Янгиликлар
28
Joqarı mamanlıqqa iye pedagoglarǵa turaq-jay ushın jańa jeńillik
Ózbekstan Respublikası Ministrler Kabinetiniń 2026-jıl 19-fevraldaǵı “Joqarı mamanlıq kategoriyasına (bas oqıtıwshı lawazımı) iye bolǵan pedagoglardı sotsiallıq qollap-quwatlaw boyınsha qosımsha is-ilajlar haqqındaǵı” qararına muwapıq, joqarı ilmiy tájriybe kategoriyası (bas oqıtıwshı lawazımı) na iye hám de keminde 15 jıl pedagogikalıq jumıs stajına iye oqıtıwshılardı social qollap-quwatlawdıń jańa sisteması engizildi.
Usı qararǵa tiykarlanıp, 2026-jıldan baslap bul kategoriyalı pedagoglarǵa ipoteka krediti ushın tólenetuǵın baslanǵısh tólemniń 25 procenti mámleket byudjet qarjıları esabınan subsidiya retinde qaplap beriledi. Bul bolsa oqıtıwshılardıń turaq-jay sharayatların jaqsılaw hám olardı materiallıq xoshametlewge xızmet etedi.
Subsidiya alıw ushın arzalar Mámleketlik xizmetler orayları hám de birden-bir ınteraktiv mámleketlik xizmetler portalı arqalı biypul qabıl etiledi. Arzalar elektron sistema arqalı insan faktorsız kórip shıǵıladı hám arza beriwshilerdiń jumıs stajı, ilmiy tájriybe qatlamı, turaq-jay menen támiyinlengenlik dárejesi hám de kredit tariyxı avtomatikalıq túrde bahalanadı.
Qararǵa kóre, subsidiyalar baslanǵısh turaq-jay bazarınan kvartira satıp alıw ushın ajratıladı. Dástúr sheńberinde hár jılı mámleketlik byudjetten 200 milliard swmǵa aqsha ajıratılıwı belgilengen.
Jańa tártip pedagoglardıń jámiyettegi abırayın jáne de asırıw, olardıń miynetin múnásip qádirlew hám de turaq-jay máselesin sheshiwde qosımsha múmkinshilikler jaratıwǵa xızmet etedi.
Nókis qalası ádillik bólimi
Mámleketlik xızmetler orayı bólim baslıǵı B.Nurlıbekov