke iye 100 isbilermenge jumısın sanlastırıw, xalıqaralıq standartlar hám jasıl texnologiyalardı engiziw qárejetleri ushın 300 mln sumǵa shekem grant.
Qaraqalpaqstan Respublikası Ádillik
minstrligi Intellektual múlk huqıqların
qorǵaw sektorı bas másláhátshisi A.A.Nurabullayev